TBP Balochi

امریکہ ءِ پیسرگیں صدر ڈونلڈ ٹرمپ ءَ وتی چاگردی رسانکدر ءِ ایپ لس مردمانی ھاترءَ دیما آرتگ۔

اے ایپ یک شمبے ءِ شپ ءَ امریکہ ءَ ایپل ایپ اسٹور ءَ شنگ کنگ بیتگ اَت ءُ داں انگت گوگل پلے اسٹور ءَ شنگ نہ بیتگ۔

ٹرمپ میڈیا اینڈ ٹیکنالوجی گروپ (ٹی ایم ٹی جی) ءِ نامیئیں شرکت ءَ اے ایپ ءِ پُشت ءَ اَنت ءُ اِشی سی ای او ڈیوین نیونز ءَ رسانکدراں گوں گپ کنان ءَ گُشتگ کہ ایپ داں انگت سرجمی ءَ ساڑی نہ بیتگ۔

آئی ءَ گُشتگ کہ ما ھمے ھپتگ ءَ اِشی ءَ ایپل ایپ اسٹوراں مردمانی ھاترءَ دیما آرگ ءَ اِنت ءُ مئے ھیال اِنت کہ مارچ ءِ گُڈسرءَ کم چہ کم امریکہ ءَ اِشی ءَ سرجمءَ کارآمد کنیں۔

اکتوبر 2021 ءَ ڈونلڈ ٹرمپ ءَ یک درشانے ءِ تہءَ گُشتگ اَت کہ “ماں یک انچائیں جھان ءَ نشتگیں کہ تالبانی ٹوئیٹر سرءَ مزنیں کچے گندگ بیت، بلے پدا ھم شمے دلدوستیں امریکہ ءِ صدر ھاموش کنگ بیتگ۔ اے قبول نہ اِنت”۔

آئی ءَ گُشتگ اَت کہ “من ھمے زیتاں ٹروتھ سوشل ءِ سرءَ وتی اولی راستی ءَ دیم دیگ ءِ ھاترءَ پُر جزبگاں”۔

آئی ءَ گُشتگ اَت کہ “من باز زیت ٹروتھ سوشل ءِ سرءَ وتی ھیالانی درشان کنگءُ مزنیں ٹیک آنی ھلاپ مڑگ ءِ ھاترءَ جزبگاں چہ چکار آں”۔

زانگ بہ بیت کہ ٹوئیٹر ءُ فیسبوک ءِ نیمگ ءَ پیسرگیں امریکی صدر ءِ اکاونٹس 8 جنوری ءَ ھما وھدءَ سرجمءَ بند کُتگ اِت اَنت کہ وھدے واشنگٹن ءَ کیپیٹل ہل ءَ آئی باسکاں پُرشت پروش کُتگ اَت کہ اِشی سوب ءَ یک پولیس کارمند ءِ بیران ءُ پنچ مردم ٹپی بیتگ اِت اَنت۔

اسنیپ چیٹ ءَ ھم پیسرگیں صدر ءِ اکاونٹ لاک کُتگ وھدیکہ یوٹیوب ءِ اکاونٹ ھم بند کنگ بیتگ اَت۔

بی ایس او ءِ گوستگیں سینٹرل کمیٹی ءِ باسک ثناء آجو ءَ وتی درشانی ءَ گُشتگ آئی ءَ بی ایس او ءِ سر ءَ ایراد گرگ ءُ دزکش بیگ ءِ پژدر ءَ بی ایس او (چنگیز) ءِ بنجاھی پتر ءِ اگدودارانی نیمگ ءَ بیھار دیگ ءَ اَنت ءُ بازیں مشکلانی دیمپان اَنت-

ثناء آجو ءَ گوشتگ کہ گل ءِ تہ ءَ تخریب کاری ءِ سر ءَ یکشلیں ناوشیں بھتامی جنگ ءَ بنجاھی پتر ءِ سر ءَ ایراد گرگ بلے اشی ءِ سر ءَ من ءَ ھچ پسو نہ رس اِتگ ءُ بنجاھی پتر ءِ نیادانی درگت ءَ من لوٹگ نہ بیتگ اَنت-

آئی ءَ گُشتگ چریشاں پد پسہ ءِ نہ رسگ ءَ بنجاھی پتر ءُ بنکی باسکی ءِ دزکشی کرتگ چریشی ءَ اے دراھیں جیڑہ ءُ دزکشی ءَ باسکانی نیمگ ءَ من ءَ بیھار رس اِتگ اَنت واتر وتی دزبندی ءَ بہ زیر ءُ بے توار بیگ ءِ کڈن کنگ بیتگ اَنت بلے من بی ایس او ءِ واستا وتی گپ گل ءِ پتر ءَ کرتگ اَنت ءُ گوشتگ اَنت کونسلر لوٹائینگ بہ بنت گپ کنگ بہ بنت-

ثناء آجو ءَ گوشتگ کلانیں سنگت ءُ باسک دزکشی ءَ آئی ءَ لوگ ءَ داں سر بیتگ اَنت پد ءَ من ءَ بھتام اش جتگ کہ دگہ گلانی واستا تو کار ءَ ئے من اے دراھیں جیڑھانی گیشنگ ءُ سارتی ءَ نندگ ءُ ترانی بہ بیت اگاں من رھبند لگتمال کتگ اَنت گڑا رھبندانی رد ءَ من سزا دیگ بہ بنت ءُ راج ءِ دیم ءَ پھلی لوٹ آں بلے اے بھتام انگت ءَ راستی ءَ نہ بیتگ اَنت-

ثناء آجو ءَ گوشتگ اے وھد ءَ جتا جتائیں شگان ءُ بھتام جنگ بیتگ اَنت اے جیڑھانی سر ءَ گپ ءُ تران کنگ ءَ من ءَ بی ایس او (چنگیز) ءِ جونیئر جوائنٹ سیکرٹری ءِ نیمگ ءَ جانی تاوان دیگ ءِ بیھار رس اِتگ اَنت ءُ من بلوچ نودربر گلاں گوں دزبندی کن آں آ بی ایس او چنگیز ءَ اے جست ءِ پسو ءَ بہ لوٹ اَنت اشی ءِ راستی ءَ دیم ءَ بیار اَنت اگاں من ءَ کجام ھم رنگیں تاوانے بیت گڑا اشی ءِ زمہ وار ھمے مردم اَنت-

ثناء آجو ءَ گوشتگ کہ اگاں اژدری بیت گڑا من جونیئر جوائنٹ سیکرٹری ءِ نیمگ ءَ اتکگیں وائساں وتی سنگت ءُ مھلوک ءِ دیم ءَ شنگ کن آں دانکہ راج ءِ دیم ءَ پدر بہ بیت لھتے وتی جند ءِ لوٹانی پد ءَ نودربر سیاست ءَ گھینگ ءَ اَنت-

دی بلوچستان پوسٹ اھوال پتر ءَ سر بیتگیں ھالانی ردءَ گوستگیں شپ ءَ بلوچستان ءِ دمگ ژوب کلی شھاب زئی ءَ حاجی لالو نامئیں مردمے لوگ ءِ سر ءَ پاکستانی لشکریاں بیڑ بُرتگ۔

اھوالانی ردءَ بیڑ ءِ نیام ءَ لوگے مردم ءُ لشکریانی نیام ءَ دپ جاکی ءَ پد لشکریانی تیرگواری ءَ چار مردم بیران ءُ چار ٹپی بیتگ اَنت۔

ٹپی بیتگیں مردم پہ جانسلامتی شال ءَ برگ بیتگ اَنت وھدیکہ بیران ءُ ٹپی بیتگیں مردمانی کھول ءَ لاش شال دگ ءِ سرءَ ایر کُتگ ءُ زھرشانی بندات کُتگ۔ زھرشانی ءِ سوب ءَ ٹریف رپت آمد اوشت آماچ اِنت۔

کھول ءَ ژوب ءِ دھمکی واکدار، ڈپٹی کمشنر، اسسٹنٹ کمشنر ءَ چہ دزبندی کُتگ کہ کلی شھاب زئی وئیل ءِ سرءَ وتی باوری پسہ ءِ بہ دی اَنت کہ اے بیڑ کئے ءَ بُرتگ؟ پرچہ بُرتگ؟ بلے داں انگت ژوب ءِ دمگی واکدارانی ءُ لشکریانی نیمگ ءَ چہ ھچ پئیمیں پسہ دیگ نہ بیتگ۔

پیپلز پاٹی ءِ کلانیں رھشون رحمان ملک ھپتاد سال ءِ عمر ءَ بیران بیتگ، رحمان ملک کورونا ویروس ءِ آماچ بیتگ –

شنگ بیتگیں ھالانی رد ءَ رحمان ملک ءَ ساہ ءِ کشگ ءِ جنجال بیتگ گڑا آ دوبر اسلام آباد ےَ نجی ھسپتالے ءَ وینٹیلیٹر ءَ برگ بیتگ بلے آئی ءَ اود ءَ ساہ داتگ اَنت-

پیپلز پاٹی ءِ جارکش ءَ گوستگیں وفاقی وزیر ءِ بیرانی ءِ ھال راست کتگ ءُ گوشتگ کہ رحمان ملک لھتے وھداں کورونا وائرس ءِ آماچ بیتگ ءُ وینٹیلیٹر ءَ تھتیگ بیتگ –

ڈاکٹرانی گوشگ اِنت سینٹیر رحمان ملک ءِ پُپ کورونا وائرس ءَ آسرمند کتگ اَنت چریشی ءَ پد بیران بیتگ ءُ آئی ءِ میت لوگ ءَ برگ بیتگ –

کھول ءِ رد ءَ آئی ءِ نماز جنازہ ءُ کل کسارت ءِ بارو ءَ رند ءَ ھال شنگ کنگ بنت-

رحمان ملک ءَ کراچی یونیورسٹی ءَ پی ایچ ڈی کتگ ءُ رحمان ملک 2008 ءَ داں 2013 ءَ پیپلز پاٹی ءِ سرکار ءِ وھد ءَ وفاقی وزیر داخلہ بیتگ-

کاؤنٹر تیررزم ڈیپارٹمنٹ (سی ٹی ڈی) ءَ ٹاہ داتگ کہ بلوچستان ءِ دمگ ھرنائی ءَ یک بیڑے ءَ زیارت ریزیڈنسی ءِ اُرش ءَ ھواریں ءُ ریڈ بک ءَ ھواریں نامی ئیں سَے مردم دزگیر کتگ اَنت ءُ آیانی گور ءَ سلاہ دزکپتگ اَنت-

سی ٹی ڈی ءِ جارکش ءَ اے ٹاہ داتگ ءُ گوشتگ کہ بلوچستان ءِ دمگ ھرنائی ءِ ھند شاھرگ ءَ ھال سر بوتگ کہ ریڈ بک ءَ ھواریں زیارت ریزیڈنسی ءَ ھواریں اُرشکار بلوچ سلاہ بندیں گلاں سیادی داروکیں در مھمد پنام درو گوں ھمراھانی ھمراھی ءَ جاڑیگ بیگ ءِ ھال بیتگ چریشی ءِ پژدر ءَ بیڑ برتگ ءُ درمھمد گوں سَے ھمراھاں دزگیر کتگ –

آئی ءَ ٹاہ داتگ ءُ گوشتگ اے مردمانی گور ءَ دو ایس ایم جی، پنچ گرینیڈ، سَے سیر تراکناکیں شورو، پانزدہ میٹر پرائما کارڈ دزکپتگ اَنت –

سی ٹی ڈی ءِ جارکش ءَ گوشتگ کہ جرمکارانی ھلاپ ءَ تھانہ سی ٹی ڈی سبی ءَ ارزی نبشتہ کرتگ ءُ اشانی دگہ ھمراھانی گرگ ءِ واستا بیڑ برگ بنت-

اے گپ ءِ راستی داں انگت ءَ دمگ ءِ نیمگ ءَ کنگ نہ بیتگ ءُ نانکہ دگہ گیشیں اھوال بیتگ اَنت-

زانگ بہ بیت سی ٹی ڈی ءِ بیڑانی سر ءَ بلوچستان ءَ سیاسی پاٹی گیشتر ایراد گرگ ءُ زھر ءِ درشان ءَ کنگ ءَ اَنت کہ سی ٹی ڈی لس مھلوک ءَ گرگ ءُ آیاں کشگ ءُ دیم پہ دیمی میڑ ءِ نام ءَ دیگ اِنت ءُ آیانی گوشگ اِنت اشانی ھواری ءَ بیگواھیں مردم ھم سی ٹی ڈی ءِ پنچگانی ارجان اَنت-

وائس فار بلوچ مسنگ پرسنز، نیشنل ڈیموکریٹک پاٹی ءُ بلوچ یکجھتی کمیٹی ءِ نیمگ ءَ زورانسری آوارجنیانی بگیری ءَ توار چست کنگ ءِ سوب ءَ چئیرمین نصراللہ بلوچ ، ماما قدیر بلوچ ، نوابزادہ حاجی لشکری رئیسانی ، سیما بلوچ, بی این پی ءِ رھشون موسی بلوچ، غلام مری نیشنل پارٹی ءِ نصیراحمد شاہوانی، بی ایس او ءِ ڈاکٹر ثمرین، بالاچ قادر ءُ دگرانی نام ءَ واکدارانی نیمگ ءَ ارزی نبشتہ کنگ ءِ بگیری ءَ روانک ءُ زھرشانی کنگ بوتگ –

زھرشانی ءَ وائس فار بلوچ مسنگ پرسنز ءِ چیرمین نصراللہ بلوچ، لاپتہ فیاض بلوچ ءِ لوگبانک، ذاکر مجید ءِ مات، بیگواھیں رشید بلوچ ءُ آصف بلوچ ءِ گوھار سائرہ بلوچ، بیگواھیں کفایت اللہ ءِ لوگبانک، بیگواھیں نعمت اللہ ءِ برات، سیاسی رھشون رمضان ہزارہ، ریڈ ورکر فرنٹ ءِ کریم پرہار، بیبرگ بلوچ ، حوران بلوچ ، نیشنل ڈیموکریٹک پاٹی ءِ بنجاھی رھشون ثناء آزاد بلوچ ءَ ھوار دگہ مردماں وتی ھیال درشان اتگ انت –

زھرشانی ءَ ترانکارانی گوشگ ات کہ نوں سرکار بیگواھیں مردمانی ھاتر ءَ توار چست کنوکانی بگیری ءَ ارزی نبشتہ کنگ ءُ آھاں باگی گوشگ انت تانکہ بیگواھیں مردمانی ھاتر ءَ توار چست کنگ ءَ دارگ بہ بنت کہ پُرایمنیں توار ءَ ایرموش کنگ لوٹ انت کہ ھمینچو ایرجنگ بہ بیت کہ کم انت –

آھانی گوشگ ات کہ اے وڑیں ھُنر ءُ ھیلھاں آ چہ پُرایمنیں جھد ءَ دسکش نہ بنت – آھان بلوچستان ءِ سروزیر ءَ چہ لوٹ کتگ گوشتگ کہ اے ارزی ءِ درگت ءَ نوٹس بہ زور ایت کانودی وڑ ءُ ڈول ءَ اے ارزی ءَ ھلاس بہ کن اَنت –

ترانکارانی گوشگ ات کہ یکرندے پدا ورنایانی زورانسری آوار جنی ءِ تہ ءَ گیشی آرگ بوتگ کہ پدردی یے ھمے زوتاں پنجاہ ءَ گیش بلوچ ورنا زورانسری آوار جنگ ءُ بیگواہ کنگ بوتگ انت کہ آھانی تہ ءَ ابو دبئی ءَ حفیظ زھری، قائداعظم یونیورسٹی ایم فل ءِ نودربر حفیظ بلوچ، منگوچر ءَ اسکول ءِ ماسٹر کفایت اللہ لانگو، چہ پنجگور ءَ ملک میران ءَ ھوار دگہ بازیں مردمے زورانسری آوار جنگ ءُ بیگواہ کنگ بوتگ انت –

آھانی گوشگ ات وفاقی گورنمنٹ نیمگ ءَ جوڑ کنگ بوتگیں کمیشن ءَ ھم بیگواھیں مردمانی کھول ءَ بید تسلی ءَ دگہ ھچ دات کرت نہ کُرتگ، درسیں ادارہ اے گپ ءِ منوگر انت کہ اد ءَ بیگواھیں مردمانی جیڑہ سنگینیں جیڑھے بلے اشی ءَ ابید بیست بیست سالاں مردم آوار جنگ ءُ تھاریں کوٹیاں بندیگ کنگ بنت –

آھانی گوشگ ات کہ بیگواھیں مردمانی کھولاں وتی پنچ روچی پیداک بوتگیں زھگ دگانی سر ءَ گون انت پریات انت بلے بژن کہ ریاست ءَ ھوار ھچ کسی ءِ گوشاں مورے نہ وارت –

ترانکارانی گوشگ ات ھمے زوتاں پنجگور ءُ نوشکی ءِ اُرشاں پد آرمی چیف ءَ تاکت کارمرز کنگ ءِ پیشنکاری داتگ کہ پدردی گپے ما آرمی چیف ءَ گوں ارز کنیں کہ بلوچستان ءَ تاکت ءِ کارمرز کنگ ءَ پھریز بہ کن اَنت بلوچستان ھپتاد ءُ دو سال انت کہ تاکت کارمرز بوگ ءَ انت اشی ءَ ابید بلوچستان ءِ جاورھال روچ پہ روچ ھرابتر بوان انت – تاکت کارمرز ءَ بلوچستان ءِ مھلوک ءِ تہ ءَ نپرت گیش بوتگ کہ پہ بلوچستان ءُ ملک ءِ ھاتر ءَ جوان نہ انت بلوچستان ءِ جاورھالانی شر کنگ ءَ ھاکم ءُ ملکی ادارھاں زانتکاری ءَ گوں پیسلہ کنگی انت بلوچستان ءِ مردمانی احساس مھرومی ھلاس کنگی انت بیگواھیں مردم زوت ءَ زوت یل کنگ بہ بنت زورانسری آوار جنی ءِ گر ءُ دار ءَ گامگیج زورگی انت بلوچستان ءِ مردمانی کانود ءِ تہ ءَ ھکانی اھترام کنگی انت ءُ آھانی گوم ءَ ملک کانود ءِ رِد ءَ سلوک کنگی انت –

بلوچستان ءِ دمگ چاگی ءَ سھر ءُ آسن دراھگے جاہ سیندک ءَ کارکنوکیں چینی کمپنی ءِ نیمگ ءَ کرونا ایس او پیز ءِ نام ءَ دمگی مردمانی ترءُ تابءِ سر ءَ بندش جنگ ءُ سیندک ءَ دکان ءُ اسکولانی بند کنگ ءُ کارکنوکاں زندانیانی پیم ءَ بندیگ کنگے بگیری ءَ دمگی زالبولاں زھرشانی کتگ ءُدگانی سر ءَ در اتکگ انت، آھاں سیندک ءَ تفتان ءُ نوکنڈی ءَ رؤکیں دگ ءِ سر ءَ پولیس چیک پوسٹ ءِ نزیک ءَ ننداک جتگ ءُ دگ بند کُتگ- 

اے زھرشانی ءَ زالبولاں ھوار زھگ ھم ھوار بوتگ انت کہ آھاں کرونا ءِ نام ءَ دمگی مردم ءُ کارکنوکانی زندگی ءِ ازاب جوڑ کنوکیں چینی کمپنیایم آر ڈی ایل ءُ پاکستانی اپسرانی بگیری ءَ اوگام جتگ- 

زھرشانی کنوکاں بازیں ادار ءَ شاھدگے سر ءَ نندانک جتگ ءُ دگ بند کُتگ بلے پدا رند ءَ ٹکی رھشون سردار عطاالرحمن موسی زئی ءِ باورکنائینگ ءَ آھاں سَے روچ ءِ ھاتر ءَ وتی زھرشانی ھلاس کُتگ کہ آئی ءَ کول کتگ کہ چینی کمپنی ءِ واکدارانی دیم ءَ آھانی لوٹاں ایر کنت ءُگامگیج زوریت-

زھرشانی کنوکیں زالبولانی گوشگ ات کہ آھانی کارکنوکیں مردیناں شش ءَ بگر نُھ داں ماہ ءَ گِساں آھگ ءَ نیل اَنت وھدیکہ دمگی مردماں الاج ءِھاتر ءَ سیندک نادراھجاہ ءَ رؤگے اجازت ھم نیست- 

آھاں لوٹ کُتگ کہ چینی کمپنی اے ترندی ءُ زوراکیانی بگیری ءَ گامگیج زورگ بہ بیت-

بلوچستان ءِ دمگ ھزدار ءَ پاکستانی پوج ءَ یک مردمے دزگیر کنگ ءَ پد بیگواہ کرتگ-

بیگواہ کنگ بیتگیں مردم بیست فروری ءَ پوج ءَ نال بازار ءَ آوار جتگ کہ آئی ءِ پجار علی حیدر ء ساجو جھمنند کوچہ گریشہ ءِ نام ءَ زانگ بیتگ-

آوار جنگ بیتگیں مردم ءِ آوار جنی ءَ دو روچ سرجم بیتگ بلے تنی وھدی آئی ءِ بارو ءَ ھچ سرپدی نہ دیگ نہ بیتگ اَنت کہ آکجا اِنت ءُ چتور اِنت –

زانگ بہ بیت بلوچستان ءَ زورانسری آوار جنیانی تہ ءَ گیشی آیگ ءَ اِنت ءُ یکشل ءَ برجاہ اَنت ءُ دومی نیمگ ءَ وی بی ایم پی زورانسری آوارجنیانی ھلاپ ءَ یک دھکے ءَ زھرشانی کنان ءُ پیداک اِنت-