14اگست پاکستان ءِ وتگڑیں آجوئی ءِ روچ ءُ بلوچ ءُ پشتون ءِ زمینانی کبزہ
نبشتہ کار: شَکّل بلوچ
دی بلوچستان پوسٹ
راجے وتی مُلکی آجوئی ءِ روچ ءَ دار اِیت، شاتکامی کن اَنت کہ مئے ملک اے روچ ءَ آجو بیتگ، بلے گپ ایش اِنت ھما ملک ءِ راج پرچا ھمے وتی آجوئی ءِ روچ ءَ گوں پھر ءُ شان ءَ شاتکامی کنت کہ ما آجو اِیں؟
وھدے یک ملکے ءِ راج وتی جند ءِ آجوئی ءَ سرپد مہ بیت ءُ ھما ملک آئی ءِ زند ءِ بُنکی لوٹانی دیگ ءَ لنگ بہ بیت گڑا آ راج انگت ءَ ھمے ملک ءِ وتی ملکی چیدگیں بیرک ءَ بہ زور اِیت ءُ شاتکامی بکنت گڑا بزاں آ راج راجے گْوشگ نہ بیت چی ءَ کہ آ راج ءِ تہ ءَ سیاسی سنچ، سماجی سنچ نیست ءُ پہ دو سے کلدار ءَ وتگڑیں سیاسی مردمے ءِ دست ءَ بھا بہ بیت گڑا تو چے گُش ئے آ آجو گُشگ بیت؟پاکستان چہ بُن ازل ءَ یک آجوئیں استانے نہ اِنت اے چہ مگربی سامراجاں پہ لُٹ ءُ پل کنگ ءِ ھاتر ءَ یا وتی راجی پائدگانی ھاتر ءَ اڈ دیگ بوتگ، چی ءَ کہ پاکستان چہ راجدپتر ءَ زِبھر اِنت اے استانے نہ اِنت بلکیں یک کلونی یے کہ دری پائدگانی واستا جوڑ کنگ بیتگ۔
پاکستان ھچ استانے نہ اِنت ءُ نَیکہ ایشی ءَ وت ءَ تاریکے ھست ءُ نیکہ زمینے اے بس بلوچستان ءُ ھیبر پکتونھوا ءِ زمینانی گواجناں لُٹ ءُ پل کنگ ءِ ھاتر ءَ اڈ دیگ بوتگ، پنجابی انگریزانی گلام اَنت ءُ ھمے پنجابی وت مسلمان نہ انت بلکیں اے چہ بُن ازل ءَ زنجتھ سنگھ ءِ اولاد اَنت ءُ وت ءَ پاکستان ءِ ھاتر ءَ چمیشکا مسلمان گُش اَنت کہ آ انگریزانی وپادار انت، ءُ گوں انگریزاں بلوچ سرڈگار ءِ لُٹ ءُ پل کنگ ءِ ھاتر ءَ اسلام ءِ نام ءَ کارمرز کنگ ءَ اَنت پرچاکہ پاکستان وت یک اسلام ءِ نام ءَ جوڑ کنگ بوتگ ءُ اَبید اسلام ءَ ھمے انگریز ءُ پنجابی بلوچ ءُ پشتون راج ءَ رد دات کُت نہ کن اَنت۔ اسلام ءِ نام ءَ پنجابی انگریزانی پائداگانی سرجم کنگ ءِ ھاتر ءَ بلوچ ءُ پشتون ءِ چُکچینی ءَ کنگ ءَ اَنت۔
نی گپ چداں سر بیت کہ بلوچ ءُ پشتون ھوش بکن اَنت ءُ وت ءَ ءُ وتی جان ءُ مال ءِ پھریزگ ءِ ھاتر ءَ ءُ وتی زمین ءُ گواجنانی پھریزگ ءِ ھاتر ءَ پنجابیاں چہ وتی ڈیھ ءَ بہ گَلّین اَنت ءُ وت ءَ چہ اے دروگیں استان ءِ پاکستان ءَ جتا بکن اَنت، وت ءَ آجو بکن اَنت۔
14 اگست آجوئی ءِ روچ پہ بلوچ ءُ پشتونیں راج ءِ آجوئی ءِ روچ نہ انت بلکیں اے پنجابیانی آجوئی ءِ روچ اِنت کہ آ چہ وت ءَ ھندوستان ءَ جتا بوتگ ءُ وت ءَ نوکیں اسلام ءِ مزھبی پکشاتگ ئِے۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-
