TBP Balochi

بلوچستان ءِ دمگ خضدار ءَ گوستگیں شپ ءَ یک بمب تراکے ءَ پھازگی لشکر نشانگ ءُ کلات ءَ تیل ءُ گیس شوھاز کنوکیں شرکتی ءِ مشینری ماندارگ بیتگ اَنت۔

اھوالانی ردءَ گوستگیں شپ ءَ خضدار شھرءَ بلدیہ پارک ءِ نزیکءَ جوڑ بیوکیں سرکاری ماڑیءِ پھازگی ءَ برجاھیں کارندھانی سرءَ ناشناسیں مردماں گوں دستی بمب ءَ نشانگ کُتگ اَنت۔

تراکے تہءَ دو مردمانی ٹپی بئیگ ءِ اھوال اِنت وھدیکہ تراکے وھدءَ تیرگواری ءِ توار ھم اُش کُنگ بیتگ اَنت البت داں انگت واکدارانی نیمگءَ اے بابت ءَ گیشتریں اھوال دیگ نہ بیتگ اَنت۔

دومی نیمگ ءَ کلات ءِ ھند ھربوئی ءَ ناشناسیں مردماں تیل ءُ گیس شوھازکنوکیں شرکتے مشینری مانداشتگ اَنت۔

ھربوئی ءُ کش گوری دمگانی تہءَ چدوپیسر ھم بلوچ آجوئی لوٹوکیں گل بلوچ لبریشن آرمی ءِ نیمگ ءَ تیل ءُ گیس شوھازکنوکیں شرکتاں ھوار لشکری کارندہ ھم ارشانی تہءَ نشانگ کنگ بیتگ اَنت۔

البت داں انگت اے دودھیں ارشانی ذمہ واری ھچ گل ءَ پہ وت نہ من اِتگ۔

گوریچانی نائجیریا یک آروسی مراگشے ءَ واتر آیوکیں بوجیگ بڈ اتگ ءُ چریشی ءِ آسر ءَ کساس سد مردم بیران بیتگ اَنت-

درملکی ھال کنوکیں ادارہ ءِ رد ءَ نائجیریا ءِ پولیس ءُ دمگی مردماں رسانکدراں گوں تران کنان ءَ بوجیگ اُستان کوارا ءَ نائجر ءِ کور ءَ بڈ اتگ-

پولیس ءِ جارکش اوکاسانمی اجائی ءَ سد مردمانی بیرانی ءِ اھوال داتگ اَنت ءُ زندگینانی شوباز برجاہ اِنت-

دومی نیمگ ءَ دمگی جھمنند اسمان ابراھیم ءِ گوشگ ازبنت کہ سانمندیں مردمانی تہ ءَ زالبول ءُ زھگ ھم ھوار اَنت، ءُ ھمساھگیں اُستان نائیجر ءِ ایگبوتی میتگ ءَ شپ ءَ آروس ءَ بیتگ ءُ واتر آیگ ءَ بیتگ اَنت-

اسمان ءِ گوشگ اِنت کہ وئیل بامسار ءِ ساھت سَے ءَ پیش اتکگ کہ ایشی ءِ اھوال بازیں اداراں پد اتکگ اَنت بلے سانمندیں مردم پہ وھد بچینگ نہ بیتگ اَنت-

سعودی ءِ وزارت تر ءُ تابی ءَ جارجتگ کہ امریکہ، برتانیہ یا شینگن ءِ تر ءُ تاب کنگ ءَ ویزا داروکیں مردمانی گون ءُ یورپی یونین ءِ آیوکیں نندوک سعودی ءُ ای ویزا ءِ واستا دزبندی ءَ دات کن اَنت-

عرب نیوز ءِ رد ءَ ڈیھ ءَ پترگ ءِ جوانتریں کار ایش اِنت کہ وزارت ھارجہ ءِ ویب سائٹ ءِ سر ءَ گیشنگ بنت-

اے گامگیج وزارت ءِ ھما جھدانی بھر اِنت ڈیھ ءُ ایوکیں واھکدارانی پترگ ءِ آسراتی ءِ کمک ءَ کنت اِنت- ایشی ءِ ھواری ءَ سرجمیں راجدپتری جاھاں ھن تر ءُ تاب اود ءَ وتی وتی لیکھاں دزنویس کت کنت-

امریکہ، برتانیہ یا شینگن ریاستاں ویلڈ تر ءُ تاب یا کار ءُ باری ویزا ھولڈرز یک گچینی چیزے دیگ بیت اِنت ھنچشکہ ویزا کنوکین ڈیھ ءَ یک رندے اتکگ بیتگ –

لس ویزا ھولڈرز ھونی ریشوک ءِ ھواری ءَ امریکہ، یورپی یونین یا برتانیہ ءِ آیوکیں جھمننداں ھم پترگ ءَ ھما ھک دیگ بنت اِنت –

آیوکیں جھمننداں ھم ھونی ریشوک ءِ آیگ ءَ ویزا ءِ سر ءَ ڈیھ ءَ رسانی دنت اِنت –

گیشنتگیں تر ءُ تابی ویزا ءِ چیزانی بارو ءَ گوشگ بیتگ کہ وزیٹرز ڈیھ ءَ نندگ ءِ وھد ءَ دراھیں رھبندانی سر ءَ امل کنگ لوٹ ایت چریشی ءِ توک ءَ پجار کاڈ ھروھد ءَ وتی گون ءَ بہ بیت اِنت –

واکداراں اے وھد ءَ گوشتگ کہ تر ءُ تاب کنوکیں مردماں اے وھد ءَ ھج ءِ دوران ءُ ھج یا عمرہ کنگ ءِ اجازت دیگ نہ بیت اِنت-

دمگ ءِ نپمندیں پروڈکشن ءِ دیمروئی کنگ ءِ ھاتر ءَ ابوظبی ءَ وتی اولی گاڑی فیکٹری ءِ جنگ ءِ ھاتر ءَ جوڑ کرتگ کہ اے ری سائیکل ءِ ساز ءُ ساماناں کارمرد کنت-

سرکاری ھال سرکنوکیں پتر وام ءِ رد ءَ متھدہ ارب امارات ءَ اے کامرس فارم سناھا ءَ ڈیھ ءَ اے دابیں اولی فسلٹی ءِ بنھشت ایر کنگ ءِ ھاتر ءَ انٹرنیشنل شریداری ءِ ھواری ءَ مسام ءِ سر ءَ دزنویس کتگ-

عرب نیوز ءِ رد ءَ سناھا یک اماراتی بزنس ٹو بزنس ءِ پلیٹ فارمے کہ راجی زرکاری ءُ زرکاری کارجاھانی کمک کنت اِنت – دیمروئی ءُ مارکیٹنگ کنت اِنت-

جوانیں سنگ میل ءِ چیدگ ءَ کنت اِنت ءُ متھدہ ارب امارات ءَ زرکاری کارجاھانی گامگیجاں گیش دیم ءَ برگ ءِ کمک ءَ کنت اِنت-

سناھا ءِ چیئرمین ءَ یک درشانے ءَ گوشتگ کہ سناھا پلیٹ فارم ما راجی زرکاری ءِ تکانی پلامرزی ءُ زرکاری کارجاھانی گھتر کنگ ءِ دراھیں شریداری ءِ ھواری ءَ مھکمیں رنگے ءَ کمک کنت اِنت-

وام ءِ رپورٹ ءِ رد ءَ اے فسلٹی ءَ جوڑ کنگ بیتگیں گاڑیاں ڈنی ساز ءُ سامان جاڑیگ اَنت کہ چوشکہ وزن ءَ کم ءُ تیل ءِ کار ءَ گیش کنت اِنت ٹ

اے فیکٹرء انٹرنیشنل مارکیٹ ءِ نھاد ءَ کم بیت اِنت ءُ جوانیں گاڑی ھم دار کت کنت کہ انیگیں دور ءِ وھیل ڈرائیو ٹیکنالوجی اِنت-

اے مسام ءِ سر ءَ ابوظبی انرجی سینٹر ءَ سی ءُ یک مئی ءَ دا یک جون ءَ بیوکیں میک اٹ ان انمریٹس فورم ءِ وھداں دزنویس کتگ بیتگ-

رپورٹ ءَ گیش گوشگ بیتگ ات مسام نومبر ءَ متھدہ ارب امارات ءَ برجم بیوکیں دراھیں مھلوک یکجاہ بیت اِنت ءُ مولمانی رد ءُ بدلی ءِ کانفرنس بیست ءُ ھشتمی نیاد ءِ رس ءَ دار ایت-

وزارت زرکار ءُ نوکیں ٹیکنالوجی ءُ سناھا ڈیٹا آیکسچینج ءُ ڈیجل مارکیٹنگ ءِ سر ءَ گوستگیں ھپتگ ےَ راجی زرکاری تکاں دیمروئی منوکی ءَ یک یاتگیری ءِ سر ءَ دزنویس بیتگ چریشی ءِ سر ءَ متھدہ ارب امارات ءِ جوڑ کرتگیں جوڑ کرتگیں دمگی ءُ میان اُستمانی تکاں گیشی ءَ کنت اِنت-

اے مسام ارب امارات ءِ جوڑ کنوکیں تکانی دیمروئی ءُ روک ءُ آیوکانی میان ءَ دمگی جوڑ کرتگینانی دیمروئی سپلائی ءَ چین ءِ مھکم کنگ ءَ راجی گامگیجے ءُ گیشتر ٹیکالوجیان گوں بندوک اِنت-

ڈونلڈ ٹرمپ ءِ سر ءَ ھاسیں سَنَدانی وتی گور ءَ ایر کنگ ءَ ھوار دگہ بازیں بھتام اَنت۔

در ملکی ھال سرکنوکیں ادارگ ءِ رد ءَ امریکہ ءِ پیسرگیں ڈونلڈ ٹرمپ دزگیر کنگ بیتگ، ءُ آمیدگس ءَ پیش کنگ ءِ وھد ءَ پھزداری ترند کنگ بیتگ ۔

ڈونلڈ ٹرمپ ءِ سر ءَ ھاسیں سَنَدانی وتی گور ءَ ایر کنگ ءَ ھوار دگہ بازیں بھتام اَنت، ءُ آ ھمے سال ءَ اپریل ءَ ھم دزگیر کنگ بوتگ اَت۔

بھتامانی پسو ءَ ڈونلڈ ٹرمپ ءَ سلامتی ءِ ھاتر ءَ جرم ءَ انکاری کتگ -ٹرمپ ءِ وکیل ٹوڈ بلانچے ءَ آمیدگس ءَ گوں گوشتگ کہ ما سرجم ءَ جانسلامتی ءِ جرم ءَ انکاری اِنت –

اے بنجاھی پتری آمیدگس ءِ پتر ءَ اولی رند ءَ گوستگیں سروک ءِ ھلاپ ءَ ارزی نامہ اِنت- سروک ٹرمپ ءَ وتی چاگردی ترامجاہ ٹروتھ سوشل ءَ نبشتگ کتگ مئے ڈیھ ءِ راجدپتر ءَ یک اجکہ کنوکیں روچاں یکے،ما بستار راج مروچی کمتری ءِ آماچ اِنت-

سروک ٹرمپ ءَ وتی کسانوکیں بھتامانی سر ءَ درشان کنان ءَ گوشتگ کہ من ءَ نشانگ کنگ ءَ اَنت-

آمیدگسی پیشی ءِ وھد ءَ ڈونلڈ ٹرمپ ءِ بازیں پلامرزی کنوکاں آمیدگس ءِ نزیک ءَ مُچ بیتگ اَنت – ایشانی توک ءَ لھتے ءَ’ امریکہ ءَ یک رندے گچینی ڈیھے بہ کن ‘ اوگام جتگ ءُ بیس بال ءِ کلاہ سرا کتگ بیتگ اَنت-

امریکہ ءَ اولی رند ءُ اے وڑ بوگ ءَ اِنت پوج ءِ انیگیں یا گوست ءِ سروک بنجاھی پتر ءِ بھتامانی دیمپانی کنگ کپتگ –

زانگ بہ بیت اے کیس ٹرمپ ءِ سر ءَ نُھ جون ءَ جرم نامینگ بیتگ – جرم ءِ نامینگ ءَ پد ٹرمپ ءَ وتی سوشل میڈیا ءَ نبشتگ کتگ کہ بدکردیں بائیڈن ءِ انتزامیہ ءُ منی وکیل ءَ را لوٹ کتگ کہ منی سر ءَ جرم نامینگ بیتگ – گمانی سندانی ڈبوکانی توک ءَ ھالانی درگت –

ٹرمپ ءَ وتی چاگردی ترامجاہ ءَ نبشتگ کتگ کہ من ھچبر اے داب ءَ نہ جیڑ اتگ کہ امریکہ ءَ گوستگیں سروک ءِ گون ءَ اے وڑ بیت اِنت –

ٹرمپ یا اولی یا گوستگیں سروک یا انیگین سروک کہ آئی ءِ سر ءَ جرمکاری ءِ ھواری ءِ بھتام جنگ بیتگ اَنگ – مارچ ءَ ھٹن ءِ ڈسٹرکٹ اٹارنی ءَ آئی ءِ سر ءَ نام گپتگیں جرم نامینتگ – آئی ءِ سر ءَ بھتام بیتگ کہ الیکشن ءَ پیسر فش تامرانی ازمکارانی بے توار کنگ ءَ زرے داتگ اَنت – ازمکاری ءِ گوشگ ات کہ آئی ءَ ٹرمپ ءِ گون ءُ اشک بیتگ –

لاش ءِ پجار عبدالقیوم زھری ءِ نام ءَ چہ بوتگ کہ سال دوھزار بیست ءَ پاکستانی پوج ایف سی ءَ چہ ھب چوکی ءَ زورانسری آوار جتگ ءُ بیگواہ کتگ بوتگ –

دو سال ساری شال ءِ نادراھجاہ ءَ آرگ بوتگیں یک دگہ لاشے ءِ پجار آئی ءِ کھول ءَ کتگ، کاؤنٹر ٹررزم ڈپارٹمنٹ سَے مردمانی جنگ ءِ ٹاہ داتگ ات کہ آھانی تہ ءَ مروچی دو مردمانی پجار کنگ بوتگ کہ آ پیش ءَ زورانسری آوار جنگ ءُ بیگواہ کنگ بوتگ انت –

عبدالقیوم زھری ء زھری خان ءِ کھول ءِ رِد ءَ آھاں مروچی چہ چاگردی ترامجاھاں ھال رستگ کہ عبدالقیوم ءِ لاش بے وارس کنگ ءُ کل کسارت کنگ بوتگ –

کھول ءِ رِد ءَ عبدالقیوم سال دوھزار بیست ءَ پاکستان ءِ پھازگی لشکر ءَ چہ بلوچستان ءِ دمگ ھب چوکی ءَ زورانسری آوار جتگ ءُ گوں وت برتگ کہ ھما انت گار بوتگ –

اشی ءَ پیش مروچیگیں روچ ءَ یک دگہ لاشے ءِ پجار سال دوھزار بیست ءُ یک ءِ جنوری ماہ ءَ چہ ھزدار ءِ دمگ زھری ءَ زورانسری آوار جنگ بوتگیں ناصر جان قمبرانی ءِ نام ءَ چہ بوتگ کہ آئی ءِ کبر کونڈگ بوتگ لاش درکتگ ءُ آئی ءِ بنکی ھنکین ءَ برگ ءُ کھول ءِ دست ءَ دیگ بوتگ –

زانگ بہ بیت کاؤنٹر ٹررازم ڈیپارٹمنٹ ءَ سِی اگست دوھزار ءُ بیست ءُ یک ءَ ھزدار ءِ ڈی سی ءُ آواران ڈی سی ءَ ھوار ایندگہ واکداراں یک نمدی ءِ دیم داتگ ءُ گوشتگ انت کہ ناصر فاروق ء غلام فاروق جھمنند صادق آباد زھری میتگ، غلام جان ء باران جھمنند بائی پاس شال، عبدالقیوم ء زھری خان جھمنند زھری ھزدار، کمال خان ء باہوٹ جھمنند چُکی آواران یک میڑے ءَ جنگ بوتگ انت –

سی ٹی ڈی ءِ رِد ءَ میڑ ءَ جنگ بوتگیں اے مردم بے وارس گوشگ بوتگ ءُ ایدھی ءِ کمک ءَ کل ءُ کسارت کنگ بوتگ انت – بلے پدا ھم سی ٹی ڈی ءَ اے دروگیں میڑے درگت ءَ ھچ وڈیں گیشیں سرپدی نہ داتگ –

دومی نیمگ ءَ اے مردمانی کھول دوسال انت کہ لاشانی درگت ءَ ھچ سرپد نہ بوتگ انت، واکداراں آھانی کھول ھچ وڈیں سرپدی نہ داتگ انت –

دشت تیرہ میل ءَ سدانی کچ ءَ لاش کل کنگ بوتگ انت بلے سیاسی ءُ چاگردی تک ءُ پھناتاں سیادی داروکیں مردم مدامی اے گپ ءَ جنگ ءَ انت کہ اے لاشانی تہ ءَ گیشتریں کچ زورانسری آوار جنگ بوتگیں مردمانی انت کہ آھانی تہ ءَ بازینے نادراھجاہ ءَ آرگ بوتگ بلے سک باز ژانگول بوتگ انت –

اے مردمانی گوشگ انت کہ واکدار لاشانی پجار ءِ ھاتر ءَ آھانی ڈی این اے ٹیسٹ ءُ دگہ چار ءُ ٹپاس نہ کن انت ءُ آھاں بے وارس گوش انت-

بلوچستان ءِ دمگ بولان ءِ سیل سوادی جاہ ءَ لیویز فورس ءَ سَے مردمانی جون دست گپتگ ءُ نادراہ جاہ ءَ سرکتگ انت –

دست کپتگیں لاشانی تہ ءَ دو ءِ پجار چہ آھانی پجار کارڈ ءَ عبدالصمد ء حاصل خان ءُ مختیار ء سید بھرام ءِ ناماں بوتگ انت –

ایس ایچ او ءِ رِد ءَ ھر سَے مردم تیر جنگ ءُ کُشگ بوتگ انت بلے لاشاں دیر گوستگ ءُ ژانگول انت بلے تنی وھدی آھانی کوش ءِ وئیل زانگ نہ بوتگ کہ کجام سوب ءَ جنگ بوتگ انت –

سندھودیش پیلز آرمی ءِ جارکش سورہ سندھی ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے گل ءَ مروچی سُھب گھوٹکی ءِ نزیک ءَ میرپور ماتھیلو ءِ ھند ءَ جھمنند ءُ پاکستانی چیریں ادارھانی کمکار اِھوالکار مشتاق پٹھان سر ءَ اُرش زمہ واری ءَ منّ ایں-

جارکش ءَ گْوشتگ کہ مشتاق پٹھان گھوٹکی ءَ جھمنندی ءُ چیریں ادارھانی کمکاری ءَ ھمگرنچ بیتگ-

آئی ءَ دیمتر ءَ گْوشتگ کہ ایس پی اے سندھ ءَ پنجابی، پٹھانوں ءَ ھوار سرجمیں جھمنندیاں مکن کن ایں سرجمیں دری سندھی سندہ یل کن بکن اَنت برو اَنت-

سندھودیش پیپلزپارٹی آرمی ءِ جارکش سورہ سندھی ءَ دیمتر ءَ گْوشتگ کہ ایس پی اے سندھ ءِ سرجمی ءَ تاں وتواجھی ءَ وتی گھگیری ءَ برجاہ دار ایں-

بلوچستان ءِ دمگ بارکھان ءَ ھن ندی ءِ نزیک ءَ یک بمب تراکے ءَ دو مردم بیران بیتگ اَنت ھمے وڑ ءَ بلیدہ ءَ یک بمب تراکے ءَ دو مردم زدگ بیتگ –

سَے شمبے ءِ روچ ءَ لیویز ءِ واکدارانی راست کنان ءَ گوشتگ کہ بارکھان ءَ یک بمب تراکے بیتگ – ھن ندی ءِ نزیک ءَ بیوکیں بمب تراک ءُ دو مردم بیران بیتگ اَنت-

ریسکیو ءِ واکداراں سانمندیں مردن نادراہ جاہ ءَ سر کتگ انت ءُ ھمے وڑ پولیس ءُ سکیورٹی ٹیم ءَ جاہ انگیر کتگ –

دومی نیمگ ءَ چہ کیچ ءَ اھوال انت کہ بلیدہ کوشک ءَ بمب ءِ ترکگ ءَ دو مردم زدگ بیتگ اَنت-

تربت پولیس ءِ رد ءَ بلیدہ ءِ دمگ کوشک ءَ بمب ءِ ترکگ ءَ دو مردم زدگ بیتگ اَنت، زدگ بیتگیں مردمانی پجار حلیم ء کریم جان ءُ طارق ء یار مھمد جھمنند کوشک بلیدہ ءِ ناماں زانگ بیتگ اَنت –

زدگ بیتگیں مردم نادراہ جاہ ءَ سر کنگ بیتگ اَنت ءُ اود ءُ یکے ءِ جاور ناگیگی ءِ دیمپان اَنت ءُ دومی ءِ جاور گھتر اَنت-