TBP Balochi

بلوچ اسٹوڈنٹس ایکشن کمیٹی ٹنڈوجام ھنکین ءِ نیمگ ءَ 21 فروری 2022 ءَ یک دیوانے برجم دارگ بوتگ کہ آئی ءِ سرھال “ماتی زبانانی میان استمانی روچ ءُ بلوچی، براھوئی زبان ءِ ارزِشت” اَت کہ آئی ءِ تہ ءَ بازیں نودربراں بھر زُرتگ۔ دیوان ءِ گِچینیں مھمان ءُ تْرانکار قاضی اخلاق احمد بیتگ، دیوان ءِ مڑاھداریں مھمان واجہ قاضی اخلاق احمد ءَ ماتی زبانانی میان استمانی روچ ءِ درگت ءَ گپ ءُ تْران کنان ءَ ماتی زبان ءِ ارزشت ءِ درگت ءَ ھم نودربران ءَ سرپدی داتگ۔ گُڈسر ءَ آئی ءَ بلوچ اسٹوڈنٹس ایکشن کمیٹی ٹنڈوجام ھنکین ءِ سنگتانی منتواری گپت۔

ایشی ءَ ابید بلوچ اسٹوڈنٹس ایکشن کمیٹی ٹنڈوجام ھنکین ءِ ساری ئیں کارمستر زبیر گلام ءَ ماتی زبانانی میان استمانی روچ ءِ درگت ءَ وتی بلوچی نبشتانکے ءُ انوگیں کمک کارمستر عرفان بلوچ ءَ براھوی نبشتانکے ونت۔

گُڈسر ءَ بلوچ اسٹوڈنٹس ایکشن کمیٹی ٹنڈوجام ھنکین ءِ کارمستر اللہ داد بلوچ ءَ وتی ھیال درشان کت اَنت ءُ آھوکیں غ مھمان ءُ سنگتانی منتواری ئِے گِپت اَنت۔

بلوچ اسٹوڈنٹس ایکش کمیٹی ءَ بلوچستان ءِ بازیں جاھاں ماتی زبان ءِ روچ ءِ درگت ءَ نیاد برجم داشتگ کہ چریشی ءَ نودربراں بازیں کچے ءَ اے مراگشاں بھر زرتگ –

بلوچ اسٹوڈنٹس ایکشن کمیٹی ءَ وتی شنگ کرتگیں درشانی ءِ تہ ءَ گوشتگ ماتی زبان ءِ درگت ءَ بلوچ اسٹوڈنٹس ایکشن کمیٹی ءَ ڈیرہ غازی خان ھنکین، کوئٹہ ھنکین ، حب چوکی ھنکین، تربت ھنکین، بارکھان ھنکین، خضدار ھنکین، نال ھنکین، حیدرآباد ھنکین، ٹنڈوجام ھنکین ءِ نیمگ ءَ چہ ماتی زبانانی میان اُستمانی روچ ءِ درگت ءَ دیوان ءُ مراگش ءِ اڈ دیگ بیتگ اَنت ءُ اے دیواناں نودربرانی مزنیں کساسے ءَ بھر زورتگ۔

ھالانی رِد ءَ لاش پجّار ءِ ھاتر ءَ چھیپا ایمبولینس سرءَ نادُراھجاہ ءَ برگ بیتگ، تنی وھدے کوش ءِ سوب زانگ نہ بوتگ-

زانگ بہ بیت کہ گوستگیں روچاں شال ءِ دمگ سبزی دگ ءَ نورزئی چوک ءِ نزیک ءَ یک کسانیں جنکوے ءِ لاشے دستکپتگ اَت-

بلوچستان ءَ لاش ھمکروچ دزکپگ اَنت گوستگیں روچ ءَ ایدھی واکدارانی نیمگ ءَ چہ شھراں دستکپتگیں شش بے کسیں لاش دشت مانشجاہ ءَکل ءُ کسارت کتگ اَنت-

بلوچستان ءَ اے وڑیں بازیں لاش دست کپ اَنت کہ بچّارگ نہ بنت بلے آھاں ڈی این اے ٹیسٹ ءَ گوں پجّار کنگ ءَ ابید بے کسی ءَ کل ءُ کسارت کناَنت ءُ ھمے گمان بیت آ بیگواھیں مردم اَنت-

چیزے سال ءَ ساری خضدار ءِ توتک ءَ یکجاھی مانشے درتکگ اَت کہ آیانی تہ ءَ بیگواہ مردمانی لاش بوتگ اَنت وھدے کہ اشی ءَ اَبید پنجگورڈیرہ بگٹی ءُ بلوچستان جتائیں دمگاں وھد وھد سر ءَ اے وڑیں یکجاھی مانشانی تہ ءَ لاش دست کپتگ اَنت-

نیشنل ڈیموکریٹک پاٹی ءِ بنجاھی جارکش ءَ ماتی زبانانی میان اُستمانی روچ ءِ درگت ءَ شنگ کرتگیں درشانی ءَ گوشتگ زبان انسان ءِ بنچک ءَ بہ گر داں آئی ءِ زرکاری ءُ شناسکاری ءَ ھوار دراھیں تکاں گوں دیمروئی ءِ مانزمان اِنت، زبان اِنت کجام راج ءِ دود ءُ ربیدگانی زندگ کنگ ءُ راجدپتر ءَ جوانیں رنگے ءَ گندگ بیت اِنت – زبان راجانی بنکی زندگء ءُ پکرانی بنھشت ایرکنوک اِنت –

جارکش ءَ گوشتگ کہ اے روچ ءِ راجدپتر ءَ اگاں چمشانک بہ دے ایں گڑا بنگالی گپ جنوک آ وھد ءَ پاکستان ءَ گیشتر بیتگ اَنت بلے اشی ءَ ابید ھم آ ڈالچار کنگ بیتگ اَنت آیانی سر ءَ اردو مشگ بیتگ ءُ چریشی ءِ پژدر ءَ بنگالیاں زھرشانی کتگ بلے ریاست ءَ نوآبادیاتی ءِ پالیسیانی زور ءَ بنگالیانی راج ءِ لوٹ ڈالچار کتگ ءُ چریشی ءِ سر ءَ بنگالی لاچار بیتگ ءُ زبان ءِ ھاتر ءَ زھرشانی اش کرتگ چریشی ءَ ھستیں پاکستان ءَ آیاں لسانی بنکی ءِ بگز ءِ نشانگ کتگ اَنت – ھمے واستا بیست ءُ یک فروری نوزدہ سد ءُ پنجاہ ءُ شش ءَ گوستگیں رودراتکی پاکستان، بنگلہ دیشی ورنائیں نودربر وتی ماتی زبان ءِ ڈالچار کنگ ءِ پژدر ءَ زھرشانی اش کتگ ءُ بنگالی نودربرانی سر ءَ تیرگواری ءِ وھد ءَ پنچ بنگالی نودربر وتی زبان ءِ رکینگ ءِ ھاتر ءَ ابید وتی زندگی ءَ زبھر کنگ بیتگ اَنت ءُ جھان ءَ نمیران بیتگ اَنت چریشی ءِ سبب ءَ میان اُستمان ءَ بیست ءُ یک فروری ءِ ھمک سال زبان ءِ میان اُستمان ءِ دارگ ءِ جار جتگ –

جارکش ءَ گوشتگ اے رنگ ءَ مروچی بلوچ راج بازیں تھی ءُ ڈنی زوراکانی دیمپان اَنت اشی ءِ ھواری ءَ ریاست زوراکی ءُ نوک آبادی ءِ پالیسی ءِ درچ ءَ بلوچ راج ءَ زبان ءِ نام ءَ بھر ءُ بانگ کنگ ءِ جتا جتائیں پندلاں سازگ ءَ اِنت – چُشکہ بلوچ راج ءُ گیشتر بلوچ ورنایانی زمہ واری بیت اِنت اے زورگرانی دیم ءَ مھکمیں کوہ ءَ مِک بہ بنت ءُ درانیں نوک آبادیاتی پالیسیاں بے سوب بہ کن اَنت بلوچ راج ءَ وتی راج زیردستی ءُ وتی پجار ءِ رکینگ لوٹ ایت وھدیکہ راجانی زبان گار بیت اِنت گڑا آ راجی بنزہ، راجی ھستی ءُ راجی پکر ءُ لیکہ گار بنت-

لبزانکی تاک اوتاک مکران نیمگ ءَ بلوچی زبان مزن نامیں شائر ادیب منیر مومن ءِ پنچمی کتاب ءِ شنگ کنگ ءِ جار پرینگ بوتگ کہ ھمے زوتاں وانوکاں سر بیت –

اوتاک مکران ءَ وتی افیشئیل فیس بُک پیج ءِ تہ ءَ شنگ کرتگیں جار ءِ تہ ءَ گوشتگ کہ ھمے زوتاں منیر مومن ءِ نوکتریں کتاب “تئی ھیال ءِ کدرتانی میتگ ءَ” ھمے زوتاں چہ اوتاک مکران ءِ نیمگ ءَ شنگ تالان کنگ بیت اِنت –

زانگ بہ بیت بلوچی زبان ءِ نامداریں شائر منیر مومن ءِ اے دھمی کتاب انت منیر مومن بلوچی شائری ءِ پڑ ءَ مزن نامیں شائرانی لڑ ءَ ھوار انت چریشی ءَ پیش آئی کتاب استال شپاد ءَ گرد انت ، پاس جنان انت دروازگ ، یک بچیلے آزمان ، نگاہ باتن ءِ سپر ، زندگی ءَرا ھلک نام نیست – گیدی ءُ ساچشت “ردانک” لیلان آزمانک ، کنگ بیتگ اَنت-

پیاپیں لچھے پہ تو ءَ ھوار ھپت رملچہ شنگ ءُ تالان بیتگ اَنت منیر مومن شائری ءِ پڑ ءَ بلوچستان ءَ یک مزن نامیں شائرانی تہ ءَ یکے زانگ بیت اِنت کہ آئی ءِ تہ ءَ دگہ شائر گیش دلگوش اَنت ءُ آئی ءِ شائری ءِ سر ءَ بازیں ندکاراں منیر مومن اے اھد ءِ جوانتر ءِ لیک اِتگ –

مروچی 21 فروری ءَ بلوچ اسٹوڈنس ایجوکیشنل آرگنائیزیشن ءِ نیمگ ءَ چہ ماتی زبانانی میان اُستمانی روچ ءِ درگت ءَ سیمینار ءِ اڈ دیگ بوتگ-

سیمینار سَے بھر ءِ تہ ءَ بیتگ ءُ ماتی زبان ءِ میان اُستمانی روچ ءِ درگت ءَ گپ ءُ تران بیتگ اَنت-

دیوان ءِ اولی بھر عطا شاد ءِ نام ءَ بیتگ کہ اے بھر ءِ تہ ءَ بھر زیروکیں مردماں عطا ءِ دستونک پہ دُھن دیوان ءَ ندر کتگ انت ءُ دگہ دو بھر زیروکاں کہ آھاں وتی عطا ءِ سر ءَ نبشتگیں نبشتانک ونتگ انت-

دومی بھر مشائرہ اَت کہ اے بھر زیشان گلاب ءِ کوپگ ءَ ات اے بھر ءِ تہ ءَ شھدربرجاہ ءِ وانوکیں نودربریں شائراں وتی شئیر ونتگ انت-

سیمی بھر پینل ڈسکیشن ات کہ ھمے بھر زبان ءِ سر ءَ اَت اے بھر ءِ سرھال “ زبان ءُ زبان ءِ جیڑہ “ ات کہ اے دیوان ءَ ما وتی زبان زانت ءُ زبان ءِ پٹ ءُ پول کار ءُ شائر داوت کتگ ات انت اے دیوان ما سیمن زیب ءِ کوپگ ءَ بیتگ کہ اے زبان زانتی ءِ دیوان ءَ تو بہ سمبال ءُ اے دیوان ءِ اولی مھمان بلوچی زبان ءِ نبشتہ کار واجہ ڈاکٹر رمضان بامری ات دومی مھمان بلوچی زبان زانت ءُ پٹ ءُ پول کار واجہ ملا غلام رسول کلمتی ات ءُ سیمی مھمان بلوچی ءُ اردو زبان ءِ شائر واجہ سانی سید ات-

سمین زیب ءَ چہ مھماناں زبان ءُ زبان ءِ جیڑھانی سر ءَ جتا جتائیں جست کرت انت ءُ چہ جستانی ھلاسی ءَ پد دیوان ءِ منتواری گپ ءُ سیمینار ءِ ھلاسی ءِ جار جت-

بلوچ نودبر گل آزات ءِ بنجاھی جارکش ءَ رسانکدراں ماتی زبانانی میان استمانی روچ ءِ درگت ءَ وتی درشان ءِ تہ ءَ گُشتگ کہ تا ھما وھد کہ یک راجے وتی زبان ءَ پھاز ات کت مہ کنت، گڑا بزانکہ آ وتی راجی پجار ءَ رکینت کت نہ کنت-

جارکش ءَ گوشتگ کہ پہ ایردستیں راجاں وتی زبانءِ رکینگ گیشتر اژدری اِنت، پرچاکہ کہ زورآور مدام ایردستانی زبانانی گار ءُ گمسار کنگ ءِ جہد ءَ کنت – اَنچو کہ پاکستان ءَ بنگلادیش ءَ گوں بنگلالی زبان ءَ کُتگ، مروچی ھمے پیم پاکستان گوں بلوچ ءِ زباناں کنگ ءَ اِنت- بلئے بنگالی آں ءَ اے سما بوتگ کہ وتی راجی زبان ءِ پہازگ چینکس اژدری اِنت ءُ زبان ءِ واستا جھد ءَ آھاں راجی آجوئی ءِ جہد ءِ سما داتگ ءُ مروچی آیاں وتی زبانءَ ھوار وتی راجی پجار ھم رکینتگ ءُ یک آزاتیں استانےءِ بستار ءَ دنیا ءِ تہءَ زندگ انت-

جارکش ءَ دیمتر ءَ گُشتگ کہ یک نیمگے بلوچ راج ءِ مردماں زورآوریں لشکر آوار جنگ ءُ بیگواہ کنگ ءَ اِنت ءُ دومی نیمگ ءَ بلوچ راجی پجار ءِ ھلاس کنگ ءِ ھاتر ءَ اردو ءُ ایندگہ زوراکیں استانانی زباناں مارا وانینگ ءَ اِنت۔

آئی ءَ گوشتگ کہ یک بلوچ زھگے ءَ بلوچ ءِ زبانانی بدل ءَ وانگجاہانی تہ ءَ اردو ءُ چائینز وانینگ بیت، اے پالیسی استان ءَ ھمے واستا جوڑ کُتگ کہ بلوچ وتی زبان ءُ پجار ءَ گار بہ کن انت – چوشکہ بلوچی کتابانی سرا بندش جنگ ھم ھمے پالیسی ءِ بھرے – وتی ماتی زبان بلوچی، براہوئی ءُ ایدگہ زبان آنی رکینگ بلوچ راجی آجوئی ءِ جہد ءِ بھر اِنت، ما پہ وتی زبان ءِ رکینگ ءِ ھاترا وتی جھد ءَ گیش ءَ چہ گیش بکن ایں-

بی ایس او آزاد بنجاھی جارکش ءَ وتی درشان ءِ گڈسر ءَ ھمے گوشتگ کہ بلوچ ورنا اے پڑ ءَ وتی جھدءَ گیش ءَ چہ گیش بکن اَنت ءُ وتی زباناں نبشتہ کنگ ءُ گپ کنگ ءِ جھد ءَ بکن اَنت – اے یک تچکیں راستی یے کہ تاں وھد ءَ ما ایر دستیں مئے ماتی زبان مدام ھترہ ءِ تہ ءَ بنت پمیشکہ مارا لوٹیت کہ آجوئی ءِ جھدءَ ھوار وتی ماتی زبانانی رکینگ ءِ جہد ءَ ھم گیش بکن ایں –

کراچی پریس کلب ءِ دیم ءَ بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی برجاہ، زھرشانی ءَ مروچی چار ھزار ءُ پنچسد ءُ نود ءُ ھشت روچ سرجم بوتگ –

مروچی کریس کلب ءِ دیم ءَ زھرشانی بنجل ھمک روچ ءِ داب ءَ برجاہ بوتگ، کہ ماما قدیر بلوچ ءِ ساڑی نہ بوھگے سوب ءَ وائس فار بلوچ مسنگپرسنز ءِ جنرل سیکرٹری سمی دین بلوچ ءَ زھرشانی ءِ مستری کُتگ ءُ ھرتک ءُ پھناتاں سیادی داروکیں مردماں بنجل ءَ اتکگ ءُ بیگواھیں مردمانیکھول ءِ گوم ءَ دلپدری درشانتگ – 

ھمے وھد ءَ سمی دین بلوچ ءَ گوشتگ کہ بلوچستان ءِ جتا جتائیں ھند ءُ دمگاں ھوار پاکستان ءِ دگہ شھراں نودربر زورانسری آوار جنگ ءُ بیگواہکنگ بوھگ ءَ انت کہ ءُ اے بیگواھیانی تہءَ روچ پہ روچ گیشی آھگ ءَ اِنت، ملک ءِ بازیں وانگجاھاں نودربر تُرس آماچ انت ءُ وانگ ءِ برجاہ داشتگ- 

آئی ءَ گوشتگ کہ مروچی سرجمیں دنیاء ءَ ماتی زبانانی روچ دارگ بوھگ ءَ اِنت گڈا من بلوچ راج ءَ گوشگ لوٹاں کہ وتی راجی ھستی ءَ رکینگ ءِدرگت ءَ بہ جیڑ اِت، اگاں راج مہ مانیت گڈا زبان ھم نہ مانیت، گڈا بیا اِت ھزاراں بیگواھیں مردمانی یل کنائینگے  ھاتر ءَ توار چِست کنیں، اےدرگت ءَ باند ءَ وائس فار بلوچ مسنگ پرسنز، بلوچ یکجھتی کمیٹی ءُ نیشنل ڈیموکریٹک پاٹی ءِ نیمگ ءَ شال ءَ ھواریں زھرشانی ءِ بوھگ ءَ اِنت کہاشی ءِ تہ ءَ ھوار بہ بئیت –

آجوئی لوٹوکیں سلاہ بندیں گل یونائیٹڈ بلوچ آرمی ءِ جارکش مزار بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ گوستگیں روچ ءِ دہ ءُ پانزدہ زورگیریں پوج ءَ بمبور ءُ چپ چاگرداں لشکر کشی بندات کتگ کہ انگت برجاہ انت ، وھدیکہ لشکر کشی ءَ تنی وھدی زورگیریں دژمن ءَ تاوانانی دیمپانی کنگ کپتگ –

جارکش ءَ گوشتگ گوستگیں روچ ءَ زورگیریں دژمن ءَ بمبور ءَ مزنیں کچ ءَ زمینی پوج ءُ بالگردانی کمک ءَ مئے گل ءِ اوتاگ ءِ انگیر کنگے کوشست کتگ مئے سرمچاراں جوانیں جنگی رپک ءُ ھنراں دژمن پوج ءِ انگیر پُروشتگ ءُ اشی ءِ ھمراھی ءَ زورگیریں پوج ءِ ایس ایس جی کمانڈو حیدر عباس نامی اپسر ءَ ھوار پنچ کارمند کُشتگ ءُ مئے سرمچار وش ءُ سلامتی وتی اوتاگاں سر بوتگ انت –

جارکش ءَ گوشتگ کہ اے دمگاں تنی وھدی زورگیریں پوج ساڈی انت کہ آھاں برزی کمک ھم گون انت دمگی اھوالکاری دامگ بند کنگ بوتگ انت زورگیریں پوج ءِ اے لشکر کشی ءِ گیشتریں اھوال رندتر شنگ کنگ بنت –

پیشن ءَ سلاہ بندیں مردمانی تیرگواری ءَ یک مردمے بیران –

سر بیتگیں ھالانی رد ءَ روکپتی بلوچستان ءِ دمگ پیشن ءَ ناشناسیں مردمانی تیرگواری ءَ یک مردمے بیران بیتگ –

گیشیں ھالانی رد ءَ پیشن ءَ پژو گاڑی ءَ سواریں مردماں تیرگواری کرتگ ءُ وارس ء عبدالواحد جھمنند پیشن لکسر بیران بیتگ-

وئیل ءَ پد بیران بیتگیں مردم ءِ لاش چست کنگ ءُ ھسپتال ءَ سر کنگ بیتگ ءُ وئیل ءِ سبب زانگ نہ بیتگ –

سربوتگیں ھالانی رِد ءَ بلوچستان ءِ دمگ کردگاپ ءَ ناشناسیں مردماں دو کسانسالیں زھگ کُشتگ انت ءُ آھانی مال دلوت دُزّ اِتگ ءُ تتکگ انت- کُشگ بوتگیں زھگانی پجار ھپت سالی اسرار ءُ دہ سالیگیں بی بی آمنہ ء عبدالرؤف ءِ ناماں چہ بوتگ اَنت-

اھوالکار ءِ رِد ءَ ھردوکیں برات ءُ گھار گوستگیں روچ ءَ وتی مال دلوتانی چارینگ ءَ شُتگ بوتگ اَنت کہ ھمانگو بیگواہ بوتگ اَنت، مردم آھانیشوھاز ءَ درکپتگ اَنت کہ مروچی سھب ءَ آھانی جون دست کپتگ اَنت-

ھال سربوھگ ءَ دمگی واکداراں وت ءَ وئیل جاہ ءَ سر کُتگ ءُ گونڈوانی جون نادراھجاہ ءَ سر کُتگ اَنت- دومی نیمگ ءَ لیوز فورس ءَ کچھی ءِ دمگڈھاڈر ءَ پٹ پول کُتگ ءُ کسانسالیں زھگانی کوش ءَ ھواریں دو رستریں کُشندہ دزگیر کُتگ اَنت- کُشندہ مستونگ ءَ دیم دئیگ بوھگ ءَ اَنت۔