بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ سرمچاراں گوستگیں پانزدہ روچانی میان ءَ سرجمیں بلوچستان ءَ پنجاہ ءُ یک (51) کاروائی کتگ انت۔ اے اُرشانی تہ ءَ زورگیریں پاکستانی لشکر ءِ چل ءُ شش (46) ءَ چہ گیش کارندہ کشتگ ءُ درزنانی کساس ءَ ٹپیگ کرتگ اَنت ءُ دژمن ءَ ٹوھیں مالی تاوانے رس اتگ۔ سرمچاراں بازیں دمگ کنٹرول کتگ اَنت کہ ایشی ءِ تہ ءَ آئی ای ڈی ءُ سنگر گپتگ ءُ دژمن ءَ را نشانگ جوڑ کنگ ھوار اَنت ءُ زورگیریں لشکر ءِ نیمگ ءَ کارمرد بوتگیں ھپت پوسٹ تراکانی آسر ءَ تباہ کتگ اَنت۔ زورگیر لشکر ءِ گون ءَ دیم پہ دیمی جنگ ءَ بی ایل اے ءِ پنچ سنگت شھید بوتگ انت۔
یازدہ جولائی: سرمچاراں شال شھر ہزارگنجی ءَ شاھدگ بند کتگ ءُ اُرش ءِ تہ ءَ پولیس اسٹیشن نشانگ جوڑ کتگ کہ ایشی ءِ آسر ءَ پولیس ءِ کارندھاں جانی ءُ مالی تاوان رس اتگ۔
یانزدہ جولائی: ھرنائی ءِ دمگ کھوست ءَ سرمچاراں لُٹ ءُ پُل کنوکیں کمپنی ‘ماری آئل اینڈ گیس کمپنی’ ءِ جاہ کنٹرول کتگ ءُ تراکناکیں شورواں گوں ءَ ٹینکر تباہ کتگ انت۔ ھمے جاہ ءَ لیویز فورس ءِ یک پوسٹے ھم تراک ءَ چہ تباہ بوتگ کہ گیس کمپنی ءِ کمک ءَ ھست بوتگ ءُ گیس ءِ چات ءِ مستریں پائپ لائن ھم تراک ءَ تباہ کتگ۔
ھمے روچ ءَ سوراب ءِ نگاڑ کنڈ ءِ ھند ءَ زورگیریں پاکستانی لشکر ءِ اُرشے ءِ نشانگ جوڑ کتگ۔ دژمن ءِ لشکر ءِ سر ءَ ھما وھد ءَ اُرش کنگ بوتگ کہ آ زوراکی ءَ دزبند بوتگ۔ اے اُرش ءَ کہ بازیں کلاکاں برجاہ بوتگ، زورگیریں لشکر ءِ شش کارندہ مرتگ انت ءُ بازیں ٹپیگ بوتگ انت ءُ بی ایل اے ءِ سئے سرمچار سنگت وحید پنام ءِ باھوت، سنگت محمد رحیم پنام ءِ اسفند ءُ سنگت شاکر رحمن پنام ءِ اشرف شھید بوتگ انت۔
شانزدہ جولائی: نوشکی ءِ دمگ احمد وال ءَ سرمچاراں لیویز پولیس اسٹیشن دستیگ کتگ ءُ اود ءَ ھواریں دو کارندہ دزگیر کتگ۔ اے پولیس اسٹیشن زوراکی ءِ وھد ءَ زورگیریں فورسز ءَ کارمرز کتگ وھدے کہ لیویز ءِ کارندہ ھم گاڑیاں چہ زُور ءِ کار ءَ ھوار گندگ بوتگ اَنت۔ سرمچاراں پولیس اسٹیشن ءَ چہ سلاھانی دستیگ کنگ ءَ پد تراکناکیں شورو ایر کتگ ءُ ماڑی تباہ کتگ۔ دزگیریں کارندہ بیھار دیگ ءَ پد یل کنگ بوتگ اَنت۔
ھبدہ جولائی: سرمچاراں کلات ءِ بدرنگ ءَ زورگیریں لشکر ءِ سر ءَ اُرش کتگ ءُ تاوان داتگ۔ ھمے روچ ءَ سرمچاراں کیچ ءِ ھوشاپ ءِ ‘دمب ‘ ءَ زورگیریں لشکر ءِ بنجل ءُ ھوشاپ ءِ ‘زیرو پوائنٹ’ ءَ ھستیں جاسوسی کیمرہ سرمچاراں نشانگ کتگ ءُ تباہ کتگ انت-
ھژدہ جولائی: نوشکی ءِ کچکی ءُ اسٹیشن ءَ تجارتی راہ ءِ سر ءَ مادنیات ءِ برگ ءِ سئے گاڑی نشانگ جوڑ کتگ اَنت۔ دومی نیمگ ءَ سرمچاراں نوشکی ءِ زرین جنگل ءَ لیویز فورس ءِ پوسٹ تراک ءَ گوں تباہ کتگ۔
نوزدہ جولائی: پنجگور ءِ دمگ کلشان ءَ سرمچاراں آئی ای ڈی ءِ اُرش ءَ زورگیریں لشکر ءِ پیادگیں کارندہ نشانگ جوڑ کتگ ءُ دو کارندہ کشتگ ءُ یکے سک ٹپی بوتگ۔ دومی نیمگ ءَ سرمچاراں مستونگ ءِ دمگ کانک ببری ءَ شال ءُ تپتان ءِ تجارتی راہ کلاکانی کلاک بند کتگ۔
بیست جولائی: پنجگور ءِ پروم ءِ دمگ ءَ سرمچاراں آئی ای ڈی ءِ اُرش ءَ زورگیریں لشکر ءِ بکتر بندیں گاڑی نشانگ جوڑ کتگ کہ ایشی ءِ آسر ءَ زورگیریں لشکر ءَ جانی ءُ مالی تاوان رس اتگ۔ ھمے روچ ءَ سرمچاراں خاران شھر ءِ نزیک ءَ خاران شال بنجاھی بند کتگ ءُ 7 کلاک ءَ سنیپ چیکنگ کتگ۔ دومی نیمگ ءَ سرمچاراں دالبندین ءِ پھاٹک ءَ شال ءُ تپتان ءِ تجارتی راہ کنٹرول کتگ ءُ سنیپ چیکنگ کتگ وھدے کہ تراکناکیں شورو ایر کنگ ءَ لیویز پوسٹ ءِ تباہ کتگ۔ ایشی ءَ ابید شال تپتان ءِ تجارتی راہ ءِ سر ءَ یک مال برداریں گاڑی یے سرمچاراں نوشکی ءِ دمگ کچکی ءَ سوتکگ۔
بیست ءُ یک جولائی: سرمچاراں مستونگ ءِ دمگ دشت ءَ تراکناکیں شوروانی ایر کنگ ءَ گیس ءِ پائپ لائن تباہ کتگ۔ ھمے روچ ءَ زورگیریں لشکر ءَ خاران ءِ دمگ تازینہ ءَ گوں زوراکی ءِ مول ءُ مراد ءَ دیم ءَ روگ ءِ جھد کتگ کہ سرمچاراں بے سوب کتگ۔ بزدلیں دژمن ءَ کواڈکاپٹر ءَ چہ شھری آبادی ءِ سر ءَ گولہ باری کتگ ءُ ایشی ءِ آسر ءَ مال ءُ دلوتاں تاوان رس اتگ۔
بیست ءُ جولائی جولائی: سرمچاراں بسیمہ ءِ دمگ دُرگ ءَ پاکستانی لشکر ءِ یک پوسٹے تباہ کتگ، اے پوسٹ ءَ زورگیریں لشکر ءَ جتا جتائیں وھداں کارمرز کتگ۔ دومی نیمگ ءَ سرمچاراں کوہلو ءِ دمگ ھوسڑی ءَ تراکناکیں شوروانی ایر کنگ ءَ لیویز فورس ءِ یک پوسٹے تباہ کتگ۔ ھمے روچ ءَ شال ءُ تپتان ءِ تجارتی راہ ءَ سرمچاراں دالبندین ءِ دمگ چارسر ءَ مادنیات ءِ برگ ءِ گاڑی سوتکگ انت۔
بیست ءُ جولائی جولائی: خاران ءِ دمگ دالی ءَ سرمچاراں ھما وھد ءَ زورگیریں لشکر ءِ سر ءَ اُرش کُت کہ آ دیم ءَ روگ ءِ جھد ءَ بیتگ۔
بیست ءُ پنچ جولائی: نوشکی ءِ دمگ احمد وال ءَ شال ءُ تپتان ءِ تجارتی راہ سرمچاراں زور گیریں پاکستانی لشکر ءِ بازیں گاڑیانی کاروان ءِ سر بستگ ءُ اُرش کتگ ءُ کم چہ کم زور گیریں لشکر ءِ چار کارندہ مرتگ ءُ ڈی ایس پی ءَ ھوار بازیں کارندہ ٹپیگ بوتگ اَنت۔ دومی نیمگ ءَ مستونگ ءِ دمگ دشت کمبلا ءَ سرمچاراں آئی ای ڈی ءِ اُرش ءَ زورگیریں لشکر ءِ گاڑی نشانگ جوڑ کتگ ءُ تاوان داتگ۔
بیست ءُ شش جولائی: کوہلو ءِ دمگ ھوسڑی ءَ سرمچاراں زورگیریں پاکستانی لشکر ءِ کارندھانی سر ھما وھد ءَ بستگ ءُ اُرش کتگ کہ آ پہ زوراکی ءِ مول ءُ مراد ءَ دمگ ءَ دیم ءَ روگ ءِ جھد ءَ بیتگ اَنت؛ اے اُرش ءَ زورگیریں لشکر ءِ پنچ کارندہ مرتگ اَنت ءُ دگہ بزدلیں کارندہ بَہ ءُ بکڑ بوتگ ء تتکگ انت ءُ ایشانی توک ءَ ٹپیگ ھم ھوار انت-
دومی نیمگ ءَ خاران ءِ دمگ تازینہ ءَ سرمچاراں دیم ءَ روکیں زورگیریں لشکر ءِ سر ءَ مارٹر ءِ گولہ باری کتگ ءُ جانی تاوانانی آماچ کتگ ءُ پشتکنزی بوتگ۔ ھمے روچ ءَ سرمچاراں خاران شھر ءِ نزیک ءَ کوئٹہ خاران روڈ ءِ سر ءَ سلاہ بندیں اُرش ءَزور گیریں لشکر ( سی ٹی ڈی) ءِ کاروان نشانگ جوڑ کتگ۔ زورگریں فورسز ءِ دو گاڑی اُرش ءِ آماچ بوتگ انت کہ ایشی ءِ آسر ءَ بازیں کارندہ مرتگ ءُ ٹپی بوتگ انت۔
دیمترا سرمچاراں چاگی ءِ دمگ نوکچاہ ءَ شال ءُ تپتان ءِ تجارتی راہ ءَ ھشت مزنیں گاڑیانی سر ءَ اُرش کتھ سوتکگ ءُ تباہ کتگ ءُ سوراب ءِ گدر جوری کراس ءُ ٹوبو کراس ءَ چیک پوسٹ جوڑ کتگ ءُ بنجاھی شھدگ ءِ سر ءَ کلاکانی کلاک سنیپ چیکنگ برجاہ داشتگ۔
بیست ءُ ھپت جولائی: پنجگور ءِ بالی پٹ روڈ ءَ سرمچاراں زورگیر ءِ کاروان ءِ یک گاڑی یے ءَ گوں ریموٹ کنٹرول ءِ آئی ای ڈی ءَ نشانگ جوڑ کتگ ءُ تاوان داتگ۔ دومی نیمگ ءَ شال ءِ دمگ ڈگاری ءَ آئی ای ڈی ءِ اُرش ءَ سرمچاراں زورگیریں لشکر ءِ بکتر بندیں گاڑی نشانگ جوڑ کتگ۔ دیمترا نوشکی ءِ احمد وال (ہارونی) ءِ دمگ ءَ اُرشے ءَ زورگیریں لشکر ءِ گاڑیانی کاروان نشانگ جوڑ کنگ بوتگ ءُ تاوان داتگ وھدے کہ سی پیک ءِ راہ ءَ واشک ءِ ارماگئے ءَ سرمچاراں زورگیریں لشکر ءِ کاروان ءِ سر ءَ اُرش ءِ آسر ءَ زورگریں لشکر ءِ دو کارندہ جاہ پہ جاہ ءَ مرتگ انت-
بیست ءُ ھشت جولائی: سرمچاراں گوں نوشکی ءِ شھر ءَ ھمگرنچیں غریب آباد ءَ زورگیریں لشکر ءِ پوسٹ راکٹ ءُ دگہ سلاہاں گون نشانگ جوڑ کتگ، اُرش ءِ تہ ءَ زورگیریں لشکر ءِ چار کارندہ جاہ پہ جاہ ءَ مرتگ اَنت۔ ھمے وھد ءَ زورگیریں لشکر ءِ گاڑی ءَ دیم ءَ روگ ءِ جھد کتگ کہ اُرش ءِ تہ ءَ سرمچارانی دگہ گلے ءَ سنگر گپتگ ءُ نشانگ جوڑ کتگ ءُ گیشتر تاوان اش رس اتگ۔
ھمے روچ ءَ سرمچاراں پولیس ءِ کاروان ءِ سر ءَ خاران ءِ نزیک ءَ باب خاران ءَ نشانگ جوڑ کتگ کہ آ دمگ ءَ دیم ءَ روگ ءِ جھد ءَ بوتگ اَنت؛ رند ءَ شپ ءَ زور گیریں پاکستانی لشکر ءَ اے دمگ ءَ دیم ءَ روگ ءِ کوشست کتگ کہ سرمچاراں نشانگ جوڑ کتگ کہ ایشی ءِ تہ ءَ زورگیریں لشکر ءِ کم چہ کم سئے کارندہ مرتگ انت ءُ بازیں ٹپیگ بوتگ اَنت۔
تربت ءِ دمگ کلاتک ءَ سرمچاراں دمگ ءَ کنٹرول کتگ ءُ جتا جتائیں جاھاں چیک پوسٹ جوڑ کتگ ءُ اسنیپ چیکنگ برجاہ داشتگ۔ بی ایل اے ءِ پیشگام ‘فتح اسکواڈ’ اے آپریشن ءِ بھر بوتگ؛ فتح اسکواڈ ءِ سرمچاراں انٹیلی جنس ءِ سر ءَ یک پناہ گاھے ءِ سر ءَ اُرش کتگ ءُ اود ءَ ھواریں زورگیریں پاکستانی لشکر ءِ ملٹری انٹیلی جنس ءِ ھپت کارندہ دزگیر کتگ اَنت۔ اے کارندہ چہ وتی دروشم ءَ کش ءُ گور ءِ دمگ ءَ پرکار بوتگ انت۔ ھمے وھد ءَ زورگیریں پاکستانی لشکر ءَ دیم ءَ روگ ءِ جھد کتگ کہ سرمچاراں نشانگ جوڑ کتگ۔ اے ویلانی تہ ءَ زورگیریں لشکر ءِ چار کارندہ مرتگ ءُ بازیں ٹپیگ بوتگ اَنت ءُ بی ایل اے ءِ دو بھادریں سرمچار سنگت قدیر بلوچ پنام ءِ سعود ءُ سنگت مقصود پنام ءں بیبگر شھید بوتگ اَنت۔
ھمے روچ ءَ سرمچاراں خاران ءِ ھند نوروز کلات ءَ سلاھبندیں اُرشے ءَ زورگیریں لشکر نشانگ جوڑ کتگ۔ بی ایل اے ءِ اسنائپرانی اُرش ءَ زورگیریں لشکر ءِ یک افسرے مرتگ ءُ زورگیریں لشکر پدکنزی ءَ لاچار بوتگ۔
بیست ءُ نُھ جولائی: پنجگور ءِ گوارگو ءِ دمگ ءَ سرمچاراں ھما وھد ءَ زورگیریں لشکر ءِ سر ءَ اُرش کتگ کہ آ دمگ ءَ دیم ءَ روگ ءِ جھد ءَ بوتگ اَنت۔ اے اُرش ءَ زورگیر لشکر ءِ سئے پیادگیں کارندہ جاہ پہ جاہ ءَ مرتگ اَنت ۔ پد ءَ دژمن ءِ لشکر ءَ گوں بکتر بندیں گاڑیاں دیم ءَ روگ ءِ جھد کت کہ ایشی ءِ سر ءَ سرمچاراں دو بکتر بندیں گاڑی نشانگ جوڑ کتگ انت۔ دومی نیمگ ءَ مچ ءَ سرمچاراں دوریں آئی ای ڈی ءِ اُرش ءَ زور گیریں لشکر ءِ گاڑی نشانگ جوڑ کتگ کہ ایشی ءِ آسر ءَ زورگیریں لشکر ءَ جانی ءُ مال ءِ تاوان رس اتگ۔
سِی جولائی: سرمچاراں خاران ءِ کلی کریم بخش ءِ نزیک ءَ زورگیریں لشکر ءِ کاروان ءَ نشانگ جوڑ کتگ ءُ تاوان داتگ۔ پد ءَ زورگیریں لشکر ءِ پیادگیں سپاھیگ ریموٹ کنٹرول ءِ آئی ای ڈی ءِ اُرش ءَ نشانگ جوڑ کتگ اَنت کہ ایشی ءِ آسر ءَ سئے ٹپیگ بوتگ اَنت۔ ھمے روچ ءَ پنجگور ءِ دمگ پل آباد ءَ زورگیریں لشکر ءِ پوسٹ تراکناکیں شورواں گوں تباہ کتگ۔ اے پوسٹ ءَ زورگیریں فوج ءَ جتا جتائیں وھداں کارمرز کتگ۔
سِی ءُ یک جولائی: سرمچاراں ھزدار ءِ دمگ زیدی ءَ ’’ڈیتھ اسکواڈ‘‘ ءِ کارندہ اُرش ءِ تہ ءَ نشانگ جوڑ کتگ اَنت ءُ ایشی ءِ آسر ءَ پنچ ڈیتھ اسکواڈ ءِ کارندہ جاہ پہ جاہ ءَ مرتگ اَنت۔ پد ءَ وھدے کہ زورگیریں لشکر ءَ دمگ ءَ دیم ءَ روگ ءِ جھد کتت گڑا سرمچاراں زورگیریں لشکر ءِ کاروان ءِ تہ ءَ دو گاڑی دیم پہ دیم ءَ نشانگ جوڑ کتگ ءُ بازیں کارندہ مرتگ ءُ ٹپی بوتگ اَنت۔
جارکش جیئند بلوچ ءَ گوشتگ بلوچ لبریشن آرمی درستیں جنگانی تہ ءَ وتی جان ندر کنوکیں شھیدانی تہ ءَ، سنگت وحید پنام ءِ باھوٹ، سنگت محمد رحیم پنام ءِ آسفند، سنگت شاکر رحمن پنام ءِ اشرف، سنگت قدیر بلوچ پنام ءِ سعود ءُ سنگت مقصود پنام ءِ بیبگر ءِ گچینی دیمھونیاں گچینی لبزاں گوں ستاشانی ءُ سھریں دروت ندر کنت۔ اے بامرداں راجی آجوئی ءِ جھد ءَ وتی ھون ءِ قربانی ءَ چہ دلیری ءُُ پائیداریں جزم ءِ نوکیں راجدپترے جوڑ کتگ۔ بی ایل اے وتی اے جزم ءَ پد ءَ پدر کنت کہ شھیدانی ھون ءُ آیانی کلوہ پہ زرمبشت ءَ چراگ ءِ بستار ءَ مان ایت ءُ زورگیریں لشکر ءِ ھلاپ ءَ ترندی ءَ گوں جھد برجاہ بیت داں بلوچ سرڈگار ءِ سرجمیں آجوئی ءِ بُنکی مول ءُ مراد سرجم نہ بیت۔
