بلوچستان ءِ دمگ کیچ ءَ چہ یک مردمے پاکستانی لشکریاں دزگیر کنگ ءَ پد بیگواہ کتگ۔
اھوالانی ردءَ پاکستانی لشکریاں کیچ دمگ ءِ کولواہ ھنکین ءِ سگک بازار ءَ چہ گوستگیں شپ ءَ نوربخش ء بھرام نامی مردمے دزگیر کنگ ءَ پدبیگواہ کُتگ۔
بلوچستان ءَ زورانسری بیگواھیانی وئیل یکشلی ءَ گوں دیما پیداک اَنت بیست چار ادارانی تہءَ اے زورانسری بیگواھی ءِ دومی وئیل اِنت چریشی ءَپیسر خاران ءَ ھم یک مردمے آوارجنی ءَ پد بیگواہ کنگ بیتگ اَت۔
آزمانک: شررنگ مھروانیں جنکے
آزمانکار: کادر ھسرت
دی بلوچستان پوسٹ
دوشی شپ ءِ نیم ءَ شررنگ ءِ ترانگاں من ءٙ گور جت ءُ چہ من واب ءَ پاد آتک آں، وتی لوگ ءِ دروازگ پچ کت ءُ دپ ءَ نشت آں۔ چم آزمان ءَ شانک دات اَنت ءُ ماہ ءِ چارگ ءَ لگ اِت آں کہ بے کساس ماھکانی اَت۔ منی گمان ءَ شررنگ ماہ ءِ تہ ءَ زاھر اَت! من ءَ گْوشگ ءَ اَت “بچار ماہ ءِ ماھکانی چنچو ڈولدار اِنت گند ئے من اَنی تئی کِر ءٙ بہ بوتین آں” پد ءَ من ءُ تو دوئیں یکجاہ نشتگ ات ایں، ماہ ءِ ندارہ چار اِتگ اٙت ءُ اے وشیں شپ پہ نند ءُ نیاد ءُ پہ گپ ءُ تران سھب کتگ اَت بَلے من ءَ چوشیں بھت کج اِنت کہ ما ءُ تو یکجاہ بہ بہ ایں مئیگ ءُ تئی گستائی ءَ پُریں سالے گْوستگ کہ من تئی جِند نہ دیستگ من ءَ اے گپ باور بوگ ءَ نہ اَت کہ تئی وڑیں مھروانیں بچکے پہ من ھدوک انت ءُ بے کساس مھروان انت ءُ مھر دیگ ءَ انت، من ءُ تو اولی رند ءَ کوہ ءِ مراد ءِ زیارت ءَ دُچار کپت ایں۔ تئی گندگ ءَ پد من چہ دگنیا ءِ دْراھیں رنگ ءُ دْروشماں پراموش بوت آں بس تئی رنگ ءُ دروشم اَت منی دل ءِ ھیال ءِ تہ ءَ اَت بلے منی مھر ھما پیم اَنت ھردیں تئی داتگیں مندریک ءَ چار آں گُڑا منی دیم ءَ تو زاھر بہ ئے۔ پد ءَ دگہ گپے ھم ھست من ھردینکہ چہ وتی دزگْوھاراں جست گر آں کہ زاناں شُما منی پُلو نہ دیستگ باریں چون اِنت ءُ کجام رنگ ءَ اِنت؟ آ ھمے گپ ءَ گْوش اَنت کہ “تئی پُلو تئی گماں سک رنجینتگ ساھتے ھم نہ کند ایت مُدام بچار ئِے ملور اِنت گپ ءُ ترانی نہ اِنت-
منی دزگْوھار برے برے اے گپ ءَ ھم جَن اَنت تو چہ تہ ءَ پرشتگ ئے بس منی دل ءِ وش کنگ ءِ ھاتر ءَ تو اے دْروگیں کندگاں دپ ءَ کار ئے ءُ دل ءِ راز چیر داتگ اَنت وت ءَ ایوک کتگ کسی دیوان ءَ نہ نند ئے اے وڑ ھم وت ءَ مہ رنجین کہ تئی گم پد ءَ من ءَ بہ رنجین اَنت من ءُ تو چہ دوستی کنگ ءَ پیسر کوہ ءِ مراد ءِ زیارت ءَ ھمے کَول کتگ اَت کہ ما اگاں گستا کنگ بِہ بَہ ایں نہ گریو ایں بس ھدا ءِ در ءَ دوا کن ایں کہ پد ءَ ھور بہ بہ ایں گستائی ءِ آس ءَ تھنا تئی بالاد نہ رنجینتگ منی بالاد ءَ ھم آس لگ اِتگ ءُ من وت ھیران آں تئی گستائی ءَ من چتور سگگ ءَ آں من ءَ ھمے گمان بوگ ءَ اِنت من زندگ ءَ مانش ءِ تہ ءَ آں ھمک شپ تئی یات ءُ مولم من ءَ زندگ کن اَنت ءُ کش اَنت تئی گم منی دل ءِ تہ ءَ ردگ ءَ اَنت ءُ اھدی مردماں گْوشتگ کہ سر گوں سنگ ءَ میڑینگ نہ بیت بَلے من تئی ھاتر ءَ سر ھم گوں سنگ ءَ میڑینتگ من زان آں تو ھمے جیڑ اِتگ کہ شررنگ ءٙ من ءٙ بے ھیال کتگ بلے چوش نہ انت۔
اے دوستی یے نہ اِنت کہ من ترا نیم راہ ءٙ یل بہ دے آں من چہ بلوچی دوداں بندیگ بوتگ آں ءُ پورائیں سالے گْوستگ من ءُ تو ھال ءُ اھوال نہ کتگ بلے نوں من ءٙ سبر ءُ اوپار نہ بیت کہ اگاں من چہ تو گسر بہ باں گُڑا من مر آں۔ ترا بلکیں یات بیت تو منی ملگ ءٙ آتک ئے من تئی دست چُک اِت اٙنت پد ءٙ من ھمے زبان کت کہ ھرچ وڑیں سکی بئیت اِنت تئی شررنگ چہ تو جتا نہ بیت۔ من انگت وتی زُبان ءِ سر ءٙ اوشتاتگ آں، من چو ھم زان آں کہ تو پہ من ءُ بس پہ من انتزار ءٙ ئے اے گپ ءَ من شر سرپد آں کہ تئئ مھر پہ من دائمی اَنت۔ وھدے کہ من شررنگ ءِ گپ اِشکت اٙنت ارس جیگ ءِ سر ءَ ایر ریچ بوت اَنت ءُ زبان گُنگ بوت ساہ ڈکگ ءَ لگ اِت۔ پد ءَ لوگ ءَ پتر اِت آں کمبل پِر دات لیٹ کُشت وپت آں۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
نبشتانک: نبشتہ رھبند چے یے؟
نبشتہ کار: پاتما بلوچ
دی بلوچستان پوسٹ
نبشتاری بنی آدمی رھوت ءِ ھما آسراتی اِنت کہ چہ آئی ءَ بنی آدم ءِ زُبان ندکاری ءُ آبینکداری دْروشم ءَ سر بوگ ءَ انت۔ بزاں اود ءَ تو وتی کلوہ ءُ پیگامے تواربند ءُ گپتاری ءَ سر کُت نہ کن ئے بلکیں زُبان ءَ ماں یک سیاھگی دْروشم ءَ کارمرز کن ئے۔ دُنیا ءِ تہ ءَ تھنا ھما زُبان ءَ دیمروئی کُت وھدے کہ آ زِندگیں راجاں وتی راجی زُباناں یک تچکیں سْیاھگ ءُ نبشتہ رھبندے تیار کُت چے ءَ کہ چہ وانگ ءُ نبیسّگ ءَ زُبان ءِ ھر گالوار دیمروئی کن اَنت، زُبان ءِ ھر گالوار ءِ زگریں گال چہ گار ءُ بیگواھی ءَ پھریزگ بنت۔ ھما زِندگیں راجانی زُبان کہ ماں وانگجاھاں وانگ بنت، ھما زُباناں کہ گیشتر کتاب چاپ بنت تھنا ھما زُبان دیمروئی کن اَنت۔ گِند ئے گُلام ءُ ایردستیں راجانی زُبان لگتمالی ءِ آماچ بنت۔ گلامیں راج ءِ زھگاں زورگِر ءِ زُبان وانینگ بیت، راج وتی جِند ءِ راجی زُبان ءَ ڈالچار کنان ءَ مجگی گلامے جوڑ بیت۔ راج ءِ تہ ءَ وڑ وڑیں بکڑ ودی بنت، یک نیمگے ءَ گلامیں راج ءِ زُبان ءِ زگری گار بوُان بیت ءُ دومی نیمگ ءَ ھر کس وتی شاھگانے زُبان ءِ جاہ ءَ وتی دمگی گالوار ءَ دوست داران ءَ شاھگان زُبان ءَ کسان پھم ایت۔ راج ءِ بلاھیں وانِندگ ءُ شھزانت ھم رَد کپ اَنت کہ ماں دمگی گالواراں زُبان ءِ بھر ءُ بانگ کنگ یک راجی تاوانے کہ ما وتی زُبان ءَ وت کسان کنگ ءَ ایں۔ چوناھا ھر کس ءَ ھَک ھست کہ وتی دمگی گالوار ءَ گپ بہ بنت بلے زُبان ءِ نبشتہ گوں بُنتواریں آب ءُ بُنتواریں گالاں نبیسّگ بیت۔ انچوشکہ دُنیا ءِ تہ ءَ بیست ءُ ھشت اَرب مُلک اَنت ءُ اربی زُبان ءِ چِل گالوار اَنت۔ توری کویت، کتر، یمن ءُ مِسر ءِ اَربے بہ بیت یا توری اُردن، لیبنان، سھودی، امارات ءُ اُمان ءِ اَربے بہ بیت ھر اَرب ءَ ھک ھست کہ وتی ابرمی گالوار ءِ رِد ءَ گپ بہ کنت بلے اَربی نبشتاری ماں یکیں بُنتواریں آب ءُ گالاں نبیسّگ بیت چے ءَ کہ زُبان ءِ لبزانک ءُ نبشتہ ھر گالوار ءِ دیمروی اِنت۔
بلے بژن انت کہ بلوچ راج ءِ تہ ءَ اے وڑیں سرپدی نیست، راج ءِ نودربر وتی راجی زُبان ءِ درونتاں نہ وان اَنت پمیشکا راست نبیسّگ ءَ کس زبر نہ انت۔ چمیشکا ھر کس وتی ھساب ءَ یکشل ءَ رَد نبیسّگ ءَ انت۔ اگاں تو کسے ءَ سرپدی دیگ ءِ جُھد بہ کن ئے کارمریڈ تو رَد نبیسّگ ءَ ئے گُڑا ترا ھبکّھیں پسّوے رس ایت کہ تو ھیران بَہ ئے گْوش اَنت “من وتی ھارانی بلوچی ءَ نبیسّگ ءَ آں” یا گْوش اَنت “اے پنجگوری بلوچی اِنت”
نی بلوچی چہ وتی سے ئیں مستریں گالوار رکشانی، سلیمانی ءُ مکرانی ءَ درکپت ءُ دمگی گالواراں بھر ءُ بانگ بوتگ؟ زاناں نی پنجگوری، تربتی، ڈیرہ بگٹی، کوھلو، ڈیرہ گازی ھان، کشمور، جیکب آباد، سبی، بولان چاگی، نوشکے، ھزدار، پسنی، گھ، سراوان، سرباز، زابل، چھبار، دزاپ ءُ شال ءِ بلوچ ھر کسے وتی دمگ ءِ ھساب ءَ بلوچی ءَ نبیس ایت ءُ راجی زبان ءَ بھر ءُ بانگ، ونڈ ءُ چُنڈ کنت؟ زاناں راج ءِ تہ ءَ راجی زبان ءِ بارہ ءَ ھچ سرپدی نیست ءُ ایشی ءَ بستار نیست اِنت؟
چوناھیگا بلوچ انچیں وتواھیں راجے کہ ما ھرکسے ھمے لوٹ ایں کہ ماں راجی زبان ءِ نبشتہ راھبند ءَ منی گالوار ءِ تام ءُ بو گیشتر بہ بیت بزاں ما ھر یکے ھمے واھشت کن ایں کہ ھما توارکش چہ منی دپ ءَ در بئیت ھما داب ءَ نبیسگ بہ بیت ءُ دگراں من ءَ ھچ کار نیست۔ من گوں بژن ءُ تکانسری ءَ گْوش آں کہ اے انچیں ناسرپد ءُ نابودیں راجے کہ اے ھم پوھی اش نیست کہ جھان ءِ ھرچ زبان ءِ نبشتہ کاری چَہ گالوار ءُ گپتاری ءَ دگریں چیزے پمیشکا ھچ زبان ءَ اے ڈول نہ بیت کہ ھرچ گالواری توارکش ءِ رد ءَ زبانانی نبشتہ راھبند منگ ءُ کارمرز بہ بہ اَنت بلکیں نبشتہ کاری یک نیامگی دگ ءُ توجیلے کہ چر ایشی ءَ شاھگانیں زبانے ءَ ھرچ گالوار ءِ کْوھن، زگر ءُ بنتواریں گال ماں یکیں سْیاھگ ءَ کارمرز بہ اَنت ءُ ھمے نبشتہ کاری زبان ءِ تیوگیں گالوارانی کْوھن ءُ زگریں گالاں گار ءُ بیگواہ کنگ نئیل ایت ءُ ماں نبشتہ کاری ءَ سائنسی پِڑ ءِ نوک آتکگیں چیزاں نام دیگ ءَ ھم کمک کنت پمیشکا گیدی ءِ زبان زانت گْوش اَنت : وھدے کہ راجے وتی زبان ءَ ماں یکیں نبشتہ راھبند ءَ نبیس ایت گڑا زبان ءِ نبشتہ کاری دیمروئی کنت ءُ آئی ءِ پجیگ ءَ زبان ءِ ھرچ گالوار ھم دیمروئی کنت۔
نبشتہ کاری گالوار ءُ گپتار ءِ گْوشتگیں ھما گپ ءُ تران یا کلوہ ءُ پیگام اِنت کہ ماں سْیاھگے ءِ رنگ ءُ نبشتہ راھبند ءِ رِد ءَ پہ وانگ ءَ چمانی دیم ءَ مُدام ساڑی بہ بیت۔ ماں نبشتہ کاری ءَ دوئیں نبیسوک ءُ وانوک یک دومی ءِ مارشت، ھیال ءُ لیکھاں شکسا اَنت۔ نبشتہ کاری ھر زبان ءِ نبیسّگ ءِ دْروشمے کہ آئی ءَ نبیسوک ءُ وانوک ھردوئیں یک دگر ءَ جْوائیں وڑے ءَ سرپد ءُ پوہ بہ بہ اَنت۔ جھان ءِ ھمک شاھگانیں زبانانی بازیں گالوار بہ اَنت کہ ھریکے جتا جتائیں گپتار ءُ توارکشے دار اَنت بلے نبشتہ کاری ھرچ زبان ءِ یکین بیت کہ ھما زبان ءِ نبشتہ ءَ تیوگیں گالوارانی مردم یک دومی ءَ جْوان سرپد بہ بیت۔ انچوش کہ کہ انگریزی ءِ یورپین، گوریچی امریکا، کیرابین ءُ زِرباری امریکا، زِرباری اپریکا، آسٹریلیا ءُ نیوزی لینڈ ءُ پد ءَ ایشانی ھر یکے ءِ وتی جتا جتائیں دمگی گالوار اَنت بلے نبشتہ اش یک اَنت۔ پد ءَ اگاں ما چینی، چاپانی، بنگالی، اَرب ءُ سندیاں بہ گِند ایں کہ اے راج ءِ مردم انگریزی ءِ وانگ ءَ وتی زبان ءِ وڑ ءَ توارکش اَنت بلے پد ءَ ھم پہ انگریزی ءِ نبیسگ ءَ یکیں نبشتھی سیاھگ ءَ کارمرز کن اَنت۔ بزاں انگریزی ءِ ھشت جتائیں گالوار ءُ گپتار اَنت بلے نبشتہ راھبند انگریزی ءِ یکین اِنت۔ ایشی ءِ من یک درورے دے آں کہ اگاں تو لندن ءَ بہ رو ئے گُڑا تئی انگریزیں سنگت چَہ ترا جست کنت “یو کیم ٹو ڈے” بزاں تو مروچی آتکگ ئے ءُ ماں انگریزی ءَ ایشی ءِ نبیسّگ اے وڑ انت “You came today” اگاں تو آسٹریلیا بہ رو ئے گُڑا ماں یک اشتاپیں توارکشے ءَ چَہ ترا ھمے جست ءَ دگہ وڑے کن اَنت “یو کِم ٹو ڈائی” گڑا تو ھبکہ بَہ ئے زاناں گْوش ایت “من پہ مرگ ءَ آتک آں” بلے اے مرد ءَ ھم ھمے گْوشگ ءَ انت کہ “تو مروچی آتکگ ئے” بلے چَہ آئی ءِ توارکش ءَ ترا مان ایت کہ ھمے گْوشگ ءَ اِنت”You come to die” بلے اناں!
اگاں ما ھندی ءَ چمشانکے بہ دے کہ گُڑا ما زان ایں کہ ھندی ءِ ھم بازیں گالوار اَنت انچوش کہ دکنی، بھوپالی، ریکتا ءُ بازاری اردو۔ پد ءَ ھمے ھندی ءِ تہ ءَ ھم لھتیں دمگی گالوار ھست انت کہ گپتاری ءَ روا اَنت بلے ماں نبشتہ کاری ءَ اے ڈولیں توارکشیں گال کارمرز نہ بہ اَنت انچوش کہ یک درورے جھل ءَ نبشتہ اِنت۔
• کَا کو ستا ریلا ے، اپن کو کا پتا۔
بزاں گالوار وَ جُتا بنت بلے نبشتہ کاری ءِ راھبند اے درستانی یکے بیت چی ءَ کہ نبشتہ کاری یک نیامگی راھبندے کہ زبانانی کسانیں گالواری اڑ ءُ جیڑھاں توجیل دنت ءُ زبان ءَ چَہ ردیں نبشتہ کاری ءِ بھر ءُ ونڈ کنگ ءَ رکین ایت ءُ راج ءِ مردم وتی زباناں یکیں نبشتہ راھبند ءُ سْیاھگ ءِ ھساب ءَ نبیس اَنت کہ زبان ءَ ھرچ کُنڈ ءِ وانندگیں مردم سرپد بہ بہ اَنت پمیشکا جھان ءِ ھرچ زبان یک نبشتاری راھبندے دار ایت۔ پد ءَ یکیں نبشتاری راھبند ءِ ھیل کنگ ءَ ماں وانگجاھاں زبان وانینگ بہ اَنت کہ اے راجانی پدریچ ءُ زھگ چَہ کسانی ءَ وتی زبان ءِ نبشتہ کاری ءَ دربر اَنت ءُ پمیشکا ھرچ وتوجھیں راجاں پہ وتی راجی زبانانی نبشتہ کاری ءِ دیمروی ءَ باز کارکرتگ۔ ھرجاھے ءَ راجی زباناں سرکاری درجگ دیگ بیتگ چر ایشی ءَ زبان ھرچ سرکاری ترامگیجاں وانگ ءُ نبیسگ بہ اَنت۔ پہ ھمے زبانانی دیمروی ءَ ھرچ وڑیں آسراتی ھم بہ اَنت گچینی روتاک، ھالتاک، ماھتاک، گند گش ( ٹی وی )، کسمانک ءُ پہ کسانیں زھگاں کارٹونی تامر کہ چہ ھمے وڑیں آسراتیانی پد ءَ زھگ وتی راجی زبان ءِ یکیں نبشتہ رھبند ءَ ھیل گر اَنت۔
بژن اِنت کہ بلوچ راج ءَ ھم وتی راجی زبان بلوچی ماں دمگی گالوار ءَ ونڈ ءُ چنڈ کرتگ۔ اے درگت ءَ ما گْوش ایں کہ باید اِنت مئے بلوچ راج ءِ تہ ءَ ھم اے سرپدی بہ بیت کہ جھان ءِ ھرچ زبان ءِ بازیں گالوار ءُ گپتار بہ اَنت بلے نبشتہ اش یکینے دار اَنت گڑا بلوچی ھم شاھگانیں زبانے ءُ ما وتی راجی زبان ءَ مکرانی، رکشانی ءُ سلیمانی ءِ میان ءَ بھر ءُ بانگ مہ کن ایں بلکیں یکیں سید راھبند ءَ کارمرز بہ کن ایں کہ اے راھبند بلوچی ءِ ھرسے ئیں مستریں گالوارانی لوٹاں پیلو کنگ ءَ اِنت ءُ اے مروچیگیں وھد ءَ رواج گپتگیں راھبند اِنت کہ راج گیشتر سید راھبند ءِ رد ءَ نبیس ایت۔
گُڈسر ءَ گوں بژن ءَ گپے گْوش آں کہ لھتیں ندکار بلوچی نبیسّگ ءِ وھد ءَ وتی بلوچی ءِ گالاں ڈالچار کن اَنت ءُ بلوچی نبشتہ کاری ءَ درآمدیگی گالاں زور اَنت بلے بلوچی زبان وت یک شاھگانیں زبانے پمیشکا ما چَہ پارسی ءُ ھندی ءَ وازمندگ نہ ایں باید اِنت ما وتی جند ءِ کْوھنیں گالاں گار ءُ بیگواہ کنگ ءَ مئیل ایں بلکیں ماں نبشتہ کاری ءَ بلوچی ءِ ڈالچار بیتگیں گالاں پد ءَ راج ءِ دیم ءَ بہ یار ایں۔ پد ءَ اے منی ءُ تئی یک راجی زمہ واری یے کہ ما راج ءِ تہ ءَ بلوچی وانگ ءُ نبیسگ ءِ دودے ودی بہ کن ایں۔ ایشی ءِ مستریں پنت ءُ سکین راج ءَ بلوچی آبینکدار (کیبورڈ) ءِ ءُ بلوچی بزانت بلد ءِ بارو ءَ سرپدی دے ایں کہ ھر زبان ءِ وتی آبینکدار اَنت توری سندی، بنگالی، تلگو، ھندی، برمیس، جاپانی، کوریائی، چینی ءُ روسی، پارسی یا توری پرینچ ءُ پُرتگالی بزاں ھرچ زبان ءِ راج وتی گْوانکوانی تہ ءَ وتی راجی زبان ءِ آبینکدار ایرگیج ءُ کارمرز کن اَنت ءُ ماں چاگردی رسانکدر ءَ وتی راجی زباناں کلوہ ءُ پیگام نبیس اَنت ءُ گپ ءُ رپ کن اَنت۔ مارا وتی دزھورکی ءِ ھر ادار ءَ بلوچی وانگ ءُ نبیسگی اِنت ، نی چہ ایشی ءَ مئے راجی زبان ءِ نبشتہ کاری دیمروی کنت۔
بلوچ راج شالا تپاک ءُ یکمُشت بات، راجی زبان بلوچی ھست بات ءُ بے کساس دیمرویاں سربات۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
نبشتانک: نور سلام نور ءُ( اِستال)
نبشتہ کار: میار دشتی
دی بلوچستان پوسٹ
نور سلام نور اِستال اَت؟ ہَو بلکُل اِستال اَت اِد ءَ ہِچ شک ودی ہم نہ بیت چوناہا یکمُشتی ہمسنّتی وت یک سوبمندی یے ہمے وڑ نور ءُ اِستال کہ یکجاہ بِیتّاں اِد ءَ یک سرجمیں انسانے جوڑ بیت، انسان جوڑ بیّگ ءَ پد انسانیت انسان ءِ تہ ءَ ودی کنگ اَلّمی اِنت اِے جیڑہ ءِ توجیل سازی نور ءُ استال ءِ مَیان ءِ پیرمرد ءِ کار اِنت پد ءَ اِے ہم گْوشگی اِنت کہ معناداریں کارِست پیرمرد اِنت چیا دانکہ پیر مرد توانداریں نور ءُ اِستال ہم بے ہاٹیگ بیت کُت نہ کن اَنت بلے دگہ گپّے گیشّینگی اِنت کہ نور ءَ پیرمرد ءِ کِسّہ آشکار نہ کُتگ بزاں پیرمرد نور ءَ چیر داتگ نور ءَ کہ پیرمرد پدّر نہ کُتگ من ءَ ھم اِے ہاٹیگ نیست کہ نور ءِ کانودانی پلّہ مرزی ءَ مہ کن آں ہیر من ءَ پیرمرد چیر دَیگی اِنت کائیں نور سلام ءِ نیمگ ءَ کہ باریں نور سلام نور چوں اِستال ءِ اتحادی جوڑ بیتگ؟ ہَو ہَو اِے جوانیں جُستے اَلّم پرّیچگی اِنت چوناہا بلوچ ءِ مروچی پیشوک ءُ شون دَیوک آئی ءِ ہستیں جاورہالاں چیا کہ جاوَر بلوچ ءِ وت سروکے ءَ کنگ ءَ اَنت کہ ترا کُجا روگی اِنت چون روگی اِنت چی کنگی اِنت؟ وہدیکہ تو چاگرد ءَ چم پچ کن ئے تو سرجمیں چیزاں گِندگ ءَ لگّ ئے مزن،کسان، زیبائی ، رنگین بے رنگ، شر ءُ شِر تو کہ چاگردی چیز، چاگردی جیڑہ ءُ جنجال چاگردی ہستانک وہدیکہ وتی چمّانی تہ ءَ کُبل کُت اَنت گڑا ہمُک ساہت ترا اِے چمّانی تھ ئِے بندیگ کُتگیں سرجمیں شے ترا جُست کنگ ءَ بندات کن اَنت ہرکسی جُتا جُستے ءُ ہرکسی جُست ءِ تب ہم جُتا بیت اِنت اِے نی ترا سما کنگ ءُ جیڑگی اِنت کہ کُجام جُست ءِ پسّہ ءَ چون بدے آں ءُ کُجامے ءِ چوں من ءَ دَیگی اِنت؟ نی کائیں نور سلام نور ءِ نیمگ ءَ باریں چاریں نور سلام نور ءَ چوں وتی پسّہ داتگ ءُ نور سلام نور چوں اِستال جوڑ بیتگ اِے دو اِہمیں جُست اَنت یکبرے ما گیشینیں کہ نور سلام ءَ چاگردی جُستانی پسّہ ءُ چاگردی جیڑہانی گیش ءُ گیوار چوں کُتگ؟اِے سرجمیں جیڑہ ءُ جُستانی گِشّینگ ہما اِنسان ءِ کار بیت کنت کہ آ مہکم اِنت آ وتی تہ ءَ دگہ انسان ہم دیست کنت نی اد ءَ چے ہمے زانگ بیت کہ نور سلام نور یک مہکمیں اِنسانے بیتگ اِد ءَ مارا اِے ہم سرپدی رس ایت کہ نور سلام نور ءِ اِستال ءِ جوڑ بیّگ ءَ پیرمرد ءِ بلاہیں جُھدے بیتگ بلے منی دست بستگ اَنت کہ من پیرمرد ءَ ہِچ رنگ ءَ شمئے دیم اشکار کُت نکناں من اِشی ءَ دلجمی گْوشاں کہ نور ءِ کانودانی پروشگ ءِ ہکّ ءَ من نہ آں بیا بیا بیا نور ءَ یکرندے چو ہم گْوشتگ –
مردُم پہ آشوب ءَ وتی ساہ ءُ سراں کربان کناں
من تئی گماں زہرے بوْراں سقراط جنت بچکندگے
اِد ءَ من ءَ بلاہیں نور ءِ پسّھانی بھرے رس اِت کہ چاگرد ءَ نور ءِ چو نیم سروکی کُتگ ءُ پہ اِستال ءَ سر کُتگ من شمارا پیسرا گْوشت کہ بلوچ ءِ پیشوک ہستیں جاورھالاں ءُ نور وت ھم ہمے وڑ گْوشگ ءَ اِنت-
روان اِنت
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
بلوچ اسٹوڈنٹس ایکشن کمیٹی ءِ بنجاھی جارکش ءَ رسانکدراں وتی شنگ کرتگیں درشان ءِ تہ ءَ بلوچ اسٹوڈنس کونسل اسلام آباد ءِ نیمگ ءَ جار جنگ بوتگیں سرجمیں ملک ءَ کلاس نہ گرگ ءِ پلامرزی کُتگ گوشتگ کہ نودربرانی زورانسری آوار جنی ازاب ءِ جوڈ بوتگ ءُ اشی ءِ تہ ءَ گیشی پدردی یے ھمے ھاتر ءَ بیست ءُ یک مارچ ءَ کلاس نہ گرگ ءِ جار ءِ پلامرزی ءَ کنیں ءُ بلوچستان ءَ دگہ نودربراں چہ لوٹ کنیں کہ آ ھم ھمیشی ءِ بھر بہ بنت –
آئی ءَ گوشتگ کہ بلوچستان زانت ءُ زانشت ءِ ھساب ءَ پشت کپتگیں سوبہ ءِ زانگ بیت ھمود ءَ چہ ھزارانی کچ ءَ نودربر وتی زانت ءِ تُن ءِ پُروشگ ءَ پنجاپ ءَ ھوار دگہ سوبھانی نیمگ ءَ کائینت کہ اود ءَ آھانی گوم ءَ مدامی متعصب رویش دارگ بیت اِنت – ھمے نودربراں گوست ءَ متعصب رویش ءِ دیمپانی کنگ کپتگ وھدیکہ مرچاں آھانی گیرکانودی بید رھبندی پروفائلنگ کنگ بیت ءُ وتی دمگاں آ زورانسری آوار جنگ ءُ بیگواہ کنگ بنت کہ آئی ءِ زاھریں درور قائدآعظم شاھدربرجاہ ءِ نودربر حفیظ بلوچ ءِ زورانسری آوار جنی انت کہ آ وتی جند ءِ دمگ ھزدار ءَ چہ زورانسری آوار جنگ ءُ بیگواہ کنگ بوتگ –
جارکش ءَ دیمتر ءَ گوشتگ کہ اشی ءَ پیش گوستگیں سال ءَ یک نومبر ءَ دو بلوچ نودربر سھیل ءُ فصیح بلوچ زورانسری آوار جنگ ءُ بیگواہ کنگ بوتگ انت – نودربر گلانی نیمگ ءَ زورانسری آوار جنگ بوتگیں نودربرانی یل کنگ ءِ ھاتر ءَ سَے ھپتگ ءَ نندانک جتگ ءُ زھرشانی کتگ ءُ پدا سرکار ءِ گوشگے پد ءَ زھرشانی ھلاس کنگ بوتگ نوں وھدیکہ ھردو نودربرانی زورانسری آوار جنی ءَ پنچ ماہ پرگوستگ بلے نودربر ھنگت یل کنگ نہ بوتگ انت – نوں حفیظ بلوچ ءِ زورانسری آوار جنی ءِ بگیری ءَ اسلام آباد پریس کلب ءِ دیم ءَ دو ھپتگ انت کہ زھرشانی کنگ بوھگ ءَ انت بلے ھستیں وھدے سرکار ھچ وڈیِ گامگیج زورگ ءَ نہ انت –
بساک ءِ بنجاھی جارکش ءَ گڈسر ءَ وتی درشان ءِ تہ ءَ گوشتگ کہ نودربرانی زورانسری آوار جنی زانت دژمنی ءِ شوربندی یے کہ شاھدربرجاھاں وانوکیں نودربر تُرس ءِ آماچ بوھگ ءَ انت – اے وڈیں بے رھبندی املانی بگیری ءَ بلوچ اسٹوڈنس کونسل اسلام آباد ءِ سرجمیں ملک ءَ کلاس نہ گرگ ءِ گامگیج ءِ پلامرزی ءَ کنیں ءُ بلوچستان ءَ ھوار سرجمیں ملک ءِ دگہ نودربر گلاں چہ لوٹ کنیں شاھدربرجاھاں برجاھیں بے رھبندیں املے دارگے ھاتر ءَ اے مھم ءِ بھر بی بنت –
بلوچستان ءِ دمگ ڈیرہ بگٹی ءِ ھند سوئی ءَ چار شمبے ءِ روچ ءَ گیس ءِ نہ بوگ ءِ ھلاپ ءَ مھلوک ءَ زھرشانی بندات کتگ-
دی بلوچستان پوسٹ پتر ھال ءَ سر بیتگیں ھالانی رد ءَ دمگی ورناہ ءُ ڈپلومہ ھولڈرز اینڈ انجنئیرز ءِ نیمگ ءَ گیس ءِ نہ بوگ ءُ ڈپلو مہ ھولڈرز ءِ واستا زھرشانی کنگ بیتگ – زھرشانی کنوکاں پی پی ایل ءَ دمگی ورنایانی کوٹہ ءِ سر ءَ المی نہ کنگ ءِ ھلاپ ءَ زھرشانی بیتگ-
زھرشانی کنوکاں انتزامیہ ءَ چہ گیس ءِ نہ پُجگ ءُ ڈپلومہ ھولڈرز ءِ پچ کنگ ءِ لوٹ کتگ ءُ گوشتگ دمگی مردمانی گون ءَ زلم ءِ ھواری ءُ ناانساپی ءَ گیش ردوم زرتگ –
چریشی ءَ پد دمگی انتزامیہ ءِ سدکی ءَ پد زھرشانی ھلاس کنگ بیتگ-
دمگی انتزامیہ ءِ رد ءَ گیس کمپنی انتزامیہ ءَ چہ گیس ءِ درگت ءَ گپ کنت ءُ ڈپلو مہ ھولڈرز ءِ کوٹہ ءِ بارو ءَ زوت گامگیج زورگ بیت اِنت-
زانگ بہ بیت سوئی گیس فیلڈ پاکستان پٹرولیم لمیٹیڈ (پی پی ایل) نامیں کمپنی ءِ ھلائینگ اِنت کہ اشی ھیڈکوارٹر کراچی ءَ اِنت – سوئی گیس فیلڈ ءُ گیس ءِ آیگ کچ ءُ کساس شش سد ءُ شست ملین کیوبک فٹ اِنت اود ءَ داں انگت ءُ یک کساسے ءَ دو ٹریلین کیوبک فٹ گیس ءِ مُچی جاڑیگ اِنت بلے دمگی مردم گیس ءَ چہ زبھر ءُ دوت ءُ دارانی سر ءَ وتی زندگی ءَ گوازینگ ءَ اَنت-
بلوچ اسٹوڈنٹس آرگنائزیشن آزاد ءِ گوستگیں چیئرمین زاھد بلوچ ءِ لوگ بانک زرجان بلوچ ءَ یک درشانے ءَ گُشتگ زاھد بلوچ ءِ زورانسری آوار جنی ءَ ھشت سال ءِ دراجیں وھدے ءِ گوزگ ءَ پد شال ءَ زھرشانی ءِ جار جنان ءَ گوشتگ زاھد بلوچ ءِ بیگواھی ءَ پد کھول یل درناکیں زندمانے ءَ دُچار اِنت – کھول اے گپ ءَ بھمیانکاں آ زندگ اِنت یا ناں پرچا اے ھشت سالانی میان ءَ ما آمیدگساں بہ گر داں ریاستی دراھیں ادارھانی در ٹُک اِتگ اَنت بلے کسے ءَ مئے درد گوش نہ داشتگ ءُ مارا اے ھم گوشگ نہ بیتگ زاھد بلوچ کجا اِنت کجام جاورانی تہ ءَ اِنت-
آئی ءَ گُشتگ زاھد بلوچ یک نودربر رھشون ءُ سیاسی باسکے – آئی ءَ وتی سرجمیں زند سیاسی جد ءُ جھد ءَ گوازینتگ اے رنگ ءَ یک سیاسی مردمے ءَ گرگ ءُ گار کنگ کھول ءَ زھنی دردانی دیمپانی ءِ آماچ اش کتگ –
زرجان بلوچ ءَ سرکار ءُ آمیدگسی واکاں گوں دزبندی کتگ کہ ما اے ریاست ءِ شھری اِنت ھمیشی ءِ تہ ءَ وتی زندگی ءَ گوازینگ ءَ ایں مارا بستار ءِ شھری ءَ اے ھک نیست اِنت جست بہ گریں زاھد سلامت اِنت یا ناں اگاں زاھد ءِ سر ءَ دگہ کیسے چیزے ھست گڑا آمیدگس ءَ پیش کنگ بہ بیت ءُ سزا دیگ بہ بیت ھما کہ پاکستان ءِ کانودانی رھبند اَنت بلے اے رنگ ءَ زاھد ءَ بیگواہ کنگ ءُ نا ایوک ءَ آئی ءَ بلکیں سرجمیں کھول ءَ سزا دیگ بیگ ءَ اِنت چوشکہ اے وت پاکستانی آئین ءُ میان اُستمانی ھکانی رھبندانی لگتمالی اِنت – وھدیکہ زاھد بلوچ ءِ یل کنائینگ ءِ ھاتر ءَ ما درستیں راہ ءُ در کارمرد کتگ اَنت اسلام آباد ءَ شتگ ایں ھاکم ءُ آمیدگساں گوں دزبندی کتگ داں انگت ءَ مارا کانونی ھک نہ رس اِتگ اے وڑیں ھچ راہ پش نہ کپتگ کہ ما زاھد ءِ واستا کارمرد نہ کتگ بلے ھرجاہ ءَ مارا نا امیتیانی دیمپانی بیتگ –
زرجان بلوچ ءَ گُشتگ زاھد بلوچ ءِ بیگواھی ءَ ھشت سال سرجم اِنت ھژدہ مارچ ءَ آدینگ ءِ روچ ءَ بیگاہ ءِ ساھت چار ءَ شال ءَ یک زھرشانی روانکے کشگ بیت اِنت ءُ ما زاھد بلوچ ءِ بیگواھی ءِ سر ءَ ھچ رنگ ءَ بے توار بوت نہ کن ایں زاھد بلوچ بلوچ دیم ءَ آرگ بہ بیت ءُ مارا انساپ دیگ بہ بیت سرکار ءُ ریاستی ادارھاں گوں دزبندی اِنت زاھد بلوچ ءَ یل بہ کن اَنت ءُ مارا اے دردناکیں وھد ءَ بہ رکین اَنت-
بلوچستان لبریشن فرنٹ ءِ جارکش میجر گھرام بلوچ ءَ گُشتگ کہ بلوچستان ءَ بلوچ سرمچارانی دستءَ پروش ورگ ءَ پد ءُ تُرس ءِ تہءَ قوضہ گیریں ڈیھہ پاکستان جتاھیں پندل ءُ ھنر سازگ ءَ اِنت۔ لھتیں ماھاں چہ وتگڑیں کاؤنٹر ٹیررازم ڈیپارٹمنٹ (سی ٹی ڈی) ءِ نیمگ ءَ زورانسری بیگواھیں بلوچ بندیگانی دروگیں میڑانی تہءَ کُشگ ءِ تہءَ گیشی آیگ ھمے یکشلی ءِ بھر اِنت۔ لھتیں وھد بیت کہ پولیس ءِ بازیں مردماں گیشتر پگار ءِ لالچ دیگ ءُ آیاں سی ٹی ڈی ءِ تہءَ برگ ءِ جھد کنگ بئیگ ءِ اِنت۔ اِشانی تہءَ بازیں بلوچاں سی ٹی ڈی ءِ سیاھیں کردگار ءِ گندگ ءِ سوب ءَ اے پیشکش رد کُتگ۔ بازیں مردم بے کاری، گرانی ءُ لالچ ءُ دروگ ءُ ریپینگ ءِ سوب ءَ اِشی ءَ ھوار کپتگ اَنت۔ بلوچستان ءَ گریبی ءُ بُنکی آسراتیانی نہ بئیگ ءِ سوب مئے راجی گلامی ءُ زیردستیں دمگ اِنت۔ ھمیشی ءَ اسپر کنان ءَ پاکستان بلوچاں وتی لشکریانی تہءَ ھوار بیگ لاچار کنگ ءَ اِنت۔ اے یک لاچاری ءِ مہ بیت پرچہ کہ چہ پاکستان ءَ آجوئی ءَ پد بلوچستان ءِ مھلوکاں ریاستی مستری ءَ جانسلامتی، کار ءُ روزگار ءُ جان ءُ مڈیانی پھازگ ءِ ضمانت رسیت۔
جارکش ءَ گُشتگ کہ نی بلوچستان ءَ وتگڑیں سرکار ءَ پوج ءُ آئی چیر دست ءَ کارکنوکیں پوجی گلاں پھازگ ءِ ھاترءَ ءُ آیانی پروشانی چیر دیگ ءِ ھاترءَ سی ٹی ڈی ءَ گیشتر آسراتی دیگ ءَ اِنت۔ ھمے ھاترءَ بازیں اگدہ ءُ دگہ آسراتیانی جار جنگ بیتگ دانکہ بلوچستان ءَ برجاھیں استانی ناشرکاریاں دگہ یک دروشمے دیگ بہ بیت ءُ اشی تہءَ ھندی پولیس بزاں سی ٹی ڈی ءِ نشان جنگ ءُ برجاہ دارگ بہ بیت ءُ پوج شرپدار نامینگ بہ بیت۔ پمیشکہ بلوچ راج بائد اِنت اے پندل ءَ بزانت ءُ اِشی بھر مہ بیت۔ اے پندل ءِ دروشم ءَ بلوچاں بلوچانی دیما اوشتارینگ بیت دانکہ جھان ءَ پیش دارگ بہ بیت کہ بلوچ راج پاکستانی لشکرانی تہءَ ھوار اَنت ءُ آجوئی ءِ ھلاپ ءَ جنگ کنگ ءَ اَنت۔ اے پئیم ءَ قوضہ گیر یک تیراں گوں دو نشانگ ءِ مُز چِست کنگ ءِ جھد کنگ ءَ اِنت پرچہ کہ گُڑءَ اے گھگیری ءِ تہءَ دوھیں نیمگ ءَ بلوچ پُسگ کُشگ بنت۔
میجر گھرام بلوچ ءَ گُشتگ کہ سی ٹی ڈی ءِ ھاترءَ دوھزار ءِ کساس جتاھیں اگدھانی جار جنگ بیتگ کہ پوج ءُ پیرا ملٹری ءِ جاہ ءَ زیرگ ءِ جھد کن اَنت ءُ اِشی ءَ لش لشکر ءِ پوست ئے تہءَ پوج ءِ زمہ واری دیگ بنت۔ چُش کہ لس لشکریانی کردگار ءُ روش ھم جتا نہ اِنت۔ نی بیڑ ءُ دروگیں میڑانی تہءَ کُشگ ءِ کار سرجم ءَ سی ٹی ڈی چیردستی ءَ آرگ بیتگ۔ اے لشکرانی تہءَ روگ ءِ ھاترءَ بلوچ ورناھاں حب ناک کنگ ءِ ھاترءَ بازیں راہ پچ کنگ بئیگ ءَ اَنت پرچہ کہ بلوچ راج ءَ قوضہ گیریں پوج ءُ آئی ھمکاریں گلانی تہءَ بھر زیرگ ءَ چہ مکن کُتگ۔ ھمے سوب اِنت کہ پوج ءُ آئی چیردستیں گلاں بے سوبی ءِ دیمپانی کنگ کپگ ءَ اِنت۔ اے بے سوبی ءَ چیر دیگ ءُ بلوچ نسل کشی ءِ تہءَ تیزی آرگ ءِ ھاترءَ سی ٹی ڈی ءَ ڈُبہ ءُ آسراتی دیگ بیگ ءَ اَنت۔
بی ایل ایف جارکش ءَ گُشتگ کہ ریاست ءِ نیمگ ءَ ودی کُتگیں بے کاری ءِ سوب ءَ وانندگیں مردم لاچار بنت کہ آ کجام وڑءَ وتی ونتگیں تک ءِ تہءَ دیمروی بہ کن اَنت کہ آئی ھاترءَ آھاں بازیں سالاں ونتگ۔ اِشی ءِ ھاترءَ ھم سی ٹی ڈی ءَ یک پردگ یے ءِ پئیم ءَ پیش کنگ بیت۔ اِشی تہءَ ھوار بیگ ءِ سوب آ وتی وانگ ءُ زند ءَ تک ءَ تاوان بھر کنگ ءَ اَنت۔ آ چُشیں گام ءَ تہءَ بھر زیرگ ءَ پھریز بہ کن اَنت۔
بلوچستان یونیورسٹی آف انفارمیشن، ٹیکنالوجی، انجینئرنگ، مینیجمنٹ اینڈ سائنس ءَ ھستیں وائس چانسلرءِ زوراکیں گامگیجانی ھلاپ ءَ ٹیچنگ اسٹاف ءُ کارداراں “بیوٹمز فیملی” ءِ نام ءَ یک گل ءِ اڈ داتگ۔
گوستگیں روچ ءَ بیوٹمز فیملی ءِ مچی اڈ دیگ بیتگ کہ اِشی تہءَ ٹیچنگ اسٹاف ءُ کارداراں چہ کساس چار سد ءَ گیشتر مردماں بھر زرتگ۔ مچی ءِ تہءَ گُشگ بیتگ کہ شھدربرجاہ انیگیں وی سی ءِ دست ءَ بندیگ اِنت۔ وائس چانسلر ءَ وتی زوراکیں روشاں گوں لوئر اسٹاف، ٹیچنگ اسٹاف ءُ نودربرانی درستیں جمھوری ءُ بُنکی حق دزگیر کُتگ اَنت ءُ یک آمر یے پئیم ءَ شھدربرجاہ ءَ چلینگ ءَ اِنت۔ وی سی ءِ زوراکیں روش ءَ چہ ٹیچنگ اسٹاف، کاردار ءُ نودربر سک تنگ اَنت۔ شھدبرجاہ ءِ تہءَ ٹیچنگ اسٹاف ءُ کار دارانی ھلاپ انتظامی جیڑھانی سرءَ بیرگریں زوراکیانی پدءَ سک باز زھر ءُ رنج گندگ ءَ کئیت۔
آھاں گُشتگ کہ شھدربرجاہ ءَ وی سی ءِ زوراکیں روش، ابید جمھوری گامگیج ءُ شھدربرجاہ ءِ انگیر کنگ ءِ جیڑھانی سرءَ ٹیچنگ اسٹاف ءُ کارداراں بیوٹمز فیملی ءِ نام ءَ یک پتر ءِ اڈ کُتگ کہ اِشی بُنکی لوٹ ٹیچنگ اسٹاف ءُ کارادارانی بُنکی ھقانی پھازگ اِنت۔ مچی ءِ تہءَ وی سی ءِ زوراکی ءُ ترندیں روش ءِ ھلاپ ءَ نی گیشتر ھاموش نہ بئیگ ءِ اھد کنگ بیتگ۔
گوستگیں شپ ءَ چیمپئین لیگ فٹبال گوازی ءَ دو ٹیمانی میان ءَ گوازی کنگ بوتگ کہ آھانی تہ ءَ ایٹلیٹیکو میڈریڈ ءُ بینفیکا ءَ گوازی کٹ اِتگ انت-
یوئیفا چیمپئین لیگ ءِ اولی گوازی مانچسٹر یونائیٹڈ ءُ ایٹلیٹیکو میڈریڈ میان ءَ کنگ بوتگ کہ ایٹلیٹیکو میڈریڈ ءُ یک گول ءَ گوازی کٹ اِتگ – ایٹلیٹیکو میڈریڈ نیمگ ءَ گول لیبی آر.لوڈی ءَ داتگ ءُ گوازی وتی نام ءَ کتگ –
ایجکس ءُ بینفیکا میان ءَ بوتگیں دومی گوازی ءَ بینفیکا ءَ یک گول ءَ گوازی کٹ اِتگ کہ لیبی ڈی نونز ءَ داتگ ءُ گوازی وتی ٹیم ءِ نام ءَ کتگ –
