آیانی گوشگ ات ما مدامی دیستگ کہ ایردستیں راجانی تہ مدامی سیاسی رھشون دیما اتکگ انت ءُ آیانی بلاھیں کردے بوتگ، بلے بلوچ جھدے تہ ءَ یک شائرے کہ مبارک کازی ءِ دروشم ءَ دیم ءَ اتکگ ءُ ما گندگائیں کازی ءِ مرگ ءَ پد سرجمیں جھان ءَ اے وڈ کہ آئی ءَ دروت ندر کنگ بوگ ءَ انت زانگ بیت آ یک بلاھیں مردمے بوتگ –
آیانی گوشگ ات کہ کازی ءَ وتی پُشت ءَ ھمنچو کسہ یلا دات شت کہ کازی ءِ زند ءَ آئی ءِ شائری ءِ کجا تک ءَ ما دست طہ جن ایں آ یک جتائیں داستانے بیت – اے ھما مرد ات کہ آئی ءَ وتی سرجمیں زند شائری ءَ دات –
آیانی گوشگ ات کہ نوزدہ ھپتاد ءُ شش ءَ اگاں ما کازی ءِ شائری بہ زوریں ءُ ھنو دوھزار بیست ءُ سَے ءَ تاں بچاریں چل ھپت سال اے مرد ءَ شائری ءَ دات – اگاں ما مبارک ءِ شائری ءُ آئی ءِ شخصیت ءَ ھوار کنیں چاریں گڈا مبارک شائری ءُ شخصیت جدا نہ انت –
مراگش ءَ تران کنان ءَ انور ساجدی ءَ گُشت کہ اگاں ما مبارک کازی ءَ بہ چاریں ءُ آئی ءِ شائری ءَ بہ چارے آئی تہ ءَ باز تپاوت ھست ـ اشی ءِ متلب اش انت ھمائی تہ الھامی اتکگ گڈا آ دگہ مردمے بوتگ دگہ کازی ءِ بوتگ ءُ مبارک کازی ءِ شائری ءِ پُشت ءَ یک مزنیں پکر ءِ ھست، آ پکر گلزمین انت کہ ھلمند ءَ بگر تاں بندر اباس ءِ گلزمین انت اگاں آ گلزمین مہ بوتیں گڑا اے وڈیں شائری ھم نہ بوت اے پکر ھم نہ بوت، اے انکلاب ھم نہ بوت ـ
آئی گشت کہ مبارک کازی ھما جھدے یک بھرے کہ دوھزار سالاں تاں ھنگت برجاہ انت – اے گپ ءَ ما بہ چاریں بلوچ کپان انت پرشان انت بلے آئی ءَ سر ھچبر جھل نہ کرتگ – مبارک کازی ءَ باز ھون دیستگ، باز جنگ دیستگ ءُ نگیگیں جاور دیستگ انت بلے آ پد کنز نہ بوتگ – مناں امیت انت کہ اے ورنا ادا کہ نشتگ انت بلوچ دیم ءَ ھم سر جھل نہ کنت –
اسلام آباد ءَ مچی ءِ بوتگ ات گڈا رھشونے ءَ گشت کہ بلوچانی ھچ تاریک نیست ھچ جھد نیست، چار ورناء انت نارہ جنگ انت گڈا من آرا گُشت کہ اے ھما ھبر انت کہ منی لوگ انت آئی ءِ سر ءَ دژمن ءَ کبزہ کرتگ مناں تاکت نیست بلے من دنیا ءَ گشیں کہ اے منی لوگ انت مئے ھمے گپ ھست انت ھمے مئے تاریک انت، ءُ اے داواہ ءَ دوھزار سال بوتگ کہ ایران ءَ ھوار دگراں گوں بوتگ –
ساجدی ءِ گوشگ ات کہ ھما پگر کہ مبارک کازی ءِ بوتگ آ بلوچ گلزمین بوتگ، شما گوستانک ءَ بوانیت شما زان ایت کہ ھما گھگیری کہ بوتگ انت گڈا ھر اھد ءَ مبارک کازی ءِ رستگ – من کہ گوادر ءَ شتگ انت ھنچیں گپ جتگ گڈا آیانی گوشگ ات کہ اے گپ ءَ مہ جن ات من گوشتگ کہ من وتی سرڈگار ءِ سر ءَ پرچا چشیں گپ مہ جن ایں اے جھان ءَ من اِتگ کہ بلوچاں وتی سرڈگار ھچ کس ءَ نہ داتگ ـ پدا بازیں مھراب خان درکیت، بازیں دادشاہ درکئیت ءُ بازیں اکبر بگٹی در کئیت –
آئی ءِ گوشگ ات کہ من مبارک کازی ءَ گوں باز دچار نہ کپتگاں بلے آئی ءَ چہ شائری ءَ زاناں، آئی ءِ شائری وھدیکہ بلوچستان نگیگیں جاورانی تہ ءَ کپت کہ آئی تہ ءَ وشی نیست، آسراتی نیست بلے ھئو لھتے مردم ھست انت ءُ آ ھمے گشاں ما وزیر گزیر بہ باں چوش کہ گوستانک ءِ تہ ءَ میر سادک ھم باز انت بلے آیانی ھچ وھد نیست ءُ بلوچاں ما ھمے گوشتگ بلوچ ءَ گواستانک ءِ تہ ءَ چشیں رھشون نہ بوتگ بلوچ راج وتی رھشون وت انت بلوچ راج زانت کہ مناں کجا روگی انت – آ زانت کہ منی ٹارگٹ چی انت ، لھتے مردم ھما کہ وتی رھشون گُش انت ا نیام ءَ کائنت ءُ پدا یلا دئینت –
ساجدی ءِ گوشگ ات ھما کہ ھنو مئے سرا زورگیر انت ا مئے شائری ءَ نہ منیت، آ مئے دود ربیدگاں نہ منیت آ مئے کلچر ءَ نہ منیت آ مئے زبان ءَ نہ منیت گڈا ھمے واست ءَ ما ھم دل ءِ تہ ءَ آئی ءَ نہ مناں ءُ ما ھچبر آئی ءَ گوں دزبندی نہ کناں کہ ھدائے واست ءَ مئے زبان ءَ بہ من پرچا کہ آ مئے زبان انت آ تئی کجا زبان انت – ھمے ھاتر ءَ ما دزبندی نہ کناں آ مارا نہ منیت ما ھم آئی ءَ نہ من ایں ءُ بلوچ ءِ وتی یک روایت ءِ آئی ءِ گلزمین تاں کجا کہ تالان انت آ ھمارا چاریت آئی ءِ مھر گوں ھمائی انت آ کسی زمین ءَ بدیں نگاھاں نہ چاریت، وسرا جنگ نہ کنت بلے ھردیکہ آئی ءِ سر ءَ جنگ اتک گڈا آ رسسٹ کنت آرا گش انت گھگیری –
عامر خان ءَ سوجکار راجکمار سنتوشی ءِ ھمراھی ءَ دو تامرانی جوڑ کنگ ءِ کول کتگ کہ آیانی تہ ءَ عامر خان بنجاھی کرد ءَ پیلو کنت ءُ دومی ءِ تہ ءَ بس پروڈیوسری دروشم ءَ اِنت –
شوبز ویب سائٹ پنک والا ءِ رِد ءَ عامر خان ءُ راجکمار وتی اے کسہ ءَ جوانیں وڑے ءَ چارگ ءُ پگر کنگ ءَ انت –
دومی نیمگ ءَ سنی دیول ءُ راجکمار ءَ بازیں وھدے بیت کہ ھواری ءَ کار کنگ ءِ درگت ءَ باوست انت ءُ عامر خان ءِ پروڈیوسری ءَ اے تامر شنگ بوگی انت – اے ھر سَے ھمے سال ءِ دسمبر ءَ یا دیم سال ءِ جنوری ماہ ءَ وتی تامر ءَ بندات کنگ ءِ واھگ ءَ دارگ ءَ انت –
سر بیتگیں اھوالانی رد ءَ عراق ءَ یک آروسی مراگشے ءَ پٹاسکانی سبب ءَ آس ءِ کپگ ءَ سد ءَ چہ گیش مردم بیران بیتگ اَنت ءُ یک سد ءُ پنجاہ مردم زدگ بیتگ اَنت-
برتانیہ ءِ ھال سر کنوکیں روئٹرز ءِ رد ءَ چار شمبے ءِ سھب ءَ عراق ءِ استان نینویٰ ءِ ھند ھمدانیہ ءِ ڈپٹی گورنر حسن العلق ءَ یک سد ءُ سیزدہ مردمانی بیرانی ءِ ھال راست کتگ- بلے سرکاری رسانکدراں بیرانیانی کچ سد اَنت ءُ زدگ بیتگیانی یک سد ءُ پنجاہ اَنت-
