بلوچ آجوئی لوٹوکیں گلانی ھم سنتیں گل بلوچ راجی آجوئی سنگر(براس) ءِ جارکش بلوچ ھان ءَ رسانکدراں وتی شنگ کرتگیں درشان ءِ تہ ءَ گوشتگ کہ براس ءِ سرمچاراں سرجمیں بلوچستان مھکمیں ارشانی درچ ءَ زورگریں پاکستانی پوج ، راشن بروک، دامگی نزام ءُ ریاست ءِ سروکی ءَ کارکنوکیں کشندہ ٹولی نشانگ کتگ انت ۔اے ارش 10 اکست ءَ بگر تاں 15 اگست ءَ برجاہ بوتگ انت کہ سرجمی ءَ ھپتاد ءُ یک ارش کتگ ، اے ارشاں زورگریں پوج ءِ 24 کارمند مرتگ انت وھدیکہ پنچ کشندہ ٹولی کارمند جنگ بوتگ انت ۔ بازیں جاھاں سرمچاراں دگ بندی کتگ ، بسیمہ ءَ پوجی بنجل ءَ ھوار سرکاری کارگس ءُ تانہ وتی کنٹرول ءَ کتگ انت ، وھدیکہ جاؤ ءَ کشندہ ٹولی ءِ گوم ءَ میڑ ءَ سرمچار ھاسل مراد پنام ءِ ساربان بلوچ نمیران بوتگ ۔
براس ءِ جارکش ءَ سرجمیں ھال داتگ ءُ گوشتگ کہ سرمچاراں واشک ءِ ہیڈکوارٹر بسیمہ ءَ زورگریں پاکستانی پوج ءِ بنجل ءِ سرا ٹوھیں ارش ءِ کتگ ءُ بسیمہ کراس ءَ پہ کمک ءَ آوکیں کاروان ءِ سرا ھم سرمچاراں ارش کتگ کہ اے ارشاں ءَ سرجمی ءَ پاکستانی پوج ءِ کپٹن آسپ ءَ ھوار سیزدہ کارمند مرتگ انت ءُ کم چہ کم یازدہ زدگ بوتگ انت ، سرمچاراں پوج ءِ یک مازدہ گاڑی ءِ مانداشتگ وھدیکہ یک بکتر بند گاڑی ءِ ھم ارش ءِ زد ءَ اتکگ ءُ بے دردی بیتگ ۔
جارکش ءَ گوشتگ کہ سرمچارانی دگہ ٹولی ءَ لیویز تانہ ءِ سرا بیڑ برتگ ءُ اودا ساڑی ایں پولیس کارمند دزگیر کتگ ءُ سلاہ پچ گپتگ انت ءُ پدا رندا اودا سواری مانداشتگ انت ، سرمچاراں نادرا کارگس ءُ جوڈیشل کمپلکس ھم مانداشتگ ءُ بینک تاوان داتگ ھمے وھد ءَ بنجاھی شھدگ ءِ سرا سرمچاراں وتی دگ بندی ھم برجاہ داشتگ ۔
براس ءِ ایندگہ سرمچارانی ٹولی ءَ زورگریں پوج ءِ جوڈ کتگیں کشندہ ٹولی ءِ کارمند ابدل واھد ایسی زئی ، پزل کریم ءُ ھاجی اکبال ءِ ٹکانہ ءِ سرا بیڑ برتگ کہ اودا کشندہ ٹولی ءِ سے کارمند زدگ بوتگ ءُ تچگ ءَ سوبمند بوتگ انت۔ سرمچاراں ابدل واھد ءِ ٹکانہ ءَ چہ سلاہ ، گاڑی ءُ پرپٹ دستیگ کتگ انت ۔
جارکش ءَ گوشتگ کہ سرمچاراں ماں گوادر نیوٹاؤن ءَ زورگریں پاکستانی پوج ءِ سَے گاڑیانی کاروان ءِ سرا بمب ارش ءِ کتگ کہ چریشی ءَ زورگریں پوج ءِ دو کارمند مرتگ ءُ چار زدگ بوتگ انت وھدیکہ یک گاڑی ءِ تباہ بوتگ ۔
جارکش ءَ گوشتگ کہ سرمچاراں مستونگ دشت سپیزنڈ ءَ چہ شال ءَ بگر راولپنڈی ءَ رؤکیں جاپر ایکسپریس ءِ سرا بمب ارش ءِ کتگ کہ چریشی ءَ شش بوگی پٹی ءَ جھل کپتگ ءُ ریل ءَ تاوان رس اتگ ۔
جارکش ءَ گوشتگ کہ سرمچاراں مستونگ ءَ ڈپٹی کمشنر کارگس ءِ سرا دزبمب ارش ءِ کتگ ءُ مستونگ کڈکوچہ ءِ بنجاھی شھدگ ھم بستگ ءُ بازیں اداراں پٹ ءُ پول کتگ ۔ دومی نیمگ ءَ کڈکوچہ ءَ برجاھیں پاکستانی پوج ءِ بنجل ءِ سرا گرنیڈ لانچر آس داتگ ۔
جارکش ءَ گوشتگ کہ سرمچاراں پانزدہ اگست ءِ شپ ءَ مستونگ دمگ کڈکوچہ کنڈ عمرانی ءَ زورگریں پوج ءِ جوڈ کتگیں کشندہ ٹولی ءِ کارمند شکیل شاھوانی ءِ ٹکانہ ءِ سرا بیڑ برتگ کہ اودا شکیل ءَ تچگ ءِ جھد کتگ کہ سرمچارانی تیرگواری ءَ آ مرتگ ۔ شکیل کشندہ ٹولی ءِ سروک بوتگ وھدیکہ مھلوک ءِ گسانی سرا بیڑ ءُ چادر ءُ چاردیوالی لگتمالی ءُ ورنائی زورانسری آوارجنی ءَ دست مان بوتگ ۔
جارکش ءَ مستونگ ءِ دمگ دشت امر ڈور ءَ سرمچاراں زورگریں پاکستانی پوج ءُ کسٹم اہلکارانی سرا ھما وھد ءَ ارش کتگ وھدیکہ ھما گاڑی والایانی دمب ءَ کپتگ انت کہ آیاں زورگریں پوج ملام نہ داتگ کہ سرمچارانی راکٹ دگہ سلاھانی ارش ءَ دو دشمن کارمند مرتگ ءُ چار زدگ بوتگ انت وھدیکہ زورگریں پوج ءِ تیرگواری ءَ یک ڈرائیور ءِ بیران بوتگ ۔
جارکش ءَ گوشتگ کہ براس ءِ سرمچاراں شال سریاب ءَ پولیس گاڑی ءِ سرا بمب ارش ءِ کتگ کہ چریشی ءَ آیاں جانی ءُ مالی تاوان رس اتگ ۔
جارکش ءَ گوشتگ کہ سرمچاراں شال سبی دگ ، کلی زرین ءَ پولیس ءِ ایگل اسکواڈ ءِ سرا دز بمب ارش ءِ کتگ چریشی ءَ دو کارمند زدگ بوتگ انت ۔ سرمچاراں شال ءَ ایریگشن کارگس ءِ دپ اشتاتگیں پولیس کارمند ھم دزبمب ارش ءِ نشانگ کتگ انت ۔
جارکش ءَ گوشتگ کہ سرمچاراں شال ءَ زورگریں پوج ایم آئی ءِ کارمندے ھم تیرباران کتگ ءُ کشتگ ۔
جارکش ءَ گوشتگ کہ سرمچاراں سبی گرلز کالج ءِ نزیک ءَ پٹ ءُ پول کنوکیں پولیس کارمندانی سرا دزبمب ارش ءِ کتگ چریشی ءَ اسسٹنٹ سب انسپکٹر مھمد اپزل زدگ بوتگ ۔
براس ءِ جارکش ءَ گوشتگ کہ سرمچاراں سھبت پور ءَ پولیس چوکی ءِ سرا ارش کتگ ءُ سرمچاراں نصیرآباد ءَ میر ھسن پھل ءِ سرا برجاھیں پوجی پانگس ھم نشانگ کتگ چریشی ءَ پوج ءَ تاوان رس اتگ ۔ سرمچاراں ڈیرہ اللہ یار ءَ آئی ایس آئی کارمندانی ٹکانہ ءِ سرا ھم ارش کتگ کہ اودا دو کارمند زدگ بوتگ انت ۔
جارکش ءَ گوشتگ کہ سرمچاراں جھل مگسی ءَ زورگریں پوج ءِ پانگسے ءِ سرا ھم ارش کتگ ۔
ھمے وڈا ڈیرہ بگٹی ءَ کھٹن پھل ءِ سرا برجاھیں پاکستانی پوج ءِ پانگس ءِ سرا گرنیڈ لانچر آس داتگ ۔ ءُ صادق آباد ءَ گیس پیپ ءِ چیر ءَ تراکناکیں شورہ کل کتگ تباہ کتگ ۔
جارکش ءَ گوشتگ کہ سرمچاراں دالبندین ءَ بنجاھی شھدگ ءِ سرا دگبندی کتگ ءُ بوزر گاڑی نشانگ کتگ انت ۔
جارکش ءَ گوشتگ کہ براس ءِ سرمچاراں چاردہ اگست ءِ شپ ءَ پنجگور ءَ کلم چوک ءَ برجاھیں پوجی پانگس ءِ سرا بازیں گرنیڈ لانچرے آس داتگ ءُ ھمے شپ ءَ رکشان پھل ءِ سرا برجاھیں پوجی پانگس ءِ سرا ھم راکٹ ءُ گرنیڈ لانچر آس داتگ ۔
جارکش ءَ گوشتگ کہ براس ءِ سرمچاراں تربت ءِ دمگ ھیرآباد ءَ زورگریں پوج ءِ سرا ھم ارش کتگ ۔
براس ءِ سرمچاراں بلیدہ ءِ بازار ءَ تر ءُ گرد کتگ وھدیکہ بلیدہ ءِ دمگ زوندان ءَ زورگریں پوج ءِ بنجل ءِ سرا ارش کتگ ۔ ھمے وڈ گلی ءَ ھم زورگریں پوج ءِ سرا ارش کتگ ءُ تاوان داتگ ۔
جارکش ءَگوشتگ کہ براس ءِ سرمچاراں زامران ءِ دمگ ساہ دیم ءَ زورگریں پوج ءِ بنجاھی شھدگ ءِ سرا دو نیمگ ءَ ارش کتگ ءُ دو کارمند کشتگ انت ءُ زورگریں پوج جانی ءُ مالی تاوان داتگ ۔ ھمے وڈ تگران ءِ ھند گیشتردان ءَ پوج ءِ ھاتر ءَ راشن بروکیں دو گاڑی مانداشتگ انت ۔
جارکش ءَ گوشتگ کہ سرمچاراں 10 اگست ءِ شپ ءَ مند ءِ دمگ سورو ءُ مھیر ءَ یکیں وھد ءَ پاکستانی پوج ءِ دو بنجلانی سرا راکٹ ءُ دگہ سلاھاں گوں ارش کتگ ءُ چریشی ءَ زورگریں پوج ءِ دو کارمند مرتگ ءُ بازینے زدگ بوتگ ۔
جارکش ءَ گوشتگ کہ سرمچاراں 11 اگست ءَ ناسر آباد ءِ بنجاھی شھدگ ءِ سرا دگبندی کتگ وھدکہ نزیکیں پاکستانی پوج ءِ بنجل ءِ سرا دو نیمگاں ارش کتگ ۔ ھمے وڈ 10 اگست ءَ سرمچاراں زامران ڈیلکیک ءَ پوجی پانگس ءِ سرا مزنیں سلاھاں گوں ارش کتگ ، ارش ءِ میان ءَ پوج ءَ سرولنس ڈرون ءِ بال داتگ کہ سرمچاراں آ جتگ ءُ دور داتگ ۔
جارکش ءَ گوشتگ کہ سرمچاراں یازدہ اگست ءَ مند سورو ءَ پاکستانی پوج ءِ بنجل ءُ ایم آئی ءِ کارگس ءِ سرا دو ارش کتگ وھدیکہ دمگ ءَ سرمچاراں تر ءُ گرد کتگ بازیں اداراں دگ بندی ھم کتگ ۔
ھمے وڈ سرمچاراں تمپ ءِ دمگ گومازی ءَ ھم سرمچاراں شھید جھانگیر ءِ گس ءِ سرا برجاھیں پوجی پانگس ءِ سرا ارش کتگ ۔ اے ارش نیم ادار ءَ گیش برجاہ بوتگ ۔ وھدیکہ پوج ءِ چاریگی کیمرہ ھم جتگ انت ءُ تباہ کتگ انت ھمے وھد ءَ پوج ءَ سرمچارانی رندگیری ءِ ھاتر ءَ کواڈ کاپٹر ھم بال داتگ کہ سرمچاراں جتگ ءُ چگل داتگ ۔
ارش ءَ پد زورگریں پوج ءَ دگہ یک کواڈ کاپٹرے بال داتگ کہ ھمیشی ءَ مارٹر گولہ ھم چگل داتگ کہ چریشی ءَ کسانسالیں مھمد ءِ ابدل گپور گولہ ءِ لگگ ءَ نمیران بوتگ ۔
جارکش ءَ گوشتگ کہ سرمچاراں 12 اگست ءَ کیچ ءِ دمگ ھوشاپ بل ڈیم ، مند ملا چات ءَ ھم پاکستانی پوج ءِ راکٹ ءُ دگہ مزنیں سلاھاں گوں ارش کتگ ءُ تاوان داتگ ۔
براس ءِ جارکش ءَ گوشتگ کہ سرمچاراں 13 اگست ءَ تمپ ءِ دمگ میر آباد ، کیچ ءِ دمگ ڈانڈار ءِ بنجاھی بنجل ، رکشان ءِ دمگ گورگی پاکستانی پوج ءِ سرا ارش کتگ ءُ جانی ءُ مالی تاوان داتگ ءُ آواران ءِ دمگ تیرتج ءَ یوفون موبائیل ٹاور ءِ سرا ارش کتگ ءُ مشینری مانداشتگ انت ۔
جارکش ءَ گوشتگ کہ سرمچاراں 14 اگست ءَ کیچ ءِ دمگ تمپ کلاھو ، کولواہ کڈ ھوٹل ءُ شاھو باتل ءُ رودکان ءَ ھم پاکستانی پوج ءِ سرا راکٹ لانچر ءُ دگہ سلاھاں گوں ارش کتگ ءُ تاوان داتگ ۔ ھمے وڈ تمپ ءِ دمگ ملانٹ ءَ پوج ءِ بنجل ءِ سرا دونیمگاں ارش کتگ ءُ بنجل ءِ سرا دھ راکٹ آس داتگ کہ بنجل ءتہ ءَ کپتگ انت کہ چریشی ءَ دژمن ءِ کم چہ کم سے کارمند مرتگ ءُ بازینے زدگ بوتگ انت ۔
جارکش ءَ گوشتگ 14 اگست ءَ سرمچاراں مند لبنان ءَ زورگریں پوج ءِ بنجل ءِ سرا راکٹ ءُ دگہ مزنیں سلاھاں گوں ارش کتگ وھدیکہ ھمے وھد ءَ سرمچاراں بلوچ آباد ءُ لبنان ءَ دگ بندی کتگ ءُ مھلوک ءَ گوں تران کتگ ۔
جارکش ءَ گوشتگ کہ سرمچاراں چاردہ اگست ءَ گورکوپ ، آواران ءِ دمگ جھکرو، جاؤ دارو کوچہ ، ڈولیجی ، مشکے ءِ دمگ بنڈکی ، ھم پاکستانی پوج ءِ سرا اسنائیپر ءُ دگہ سلاھاں گوں ارش کتگ ءُ جانی ءُ مالی تاوان داتگ ، وھدیکہ ھاران ریڈ زون ءَ برجاھیں ڈپٹی کمشنر ءِ کارگس ءِ سرا ھما وھد ءَ دزبمب ارش ءِ کتگ وھدیکہ آ وتگڑیں آجوئی روچ ءَ دارگ ءَ بوتگ انت ۔
جارکش ءَ گوشتگ کہ سرمچاراں 10 اگست ءَ مگرب ءِ وھد ءَ جاؤ ءِ بنجاھی شھدگ ءِ سر ءِ لیوز چوکی مانداشتگ ءُ جاؤ ءِ دمگ نوندڑہ سردار ھوٹل ءِ سرا براجاھیں پوجی پانگس ءِ سرا ھم ارش کتگ ارش ءِ میان ءَ سرمچاراں کواڈکاپٹرے ھم جتگ ءُ چگل داتگ ۔
جارکش ءَ گوشتگ کہ 10 اگست ءَ سرمچاراں آواران تا کراچی ءِ بنجاھی شھدگ ءِ سرا چار اداراں تاں دگ بندی کتگ ءُ گاڑی پٹ ءُ پول کتگ انت ۔
سرمچاراں جاؤ سیڑھ مجید پیر ءَ لیویزپانگس ءِ سرا بیڑ برتگ سلاہ ءُ دگہ سامان دستیگ کتگ انت ءُ پانگس مانداشتگ ۔
جارکش ءَ گوشتگ کہ سرمچاراں 11 اگست ءَ آواران ءِ دمگ نازوئی چڑائی ، جاؤ ءِ دمگ دارو کوچہ ھم پاکستانی پوج ءِ سرا ارش کتگ ءُ یک سرویلنس کیمرہ ءِ ھم جتگ ءُ چگل داتگ ۔
جارکش ءَ گوشتگ کہ 11 اگست ءَ سرمچاراں مشکے ءِ دمگ گجر ءَ پاکستانی پوج ءِ بنجل ءِ سرا BM12 گولہ جتگ ، ءُ مشکے میانی کلات ءَ زورگریں پوج ءِ پانگس ءِ سرا ھم ارش کتگ ۔
سرمچاراں آواران ءِ دمگ پیراندر ، زرانکولی ءَ پاکستانی پوج ءِ پانگس ءِ سرا گوں مزنیں سلاھاں ارش کتگ ۔
براس ءِ جارکش ءَ گوشتگ کہ سرمچاراں 11 اگست ءَ چہ زھری ءَ دزگیر کنگ بوتگیں دو چاریگ رھمت اللہ جتک ءُ منور جتک تیر جتگ ءُ کشتگ انت ۔
جارکش ءَ گوشتگ کہ سرمچاراں ھب ءَ آمیدگس دگ ءَ پاکستانی وتگڑیں آجوئی روچ ءِ ھاتر ءَ بیرک بھا کنوکیں اسٹال ءِ سرا ارش کتگ کہ چریشی ءَ یک کارمندے مرتگ ءُ یکے زدگ بیتگ ۔
جارکش ءَ گوشتگ کہ ھب بائی پاس ءَ یک دگہ ارشے ءَ پاکستان ءِ چیریں ادارھانی کارمندے نشانگ کتگ کہ آئی ءَ وتی درشم مٹ کتگ پنچر والا دکان ءَ نشتگ ءُ پہ چیریں ادارھاں کارا بوتگ ۔
بلوچ راجی آجوئی سنگر (براس) ءِ جارکش بلوچ ھان ءَ دیمتر ءَ وتی درشان ءِ تہ ءَ گوشتگ کہ 11 اگست ءَ جاؤ ءِ دمگ گجرو کور ءَ گل ءِ مشن ءِ وھد ءَ سرمچار گوں ریاست ءِ جوڈ کتگیں کشندہ ٹولی ءَ دپ کپتگ ءُ میڑ بندات بوتگ کہ اے میڑ ءَ سرمچار ھاسل مراد پنام ءِ ساربان نمیران بوتگ ۔
جارکش ءَ گوشتگ کہ میڑ ءِ بندات ءَ سرمچارانی یک ٹولی ءِ دژمن ءِ انگر ءَ اتکگ انت کہ ھمے میان ءَ زدگ بوتگیں سرمچار ھاسل مراد ءَ تمردی ءُ دلیری ءَ جنگ کنان ءَ وتی سنگت چہ دژمن ءِ انگر ءِ سوبمندی ءَ گوں در کتگ انت ۔ ھمے وھدءَ سرمچارانی دگہ ٹولی ءَ کشندہ ٹولی کارمندانی سرا ارش کتگ ءُ زدگ بوتگیں سرمچار ءِ درآیگ ءَ کمک کتگ ۔ بلے بدکسمتی ءَ لھتے اداراں پد سرمچار ھاسل مراد زدگیں جاوراں گوں نمیران بوتگ ۔
جارکش ءَ گوشتگ کہ نمیرانیں ھاسل مراد مراد بکش ءِ چک بوتگ ءُ چھپبی جاؤ ءِ نندوک بوتگ ۔ آ سال 2014 ءَ بلوچستان لبریشن پرنٹ ءِ سرمچار ءِ جوڈ بوتگ چدوپیسر آ سیاسی گلے ءَ بوتگ ءُ آ یک وانندہ سیاسی ءُ لیکھی سنگتے ءِ دروشم ءَ پجارگ بوتگ ۔ کساس یازدہ یا دوازدہ سالانی میان ءَ آئی ءَ بلوچ راجی زرمبشت ءَ پہ بے بھا دیمھونی داتگ ۔
جارکش ءَ گوشتگ کہ نمیرانیں ھاسل مراد ءَ بلوچستان ءِ بازیں ھند ءُ دمگاں ھوار جاؤ ، گریشہ ، مشکے ، آواران ، اورناچ ءُ بیلہ ءَ دژمن ءِ بگیری ءَ جنگانی تہ ءَ دیم ءَ بوتگ بازیں جنگاں آئی ءَ دلیری ءُ جوانیں جنگی رپک ءُ ھنراں گوں مشن سوبمندی ءَ سرکتگ انت ۔
جارکش ءَ گوشتگ کہ ریاستی زوراکیانی رد ءَ نمیرانیں سر ءِ بازیں سیاد ءُ وارس ءِ زورانسری آوار جنگ بوتگ ءُ آئی کھول پہ زور چہ وتی دمگ ءَ در پہ در کنگ بوتگ ۔ نمیرانیں ھاسل مراد ءِ کماش تنی وھدی ریاستی زنداناں بندیگ انت بلے پدا ھم سنگت ھاسل مراد ءَ تاں وتی گڈی ساہ ءَ آجوئی سرڈگار ءِ گپ ءِ سرا اوشتاتگ ۔
براس ءِ جارکش بلوچ ھان ءَ وتی درشان ءِ گڈسر ءَ گوشتگ کہ اے درسیں زمہ واریاں بلوچ راجی آجوئی سنگرمن ایت ۔ ما اے گپ ءَ تچک کن ایں کہ زورگریں پاکستانی پوج ، آئی ءِ چیریں ادارہ ، کشندہ ٹولی ءُ ایندگہ کمکار کہ ھر کجا بلوچ راجی پجار ، سرڈگار ، مڈیانی بگیری ءَ کار انت آیاں جنگ ءِ دیمپانی کنگ کپ ایت ۔ مئے جھد تاں آجوئی ءُ وتواکی ءَ برجاہ مان ایت ، زورگر ءِسرا ارش چدوگیشتر ترندی ءَ گوں برجاہ مان انت ۔
