بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ سرمچاراں یک اگست ءَ بگر داں ھشت اگست ءَ بلوچستان ءِ جتا جتائیں دمگاں زورگیریں پاکستانی لشکر ، آئی ءِ تجارتی ءُ رھوتی ءِ راہ ، ڈیتھ اسکواڈ ءُ لُٹ پُلی منسوبگاں 38 ءَ چہ گیش یکشلیں ءُ سوبمندیں اُرش کتگ انت-
جیئند بلوچ ءَ گوشتگ وھدے کہ اے کاروائیانی آسر ءَ 32 ءَ چہ گیش دژمن ءِ کارندہ کشتگ ءُ زدگ کتگ انت- بازیں بکتر بند ءُ فوجی گاڑی، یک کواڈکاپٹر، دو پُھل ءُ ریل ءِ ٹریک تباہ کتگ انت۔ ایشی ءَ ابید یک دزگیریں چیریں ادارھانی کارندھے مرگ ءِ سزا دیگ بوتگ ءُ مزنیں کساسے ءَ جنگی سامان دستیگ کتگ انت۔
جارکش ءِ رد ءَ یک اگست ءَ کلات ءِ دمگ دشت ءَ سرمچاران زورگیریں پاکستانی لشکر ءِ چار بکتربندیں گاڑی گوں راکٹ ءُ دگہ مزنیں سلاہاں نشانگ جوڑ کتگ ءُ مزنیں تاوانے داتگ انت۔ دومی نیمگ ءَ مستونگ ءِ دمگ عمرانی کنڈ ءَ شپ ءَ زورگیریں لشکر ءِ پیادگیں کارندھانی سر ءَ اُرش کتگ کہ ایشی ءِ آسر ءَ کم چہ کم دو کارندہ مرتگ ءُ بازینے ٹپیگ بوتگ اَنت۔
جارکش ءَ گوشتگ دو اگست ءَ واشک ءِ دمگ سیچی ءَ سرمچاراں زورگیریں لشکر ءِ سر ءَ اُرش کُتگ کہ آ دمگ ءَ دیم ءَ روگ ءِ جھد ءَ بیتگ ءُ دژمن ءِ دو سپاھیگ ھما جاہ ءَ مرتگ اَنت۔ ھمے روچ ءَ شال ءُ تپتان ءِ تجارتی راہ ءِ سر ءَ چاگی ءِ دمگ نوکچاہ ءَ سرمچاراں زورگیریں لشکر ءُ مادینیات ءِ بروکین کاروان نشانگ جوڑ کتگ ءُ دو گاڑیاں مزنیں تاوان رس اتگ انت۔
سَے اگست ءَ سرمچاراں بیلہ ءِ دمگ نمی ءَ شال ءُ کراچی ءِ مزن شھدگ ءِ سر ءَ پولیس ءِ چیک پوسٹ دستیگ کتگ ءُ اود ءَ جاڑیگیں 9 کارندہ دزگیر کتگ ءُ آھانی سلاہ ءُ موٹر سائیکل برتگ انت۔ سرمچاراں پد ءَ دگہ کارندہ یلہ داتگ اَنت وھدے کہ چیک پوسٹ ءِ انچارج سب انسپکٹر گلاب دزگیر کتگ ءُ جست ءُ پرس کنگ بوگ ءَ اِنت۔
جیئند بلوچ ءِ رد ءَ چاگی ءِ دمگ جوجکی ءَ سرمچاراں اُرشانی تہ ءَ زورگیریں پاکستانی لشکر ءُ دو مزنیں کاروان ءُ تجارتی گاڑی نشانگ جوڑ کتگ اَنت۔ راکٹ ءِ لگگ ءَ زورگیریں لشکر ءِ یک گاڑی یے تباہ بوتگ وھدے کہ دژمن ءِ دگہ گاڑی یے دیم پہ دیم تیر گواری ءِ آماچ بوتگ کہ ایشی ءِ آسر ءَ 9 کارندہ مرتگ ءُ بازینے ٹپیگ بوتگ اَنت۔ اے کاروائی ءِ وھد ءَ کاروان ءِ تہ ءَ ھواریں بازیں تجارتی گاڑی ھم نشانگ جوڑ کنگ بوتگ اَنت۔
ایشی ءَ ابید چاگی ءِ دمگ نوکچاہ ءَ تجارتی راہ ءِ سر ءَ کنٹرول ءِ گرگ ءَ چہ اسنیپ چیک کنگ بوتگ کہ ایشی ءِ تہ ءَ یک تجارتی گاڑی یے سوتکگ ءُ دومی تیرگواری کتگ ءُ تاوان تاوان داتگ۔ سرمچاراں دو شکی ئیں ڈرائیور دزگیر کتگ انت کہ رند ءَ جست ءُ پرس ءَ پد یلہ کنگ بوتگ انت۔ ھمے روچ ءَ سرمچاراں چھتر ءَ تجارتی راہ ءِ سر ءَ سینڈک پروجیکٹ ءُ دگہ تجارتی گاڑیانی کاروان نشانگ جوڑ کتگ ءُ یک گاڑی یے دستیگ کتگ۔
ھمے روچ ءَ سرمچاراں شال ءَ موسیٰ کالونی ءِ نزیک ءَ ریل ءِ پٹری گوں تراکناکاں تباہ کتگ۔ دومی نیمگ ءَ بُلیدہ ءِ دمگ الندور ءَ سرمچاراں زورگیریں لشکر ءِ پوسٹ ءِ سر ءَ بازیں گرنیڈ لانچر آس داتگ انت چریشی ءَ جانی ءُ مالی تاوان اش بوتگ-
چار اگست ءَ چاگی یکمچ ءِ نزیک ءَ جوجکی ءِ ھند ءَ سرمچاراں تجارتی راہ ءِ سر ءَ یک پُھلے تباہ کتگ ءُ شپ ءَ تجارتی گاڑی ءُ زورگیریں لشکر ءِ سر بستگ ءُ ارش کتگ۔ اے اُرش چل ءُ منٹ ءَ برجاہ بوتگ، زورگیریں لشکر ءِ بازیں کارندہ مرتگ انت وھدے کہ سرمچاراں دژمن ءِ کواڈ کاپٹر جتگ ءُ دور داتگ۔
دومی نیمگ ءَ زامران ءِ دمگ سابونی ءَ سرمچاراں زورگیریں لشکر ءِ مڈی بروکین دو گاڑی گوں تراکاں نشانگ جوڑ کتگ اَنت کہ ایشی ءِ آسر ءَ دوئیں گاڑی سک باز تاوان بوتگ اَنت۔
جارکش ءَ گوشتگ سرمچاران ھاران شھر ءِ نزیک ءَ ’باب خاران‘ ءَ زورگیریں لشکر ءِ سر ءَ اُرش کتگ ءُ تاوان داتگ ءُ ھاران شال ءِ راہ ءَ سوتکان ءِ ھند ءَ ھستیں پُھل تراکناکیں شورواں تباہ کتگ۔
پنچ اگست ءَ دالبندین ءِ دمگ بارتاگزی ءَ سرمچاراں پاکستانی لشکر ءِ سر ءَ اُرش کتگ ءُ تاوان داتگ۔ دومی نیمگ ءَ شال ءُ تپتان ءِ بیپار ءِ راہ ءَ سرمچاراں دالبندین گیس پلانٹ ءِ نزیک ءَ زورگیریں لشکر ءِ کاروان ءِ سر ءَ اُرش کتگ ءُ جانی تاوان داتگ۔
ھمے روچ ءَ نوشکی شھر ءِ نزیک ءَ سلطان چھڑائی ءَ سرمچاراں زورگیریں لشکر ءِ دو گاڑیانی سربستگ ءُ اُرش کتگ۔ زورگیریں لشکر ءِ یک گاڑی یے دیم پہ دیم اُرش ءِ زد ءَ اتکگ کہ ایشی ءِ آسر ءَ دو کارندہ مرتگ ءُ کم چہ کم چار ٹپیگ بوتگ اَنت۔ زانگ بہ بیت کہ پنچ شمبے 23 جولائی ءَ سرمچاراں ھمے جاہ ءَ زورگیریں لشکر ءِ کاروان ءِ سربستگ ءُ اُرش کتگ کہ ایشی ءِ آسر ءَ سَے کارندہ مرتگ ءُ سَے ٹپیگ بوتگ اَنت۔
جیئند بلوچ ءَ گوشتگ سرمچاراں چہ بیلہ ءَ دزگیر کتگیں پاکستانی چیریں ادارہ ملٹری انٹیلی جنس ( ایم آئی) ءِ کارندہ احمد ء ربنواز جھمنند لودھراں پنجاپ مرگ ءِ سزا داتگ ءُ کشتگ-
آئی ءَ گوشتگ شش اگست ءَ دالبندین ءِ دمگ چھتر ءَ سرمچاراں زورگیریں لشکر ءِ کاروان نشانگ جوڑ کتگ ءُ تاوان داتگ۔ ھمے روچ ءَ سرمچاراں البت ءُ پتکن ءِ نیام ءَ ھاران ءُ شال ءِ راہ کنٹرول کتگ ءُ کلاکانی کلاک اسنیپ چیکینک برجاہ داشتگ۔ دومی نیمگ ءَ ھاران ءِ دمگ دالی ءَ سرمچاراں زورگریں لشکر ءِ پیادگیں کارندہ نشانگ کتگ انت کہ چریشی ءِ آسر ءَ یک کارندھے جاہ پہ جاہ ءَ مرتگ۔
جارکش ءَ گوشتگ ھمے روچ ءَ سرمچاراں دالبندین ءِ دمے نوکچاہ ءَ تجارتی راہ ءَ چہ یک مال برداریں بسے گوں آئی ءِ ڈرائیوراں گپتگ بلے رند ءَ ڈرائیور یلہ کنگ بوتگ اَنت۔ پد ءَ شپ ءَ سرمچاراں چتر بازار ءَ سئے مال برداریں گاڑی ءِ ٹائرانی سرا تیرگواری کنان ءَ تاوان داتگ انت-
ھپت اگست ءَ نوشکی ءِ شھر سلطان چھڑائی ءَ بی ایل اے ءِ برزی ءُ ڈرون جنگی یونٹ “کھر” ءَ زورگیریں پاکستانی لشکر ءِ یک کیمپے نشانگ جوڑ کتگ ءُ تاوان داتگ۔ دومی نیمگ ءَ بُلیدہ دمگ زومدان ءَ سرمچاراں زورگیریں لشکر ءِ پوسٹ ءِ سر ءَ بازیں گرنیڈ لانچر آس داتگ انت-
جارکش ءَ گوشتگ ھشت اگست ءَ مند ءِ دمگ ردیگ ءَ سرمچاراں زورگیریں لشکر ءِ لُٹ ءُ پلی کمپنی ایف ڈبلیو او ءِ گاڑی ءَ گوں ریموٹ کنٹرول ءِ آئی ای ڈی ءِ تراک ءَ نشانگ جوڑ کتگ کہ ایشی ءِ آسر ءَ گاڑی تباہ بوتگ ءُ بازیں کارندہ مرتگ ءُ ٹپی بوتگ اَنت۔
جارکش ءَ گوشتگ کلات ءِ دمگ مرجان ءَ سرمچاراں زورگیریں لشکر ءِ بکتربند گاڑی ءُ یک دگہ گاڑی یے سر بستگ ءُ اُرش کتگ۔ اے اُرش ءَ یک گاڑی یے ءَ سک باز تاوان رس اتگ ءُ زورگیریں لشکر ءِ سئے کارندہ جاہ پہ جاہ ءَ مرتگ اَنت۔ دومی نیمگ ءَ مستونگ ءِ سیاہپشت ءِ دمگ ءَ سرمچاراں زورگیریں لشکر ءِ گاڑی ءِ سر ءَ تراک ءُ پد ءَ سلاہ بندیں اُرش ءَ نشانگ جوڑ کتگ ءُ دشت (مستونگ) ءَ زور گیریں لشکر ءَ ھم سلاہ بندیں اُرش ءَ تاوان رس اتگ-
دیمترا ھاران ءِ دمگ ڈوروا ءَ سرمچاراں سلاہ بندیں اُرش ءَ زورگیریں لشکر ءِ دو گاڑی نشانگ جوڑ کتگ ءُ جانی تاوانانی دیمپان کتگ-
جیئند بلوچ ءَ گوشتگ ھمے روچ ءَ قلعہ عبداللہ ءَ سرمچاراں سرکاری اسکیم ءِ رد ءَ جم بوتگیں اسٹاک دستیگ کتگ۔ ھمے وھد ءَ زورگیریں لشکر ءُ ڈیتھ اسکواڈ ءَ دمگ ءَ دیم ءَ روگ ءِ جھد کتگ کہ سرمچاراں سر بستگ ءُ اُرش کتگ۔ زورگیریں لشکر ءِ ھشت گاڑیانی تہ ءَ دو گاڑی دیم پہ دیم اُرش ءِ آماچ بوتگ اَنت ءُ شپ ءَ سرمچاراں ھمے جاہ ءَ زورگیریں لشکر ءُ ڈیتھ اسکواڈ ءِ سر ءَ دگہ اُرشے کتگ۔ اے اُرشانی تہ ءَ کل ءَ 9 کارندہ مرتگ اَنت کہ ایشانی توک ءَ گیشتریں کارندہ ڈیتھ اسکواڈ ئیگ انت-
جارکش ءَ گوشتگ بیست ءُ نُھ جولائی ءَ زامران ءِ دمگ جالگی ءَ بلوچ لبریشن آرمی ءِ سرمچار ءُ زورگیریں لشکر ءِ نیام ءَ مزنیں جنگ ءُ چوپے بوتگ کہ زورگیریں لشکر ءَ دمگ ءَ دیم ءَ روگ ءِ جھد کتگ۔ اے جنگ ءُ چوپاں زورگیریں لشکر ءِ بازیں کارندہ مرتگ ءُ ٹپی بوتگ اَنت ءُ بی ایل اے ءِ دو سرمچار عابد الرحمن پنام ءِ رحمان ءُ حمدان پنام ءِ مروان شھید بوتگ اَنت۔
جارکش ءَ گوشتگ بلوچ لبریشن آرمی وتی بامردیں شھید عابد الرحمن پنام رحمان ءُ حمدان پنام ءِ مروان ءِ ابدمانیں کربانیاں گوں شرپداریں لبزاں سھریں دروت ندر کنت۔ اے بامرداں راجی آجوئی ءِ جُنز ءَ وتی ھون ءِ ندر کنگ ءَ ھمت ءُ جزم ءِ نوکیں راجدپترے جوڑ کُتگ۔ بی ایل اے وتی اے جزم ءَ پد ءَ پدر کنت کہ شھیدانی ھون ءُ آیانی کلوہ پہ زرمبشت ءَ چراگ ءِ دروشم ءَ مانیت ءُ زورگیریں پاکستانی لشکر ءِ ھلاپ ءَ ھمے ترندی ءَ گوں جھد برجاہ بیت داں بلوچ سرڈگار ءِ سرجمیں آجوئی ءِ مول ءُ مراد سرجم نہ بیت۔
