رس اِتگیں ھالانی رد ءَ پنجگور ءِ دمگ تسپ ءَ پجاہ نیاؤرتگیں م مردمانی تیرگواری ءَ چَہ شمس نامی ئیں مردمے زدگ بیتگ –
زدگ بیتگیں مردم پولیس ءَ چست کرتگ ءُ نادراہ جاہ ءَ برتگ ءُ آئی ءِ درمان کنگ بندات بیتگ – چریشی ءَ پد پولیس ءَ تیرگواری کنوکانی پَٹ ءُ پول بندات کرتگ –
بلوچستان ءِ بنجاھی شھر شال ءَ گوستگیں روچ ءَ بالی پَٹ دگ ءَ لوگی جیڑھے ءَ تیرگواری ءَ چَہ ھلیل اھمد ء ھاجی ھمد بیران بیتگ،
بیران بیتگینے جون چِست کنگ ءُ اژدری چار ءُ ٹپاس ءَ پد کھول ءِ گور ءَ سر کنگ بیتگ
دھکان روزی کَد سرپد بیت؟
نصیر بلوچ
دی بلوچستان پوسٹ
دھکان روزی ءِ میتگ ءَ چَہ ابید آئی ءِ کر ءُ کَش ءِ میتگ سبز ءُ آباد اَنت، وش ءُ وشھال اَنت، اِلم ءُ زانت ءِ پڑ ءَ باز دیمروی اِش کرتگ، پرچاکہ ھما میتگ ءِ کماش ءُ دھکاناں وتی ڈگارانی سر ءَ جھد ءُ جپاکشی کرتگ، شپ ءُ روچ وتی ڈگارانی سر ءَ جھد کرتگ کہ مئے ڈگار آباد بہ بنت وھدے کہ ڈگار آباد مہ بنت گڑا مئے میتگ چوں دیمروی کرت کنت، پرچاکہ میتگ ءِ وشھالی ءُ دیمروی گوں میتگ ءِ ڈگاراں بندوک اِنت.
دھکان روزی ءِ کَش ءُ کرّ ءِ میتگ ھم روزی ءِ میتگ ءِ وڑ ءَ پدمنتگ ءُ ویران بوتگ اَنت بلے آوانی بن کماشاں وتی میتگانی پدمنتگی پھم اِتگ اَنت کہ بید ء ڈگانی سر ءَ جھد ءُ جپا کشی ءَ دگہ راہ ءُ درے نیست، اگاں ھَور بوتگ یا نہ بوتگ بلے آواں وتی ڈگارانی سر یلہ نہ کرتگ، پد ءَ آوانی یک مزنیں زانتکاری یے اے بوتگ آواں وتی میتگ ءَ دربرجاہ ءُ نادراھجاہ پچ کرتگ دانکہ مئے میتگ گیش دیمروی بہ کنت، وتی بازیں نودربرے آواں مزن مزنیں شھراں پہ وانگ ءَ دیم داتگ دانکہ آ بوان اَنت ءُ مئے میتگ ءَ ھما شھرانی ور ءَ دیمروی دات بہ کن اَنت، پرچاکہ آواں زانتگ اَت اگاں مروچی مزن مزن شھر آباد اَنت گڑا آ اِلم ءُ زانت ءِ برور اِنت.
اگاں مروچی آوانی میتگ ءَ ھَور بیت یا نہ بیت بلے مَشین ءُ ایدگہ شَیاں چَہ ڈگار کِشت ءُ کشان اَنت بلے دھکان روزی ھم ھما وشھالیں میتگانی ھمساھگ اِنت، ڈگار ئِے ھم چَہ آوانی ڈگاراں شرتر اَنت بلے مزنیں بژن یا بدبھتی ءِ گْوش ئے، آئی ءِ جند ءِ ءُ میتگ ءِ مردمانی تہ ءَ اِلم ءُ زانت نیست، اگاں ھَورے بیتگ ڈگار کمو آباد بنت گڑا ھمے پَسھلاں زور اَنت ءُ دل اِش وش بیت مارا باز رس اِتگ، نا میتگ ءَ دربرجاہ ءُ نادراھجاھے ھست نا دگہ وش ءُ وشھالی یے، میتگ انچوش اِنت کہ لشکر جتگ بہ بیت.
دو سے مَشین اِش ھست برے شر ءُ برے ھراب، ڈُک ڈُک ءَ وتی وھد ءِ تِیلانک دیگ ءَ اَنت،دھکان روزی ءِ میتگ ءِ مردم آبادی کن اَنت بلے ھما آبادیانی سر ءَ جھد ءُ جپاکشی نہ کن اَنت گیش پَسل بیماریانی آماچ بنت ءُ سَڑ اَنت، مدام بچار بیماز اِش سُھرروتانی آماچ اَنت یا گَلہ ءُ جَواناں رتی ءَ گِتگ، پرچاکہ دھکان نابلد اَنت ءُ سرپدی اِش نیست اے بیماریانی دیم ءَ چوں بوشت ایں، اے سرپدی اِش ھم نیست کہ اے بیماریانی اِلاج ءِ واستا اِلم ءُ زانت لوٹ اِیت، اے پَسِلانی نادراھی ءِ الاج کنگ ءَ ھم ڈاکٹر ھست بلے اے ناسرپد چے زان اَنت کہ پَسِل ءُ جناورانی واستا ڈاکٹر ھست، پرچاکہ آ انگت مردمانی ڈاکٹر ءَ چَہ زبھر اَنت، انگت ھما وھدی دَور ءِ تہ ءَ زند گُوازینگ ءَ اَنت، بلے انگت دھکان روزی گوں وتی میتگ ءِ مردماں وش اِنت کہ مارا کمو زر رس اِتگ، بلے اے سُد ءَ نہ اَنت کہ مئے ھمساھگ کجا سر اِنت ءُ اما کجا پشکپتگ اَنت، چَہ اے زانت زانگ ءَ دوسد سال پُشت ءَ اَنت بلے پَٹاک ءُ گپ ءَ چَہ درستیں میتگ ءِ مردماں دیم ءَ اَنت، اے بدبھتاناں اے سما نیست اما روچ پہ روچ پدمنتگ ءُ پُشت ءَ روان ایں، برے زھگ اِش پہ گُژن مران اَنت ءُ برے بیماری ءِ آماچ بوان اَنت، اے بدبھتانی یک مزنیں جیڑھے ایش اِنت کہ تپاک نہ اَنت، پمیشکا مروچی پدمنتگی ئِے آماچ اَنت .
اگاں دھکان روزی وتی میتگ ءِ دیمروی ءَ لوٹ اِیت گڑا اِلم ءِ پِڑ ءَ گیش جھد بہ کنت نا کہ وتی میتگ ءِ مردماناں برد ءُ کوڈال بڈ بہ دنت ءُ پد ءَ اے ڈگارانی سر ءَ برو اَنت ءُ مزان اَنت مارا ڈگار چوں کار کنگی اَنت ، دومی تپاکی ودی بہ کنت.
نہ زان آں دھکان روزی کَد سما کنت ءُ ایدگہ میتگ ءِ وش ءُ وشھالیاں پوہ بیت ءُ دیمروی ءِ راہ ءَ جنزان کنت، بلے من ءَ اوست نہ کنت کہ اے کماشیں روزی سُد بہ کنت، بلکیں میتگ ءِ ورنائیں دھکان سرپد بہ بنت ھاں بلے چوناھا دھکان روزی گوں میتگ ءَ بیگواہ بوان اِنت.
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
اوگستان ءِ لشکر ءَ دو پاکستانی ناشرکار دزگیر کرتگ، لشکر ءِ گوشگ اِنت کہ ھردوکانی سیادی جھانی ناشرکاریں گل دائش ءَ اِنت کہ ھردوک ناشری ءِ لڑاں ھوار بیتگ ءُ جنگ ءَ ناشری ءَ بیتگ اَنت –
دو سد ءُ یک ونگ کماندکور ءَ شنگ کرتگیں درشان ءَ گْوشتگ کہ اوگستان ءِ اسپیشل لشکر ءَ اُستان ننگرھار ءِ دمگ بھسود ءَ ھالے ءِ سر بیگ ءَ بیڑ برتگ ءُ دمگ انگیر کرتگ –
اوگستان ءِ لشکر ءِ دست ءَ دزگیر بیتگیں ناشرکارانی پجار اسگر پنام ءِ زَریپ جان ءُ پرید اُلا پنام ءِ شاکر ءِ نام ءَ زانگ بیتگ اَنت
سرکار ءِ بگیری ءَ ترامگامیں لشکر ءَ تنی وھدی اے درگت ءَ ھچ وڑیں ھیال ءُ لیکہ درشان نہ کتگ –
بلوچستان ءِ بنجاھی شھر شال ءَ وائس پار بلوچ مسنگ پرسنز ءِ شدکُشیں گدان ءَ 3 ھزار 9سد ءُ چل ءُ ھشت روچ سرجم بیتگ –
نیشنل پاٹی ءِ ابدُل گپار کمبرانی ءَ بنجل ءِ تر ءُ تاب کُتگ بیگواھیں مردمانی کھولاں گوں دلپدردی درشان اِتگ – ھمے وڑ ءَ انسانی ھکانی باسک راشد ھُسین بلوچ ءِ کھول ءَ وتی زھر شانی نبشتہ کنائینتگ
ھمے درگت ءَ وائس پار بلوچ مسنگ پرسنز ءِ رھشون ماما کدیر بلوچ ءَ تران کنان ءَ گُشتگ کہ جھان ءِ تہ ءَ بلوچ ءَ یک مھکمیں دیدانکے پدرائی کُتگ مروچی گیشتریں ملکاں بلوچ ءِ جیڑھے سر ءَ لکگ ءُ گُشگ بیت ءُ تاریک ھم مارا ھمے گُشیت کہ پرایمنیں جد ءُ جھد ءِ ھاتر ءَ توار چست کنگ المی انت –
ایمنی لوٹوکیں راج اگاں اے دمگ ءَ ایمنی گندگ لوٹاں گڑا ایشی یے ھاتر ءَ بیگواھیں بلوچانی کھولانی گون ءَ ھمراہ داری بہ کن انت-
ماما کدیر بلوچ ءَ گُشتگ کہ راجدپتراں ما گندیں کہ ھر راج ءَ بے تُرس ءَ تاگتانی دیمپانی کُتگ آ سرشان بوتگ انت ءُ ھما کہ ترس آماچ بوتگ انت آھانی نام نشان گار انت.
آئی ءَ گُشت کہ زوراک مزلومانی انسانیت ءَ آیانی نام ءُ نشان ءَ مدامی یے ھاتر ءَ گار کنگ لوٹ انت آیانی پداں ھم گار کن انت تانکہ آھانی یک جتائیں راجے ءُ پجار ءِ بہ بیت. بلے بلوچ ء وڑیں زندگ زمیر راجے ءِ گون ءَ اے رویش ءُ سوچ پیسرا چہ ھاکاں ھوار انت-
ھمے درگت ءَ بنجل ءَ ساڈی ایں راشد ھسین بلوچ ءِ کھول ءَ گُشتگ کہ راشد ھسین یل بوھگ ءُ آئی ءِ دیم ءَ آرگے واستا مئے چم راھی انت. پاکستان ءِ ادارھانی نیمگ ءَ چہ راشد ھسین ءَ تتکگیں جرمکار گُشگ مئے گمانی تھا گیشی آیگ انت- پرچاکہ متھدہ ارب امارات ءُ پاکستان ءَ ھواری ءَراشد ھُسین آوار جتگ ءُ بیگواہ کتگ ءُ چم دیتگینانی رِد ءَ راشد ھُسین پاکستان ءِ چیریں ادارھاں گون انت بلے پاکستان ءَ پیسری وڑ ءَ بیگواھیں مردمانی درگت ءَ نہ منّ اِتگ
ماما کدیر بلوچ ءَ راشد ھُسین ءِ درگت ءَ گُشتگ کہ راشد ھُسین ءِ زند ترس ءُ بیم ءِ تہ ءَ اِنت آئی ءَ گُشتگ کہ راشد ھُسین پاکستان ءَ گون انت بلے ادارھانی نیمگ ءَ چہ آ تتکیں جرمکار گشگ بوتگ. مارا تُرس انت کہ راشد ھُسین چو سھاپی ساجد ھُسین ءِ وڑا کوش ءُ تاوان دیگ مہ بیت.
گُڈسر ءَ ماما کدیر بلوچ ءَ انسانی ھکانی ادارھاں چہ لوٹ کُتگ کہ آ راشد ھُسین بلوچ یل کنائینگ ءَ وتی کِرد ءَ پیلو بہ کن انت-
بلوچستان لبریشن پرنٹ ءِ جارکش میجر گْوھرام بلوچ ءَ رسانکدراں وتی شنگ کرتگیں درشان ءِ تہ ءَ بلوچستان ءِ دمگ آواران ءَ لشکری بُنجل ءُ کیچ ءَ پاکستان ءِ لشکر ءَ مڈی سر کنوکیں دو ٹرکانی سر ءَ بوتگیں اُرشانی زمہ واری من اتگ –
میجر گْوھرام بلوچ ءَ وتی درشان ءِ تہ ءَ گُشتگ کہ آواران ءِ دمگ زیارت ڈن ءَ دو شمبے ءِ بیگاہ ءَ ساھت شش ءَ سرمچاراں پاکستانی لشکر ءِ بنجل ءِ سر ءَ گوں نوکیں سلاہ، دور جنگیں توپک ءُ راکٹ لانچرانی گون ءَ اُرش کتگ –
اُرش ءِ آسرا لشکریانی چار کارندہ مرتگ بازینے زدگ بوتگ-
اُرش ءَ پد ترس آماچیں لشکر ءَ لس مھلوک ءِ سر ءَ ماٹر گولہ آس داتگ –
بی اِیل اِپ ءِ جارکش میجر گْوھرام بلوچ ءَ دیمتر ءَ گُشتگ کہ کیچ ءِ دمگ کولواہ مراستان ءَ سرمچاراں پاکستانی لشکریانی مڈی سرکنوکیں دو ٹرکانی سر ءَ ھما وھد ءَ اُرش کُرتگ کہ آ نوکیں بنجلے ءِ جوڑ کنگ ءِ ھاتر ءَ مڈی ایرکنگ ءَ بوتگ اَنت. سامانانی بر ءُ آر ھندی مردمانی گاڑی کارمرز کنگ بوتگ انت بلوچ بوھگے ھاتر ءَ ڈرائیور ءُ گاڑی یل داتگ انت ءُ سامان ایر گپتگ ءُ سوتکگ انت-
گڈسر ءَ بی اِیل اِپ ءِ جارکش ءَ ھندی ترانسپوٹر مکن کُتگ انت پاکستان ءِ لشکر بلوچ چکچینی ءِ ھچ وڑیں ترامگامیاں بھر مہ زور اِت اگاں ناں آ وتی ھر وڑیں تاوان ءِ زمہ وار وت انت –
(بی این ایم) ءِ رھشون مھمد یوسُپ بلوچ ءَ سویڈن ءَ بیگواہ بیگ ءَ پد کُشتگیں بلوچ اھوالکار ساجد ھسین ءَ سھرچکیں دروت ءُ داد بکش اِتگ ءُ گْوشتگ ما شھیدانی لڑا ھواریں ءُ شھید بہ ایں بلے ریاست ءِ دیم ءَ سر ءَ جھل نہ کن ایں،
آئی ءَ گْوشت کہ ساجد ھسین ءَ اے زانتگ کہ اے راھے ھمسپر بس یکین اِنت ءُ آ بس مرگ یُ شھیدی یا ریاستی بندی زندانی اِنت، بلے ساجد جان ءَ وتی پیشمردانی رنگ ءَ دشمن ءِ دیم ءَ سر جھل نہ کت ءُ بامردی ءِ ند چِست کنان ءَ دشمن ءِ گون ءَ گوں ند ءَ جنگ دیان ءَ شھیدی ءِ جوانیں سوگات پہ وتی نام ءَ کُرت –
من یک پِتے، براتے ءِ، ناکوے ءُ بلوچ بوگ ئِے نام ءَ میان اُستمان ءِ نام گپت ایں آمدگس، یورپی یونین ءُ مردمی اگبالانی پانکجن آں اے جست ءَ کنگ لوٹ آں کہ شمئے کجام ھم شھری ءَ کِچوک یا دگہ دردی گون بہ بیت شما آزمان ءَ سرا زورے ءُ وتی شھری ءِ سلامتی ءِ واستا دزبندی کن ئے-
نِی بلوچ نسل کُشی بیگ ءَ اِنت ءُ مردمی اگبالانی لگتمالی مردمی گیرت ءِ بگیری ءَ سرکپتگ اَنت ءُ یزیدی ڈیھ پاکستان ءَ وتی دلبند مِک کتگ ءُ روکپتی ڈیھاں سر بیتگ ءُ سویڈن ءِ وڑیں ڈیھے ءَ پرامن ءُ جمھوری مھترے ءَ یک نامی ئیں بلوچ اھوالکار ءِ گار بیت ءُ پد ءَ دو ماہ ءَ رند آ شھید کنگ ءُ آئی ءِ جون اپسالہ ءِ کور ءُ دست کپ اِت –
آئی ءَ گْوشت کہ اے انسانیتے سودمانیں ویل ءَ سویڈن ءِ واکدار میان اُستمانی مردمی اگبالانی پانکجن وت ءَ بے میار کن اَنت یا درائییں ھواریں ادارہ بے تواری ءَ پاکستان ءِ زُلمانی سر ءَ بے تواری ءِ سر ءَ بہ اُشت ایں
پناہ گیرانی زندمانی جیڑہ
ٹی بی پی شونگال
ساجد ھسین کہ چہ پاکستان ءَ وتی زند ءِ رکینگ ءِ ھاتر ءَ تتکگ ءُ 2019 ءَ سویڈن ءَ سیاسی پناہ داتگ، 2 مارچ 2020 ءَ بیگواہ بیت آ گُڈی رند ءَ سویڈن ءِ مزن شھر اسٹاک ھوم ءِ شمال ءَ کساس 56 کلومیٹر ءَ دیر اپسالہ ءِ دمگ ءَ رؤکیں یک ریلے ءَ سرکپگ ءَ گندگ بیتگ۔
یک مئی ءَ یک دمگی پولیس ءِ جارکش جون اس ارون ءَ رسانکدراں ساجد ھسین ءِ بیگواھی ءِ درگت ءَ نوکتریں ھال دیان ءَ گُشت “ آئی ءِ جون 23 اپریل ءَ اپسالہ ءِ نزیک ءَ فائریس کَور ءَ چہ دز کپتگ۔”
ساجد ھسین یک سوھوئیں بلوچ اھوالکارے اَت، آئی ءِ بیگواھی ءِ ھال سک زوت ھمک نیمگ ءَ شنگ ءُ تالان بیتگ اَت ءُ درستیں ملکی ءُ درملکی رسانکدراں آئی ءِ بیگواھی ءِ ھال ءَ شنگ کُتگ اَت۔ پدا ھم پاکستانی درملکی کارگس (دفتر خارجہ) ساجد ھسین ءِ بیگواھی ءُ رند ءَ جون ءِ دزکپگ ءِ سر ءَ وتی لُنٹ دوتکگ اِت اَنت۔
یک چُشیں اھوالکارے ءِ بیگواھی ءُ بیرانی ءِ سر ءَ پاکستان ءِ نہ مانگارگی (بے توجہی)، کہ آ پاکستان ءِ نامی ئیں رسانکانی تہ ءَ کارکنوکیں نامداریں اھوالکارے اَت، اھوالکارانی چاگرد ءُ درملک ءَ سیاسی پناہ ءِ ھاتر ءَ اتکگیں سیاسی جھد کارانی تہ ءَ ترُس ءُ بیم ودی کنگ ءِ سوبے جوڑ بیتگ۔
سویڈش پولیس ءَ وتی یک نوکتریں درشانے ءِ تہ ءَ گُشتگ کہ“ آٹوپسی رپورٹ کجام ھم وڑیں جرم ءِ آماچ بیگ ءِ گمان ءَ کم کنت،بلے پولیس پَٹ ءُ پول ءَ دنیگت سرجم بیگی اِنت۔”
اِشی پسہ ءَ اھوالکارانی میان اُستمانی گَل “اھوالکار ابید سیمسر” ءِ سروک ایرک ہاکئیر ءَ گُشتگ کہ “ دانکہ جرم ءِ آماچ بیگ ءِ گپ سرجم ءَ رد نہ بیت، داں ھما وھد ءَ اے گپ ءِ ترُس ھست کہ ساجد ھسین ءِ بیرانی آئی ءِ اھوالکاری کار ءُ آئی دی بلوچستان ءِ سرشونکار بیگ ءَ گوں بندوک اِنت۔”
ساجد ھسین ءَ بلوچستان ءَ انسانی ھکانی لگتمالی، منشیات ءِ کاروبار ءُ بلوچستان ءَ بیوکیں لشکری آپریشنانی سر ءَ نبشتہ کُتگ، کہ آئی سوب ءَ آ پیسر ءَ چہ پاکستان ءِ چیریں گلانی چمانی تہ ءَ اتکگ اَت ءُ جیڑھانی دیمپان اَت۔ آئی لوگ ءَ بیڑ برگ بیتگ اَت ءُ آئی ءِ کارانی لیپ ٹاپ ھم لشکریاں برُتگ اَت۔ گُڈسر ءَ آئی ءَ وتی کار، کھول ءُ ملک یل کنگ ءُ پنا گیری (باہوٹی) ءِ زند گوازینگ ءَ لاچار بیتگ اَت۔
ساجد ھسین ءِ مرگ ھما درستیں باھوٹ ءِ شوھاز ءَ دراتکگینانی ھاتر ءَ یک بیمناکیں کلوھے ، ھمایاں کہ وتی ملک یل کُتگ ءُ درانڈیھ ءَ باھوٹی شوھازگ ءَ اَنت۔ آ زند ءُ ترس کہ آیاں پُشت ءَ ویل کُتگ ءُ اتکگ اَنت، آ دگہ ملکاں ھم نی آیانی پُشت ءَ پیداک اِنت۔
دگہ یک بلوچ اھوالکارے ملک سراج اکبر کہ وتی ساہ رکینگ ءَ ءُ وتی زند ءَ رستگیں تُرسانی پد ءَ بلوچستان ءَ یل کنگ ءُ امریکہ ءَ پناہ گیری ءِ زند گوازینگءَ اِنت، وتی یک نبشتانکے ءِ تہ ءَ نبشتہ کنت کہ “انچش کہ یک رندے نیویارک ٹائمز ءَ نبشتگ اَت کہ پاکستانی سفارتی مشن “کمیونٹی آوٹ ریچ” ءِ نام ءِ سر ءَ امریکہ ءَ ھوار سرجمیں جھان ءَ دلجمیں رنگے ءَ درملک ءَ نیشتگیں پاکستانیانی چاریگی ءَ کنت۔”
یک پناہ گیرے ءِ ھساب ءَ آئی ءَ وتی تُرس درشان کنان ءَ گُشت” اگاں جمال خشوگی ءُ ساجد ھسین ءَ وتی ملکاں چہ دیر بیگواہ کنگ ءُ کُشگ بیت، گُڑا دگہ یک ھم پناہ گیر اے گمان ءَ مہ بیت کہ داں آیاں رسگ ءُ آیاں کُشگ بیت نہ کنت۔”
ھما ملک کہ اے جنگ آماچیں مردماں وتی گور ءَ باھوٹ دے اَنت، ھمایاں کہ وتی ملک یک رکیتگیں زند ءِ گوازینگ ءِ ھاتر ءَ اِشتگ، آ ملکاں اے گپ دلجم کنگ لوٹ ایت کہ آ اے پناہ گیراں پھریز ات بہ کنت۔ آیاں انچیں راھبند اڈ دیگ لوٹ ایت کہ ھما زالمیں سرکار اگاں ملکاں چہ اے مردماں وتی ساہ رکینتگ، آ اد ءَ ایشانی گور ءَ سر بیت مہ کن اَنت۔
بلوچستان ءِ جانسلامتی ءِ گر ءُ دار ءَ اے پدراھی کرتگ کہ بلوچستان ءَ ھپتاد ءُ ھشت درسد نادراھانی تہ ءَ کس ءَ ویروس ءِ نادراھی ءِ گورجنی نیست –
جانسلامتی ءِ رد ءَ بلوچستان ءَ داں انیگ ءَ کورونا ءَ ھواریں نادراھی ءَ ھمگرنچ بیوکیں نادراھانی تہ ءَ ھپتاد ءُ ھشت نادراھاں کورونا ءِ ھچ وڑیں زاھری نہ بیتگ ھمے واستا نادرھانی کمے ءِ زاھری ءَ نادراہ نادراھی ءَ ھوارگیجگے راست گوشگ نہ بیت –
جانسلامتی ءِ رد ءَ بلوچستان ءَ داں انیگ ءَ ویروس ءَ گپتگیں مردمانی تہ ءَ گیشتریں مردمانی اُمر سِی سال ءَ داں چِل ءُ چار سال ءِ میان ءَ اِنت، اشانی تہ ءَ وپتگیں نادراھانی جان ءِ نادراھی سِی ءُ سَے ٹِک دو درسد، پانزدہ ءَ چَہ بہ گر بیست ءُ نُھ سال ءَ جسمی نادراھی بیست ءُ شش ٹِک شست ءُ دو درسد اِنت
جانسلامتی ءِ رد ءَ بلوچستان ءَ داں انیگ ءَ کورونا ویروس ءَ شست سالی ئیں مردمانی تہ ءَ ترندی ءَ کپگ اِنت ایشی ءَ ابید بلوچستان ءَ ھشتاد درسد مردین ءُ بیست درسد زالبول کورونا ویروس ءِ آماچ اَنت
سَئودی اَرب ءِ سَے مزنیں نادراہ درگیجوک جاھاں اے ھال پدر کرتگ مکہ ءَ ھپتاد درسد کورونا ویروس ءَ گورجنی ءِ گمان اِنت –
ھلیجی رسانکدرانی ھالدرانی رد ءَ بیست لَک شھریانی تہ ءَ ویروس ءِ نادراھی ھست اِنت –
داں انیگ ءَ سَئودی ارب ءَ کورونا ویروس ءَ 21 ھزار ءَ گیش مردم رپورٹ بیتگ اَنت، بیران بیتگیں مردمانی کچ 1 سد 50 ءُ ھپت مردم، ھلیجی ڈیھانی گَل جی سی سی ءَ اے درستاں چَہ گیشتر ھال اَنت –
تب زانتے ءَ نام پدر نہ کرتگ ءُ گْوشتگ کہ اے شنگ کرتگیں ھالانی تہ ءَ گیشتر مردم کورونا ویروس ءِ نادراھی ءِ آماچ اَنت ءُ سَئودی ءِ جانسلامتی ءِ وزیر ءِ رد ءَ جون ءِ ماہ ءَ ویروس نادراھیانی کَچ گیشتر بیت کنت-
یک ھالے ءِ رد ءَ گوشگ بیتگ کہ پیسر نادراھیں مردمانی دراھی سرکاری نادراہ جاھاں کنگ بیتگ، بلے نِی نادراھانی جانسلامتی زَری نادراہ جاھاں کنگ بیگ ءَ اِنت کہ سرکاری نادراہ جاھاں نِی جاگہ نیست –
سَئود ارب ءَ کورونا ءِ بگیری ءَ گامگیج ءِ زورگ ءَ ترند کنان ءَ مکہ ءُ مدینہ دو اپریل ءَ بیت چار ادارھانی تہ ءَ بند آری ءِ جار پرینتگ، بند آری بیست ءُ شش اپریل ءَ سُستی کرتگ ءُ مکہ ءَ بند آری انگت ءَ برجاہ اِنت – یک ھالے ءِ تہ ءَ گْوشگ بیتگ کہ اگاں نادراھانی تہ ءَ بیست درسد گیش بہ بیت گڑا ڈیھے آدگہ بھر( گورنریٹس) ءَ سرجم ءَ بند آری ءِ تہ ءَ کنگے جار پرینگ بنت –
ھالے ءِ رد ءَ گْوشگ بیتگ کہ جدہ ءَ پنچ سد نپاد ءَ ھواریں یک نادراہ جاھے جوڑ کنگ بیتگ ءُ دگہ دو نوکیں نادراہ جاہ جوڑ کنگ بیتگ کہ تانکہ نادرھانی دراھی ءَ کرت بہ کنت –
چار شمبے ءِ روچ ءَ سَئود ءِ شاھی ٹک ءِ باسک ءُ گوستگیں انٹیلی جنس چیپ شھزادہ ترکی بن پیسل السئود ءَ ھالرسانی رد کرتگ اَت کہ ویروس بے ھسابیں کچے ءَ شنگ بیگ ءَ اِنت –
نیویارک ٹائمز ءَ شنگ بیتگیں یک ھالے ءِ تہ ءَ جست ءِ پسھی ءَ رد کرتگ کہ شاھی ٹک ءَ یک سد ءُ پنجاہ مردماں ویروس بیتگ بلکیں راستیں کچ بیست اَنت –
بلوچستان نیشنل پاٹی ءِ سروک سردار اکتر مینگل ءَ بلوچ اھوالکار ساجد ھسین ءِ کوش ایر جتگ ءُ گوشتگ من ساجد ھسین ءِ کوش ءَ ترندی ءَ ایر جن آں من ءَ ساجد ءِ مرگ ءَ پدردیگ کتگ –
بی این پی ءِ سروک ءَ گْوشت ساجد ھسین یک بھادر ءُ پلگاریں اھوالکارے بیتگ-
آئی ءَ سویڈن ءِ سرکار ءَ چَہ دزبندی کرت ءُ گوشت کہ ساجد ءِ کوش ءِ پَٹ ءُ پول ءَ بہ کنت –
زانگ بہ بیت بلوچستان ءِ نامی ئیں اھوالکار ساجد ھسین دو مارچ ءَ سویڈن ءِ شھر اپسالا ءَ بیگواہ بیتگ ءُ چریشی ءَ پد آئی ءِ لاش پولیس ءَ کورے لمب ءَ چِتگ
