بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ ھزدار ءَ ریاستی ڈیتھ اسکواڈ ءِ پرکاریں کارندہ ءُ سروک عطاء الرھمان مینگل ءِ کوش ءِ زمہ واری ءَ من ایں – 22 جون2025 ءَ بی ایل اے انٹیلیجنس ونگ زراب ءُ آپریشنل یونٹ فتح اسکواڈ ءَ ھزدار ءِ دمگ وڈھ ءِ ھند آڑنجی ءَ یک ھوار ءُ مھکمیں لشکری کاروائی ءِ وھد ءَ عطاالرھمان نشانگ کتگ ءُ گوں ھمراھاں ھوار کشتگ- اے کاروائی زراب ءِ دراج کشیں انٹیلیجنس ءِ ھال، یکشلیں چاروکی ءُ نشانگ ءِ پرکاری ءُ پٹ ءُ پول ءَ پد دیم ءَ آورتگ، ھمے وڑ آپریشن یونٹ سوبمندی ءَ اے کاروائی ءَ سرجم کنگ ءَ پد مھکمیں رنگے ءَ وتی پوزیشنزاں واتر شتگ انت-
جارکش ءَ گوشتگ عطاالرھمان مینگل ءِ کردار ھنچش یک ریاستی گچینی کارندھے ءَ بیتگ- کہ بلوچ نسل کشی ءَ تچک ءَ ھوار ءِ جرم بوتگ- آ ھما نیٹ ورک ءِ دیم ءَ برگ ءُ رھشونی ءِ بھر بیتگ،کہ پاکستانی پوج ءُ آئی ءِ انٹیلیجنس ادارھانی سروکی ءَ بلوچستان ءَ بلوچ راجی زرمبشت ءِ ھلاپ ءَ یکدم پرکار انت- آئی ءَ گوستگیں بازیں سالاں ڈیتھ اسکواڈ نیٹ ورک برجم کتگ، دمگی کمکاری ءُ بلوچ سیاسی باسکانی پجار، دزگیری، ءُ شھید کنگ ءَ بنکی کردار اش پیلو کتگ، عطاالرھمان بازیں کچے ءَ بلوچ باسکانی شھید کنگ،زورانسری بیگواہ کنگ ءُ نسل کشی ءَ تچک ءَ ھوار بیتگ- آ بلوچ نودربر باسک ءُ راجدوستیں گلانی چاریگری ءُ نشانگی کنگ ءُ اُرشانی شَوربندیاں ریاستی ایجنڈے ءِ کردار ءِ بھر بوتگ- آئی ءَ نا ایوک ءَ سلاہ، پھریزدسر ءُ کانود ءِ دست گون بیتگ بلکیں ٹکی پوشاک ءُ پوجی سروکی ءَ آئی ءَ بے ترس ءَ بلوچ دشمنی ءِ کاربندگ ءِ گنجائش بیتگ- چریشی ءِ آسر ءَ سدانی کچ ءَ بلوچ آوار جتگ ءُ چریشانی توک ءَ بازیں کچے ءَ شھید اش کتگ انت، ءُ ھمے وڑ دو سد ءَ گیش لاش عطاالرھمان ءِ چیردستی ءَ یکجاھیں گوراں کَل کنگ بیتگ انت-
بی ایل اے ءَ گوشتگ عطاالرھمان مینگل نا ایوک ءَ دمگی کارندھے ناں بلکیں آئی ءِ دست ریاست ءِ دراجیں شوربندیانی بھر بیتگ، چریشی ءِ پژدر ءُ آئی گچینی سروک آئی ءِ برات شفیق مینگل ءُ پت نصیر مینگل بیتگ انت – شفیق مینگل 2000 ءِ دھک ءِ وھد ءَ ھزدار وڈھ ءُ کش ءُ گوراں ریاستی چیریں ادارھانی ھواری ءَ ھوار بیتگ بلوچ گھگیرانی ھلاپ ءَ یک پراکسی نیٹ ورکے جوڑینتگے، چریشی ءَ نیکراھی ناشرکاری ٹولیانی بھرانکہ، ٹکی دست ءُ سیاسی باسکانی ھلاپ ءَ ناشرکاری تچک ءَ پالیسی ءِ رنگ ءَ کارمرد کنگ بیتگ – اے نیٹ ورک ءِ کاروائی ءِ آسر ءَ بے کساس بلوچ ورنا یا بیگواہ، یا لٹ ءُ کٹانی نشانگ بیتگ انت یا بے تواری ءَ کل ءُ کسارات کنگ بیتگ انت ٹ 2014 ءَ توتک ءِ دمگ ءَ گندگ بیتگیں دراجیں گور اے ھمے شوربندی ءِ منانک انت- شفیق مینگل ءُ آئی ءِ نیٹ ورک نا ایوک ءَ بلوچ سیاسی باسک بلکیں شیعہ ھزارہ برادری ءُ نیکراھی ءُ ٹکی رنگ ءُ دروشمے ھم نشانگ کتگ انت- چریشی ءِ مول ءُ مراد ھمے بوتگ کہ بلوچ راجی زرمبشت ءَ نیکراھی ءِ دیمپان کنگ ءُ آئی ءِ زانشتی بنچک ءَ نیزور بہ کن ایں-
جارکش ءَ گوشتگ عطالرھمان گوں وتی برات ءَ ھمے نیٹ ورک ءِ پرکاریں بھرے بیتگ- آئی ءَ دمگی پھناتاں سلاہ برداریں جرمکاریں ٹوکی ( ڈیتھ اسکواڈ) مھکم ءَ مزنیں کرد پیلو کتگ انت، ءُ ریاستی ادارھاں بلوچ نسل کشی ءِ ترند کنگ ءَ تچک ءَ ھوار بوتگ ءُ رھشونی یے کتگ- آئی ءَ زورگریں پوج ءِ نیمگ ءَ یک سرجمیں آپریشنل فریم ورکے ءَ کار کنگ ءَ آجوئی دیگ بوتگ-
جیئند بلوچ ءَ گوشتگ بی ایل اے ءِ انٹیلی جنس ونگ زراب ءَ عطاالرھمان ءِ دراھیں رھوتکاری، پرکاری، دمگی شریداری ءُ چیریں کمکارانی سر ءَ دراجیں وھدے ءَ نگاہ ایر کتگ انت- چریشی ءَ پد بی ایل اے ءَ آ نشانگ کنگ ءِ پیسلہ کتگ ےُ یک مھکم ءُ جوانیں کاروائی ءِ آسرال ءَ آسانی ءِ ھواری ءَ اے گدار ءُ بلوچ نسل ءِ آسری کتگ-
جارکش ءَ گوشتگ ایشی ءَ پیش عطاالرھمان مینگل ءِ برات شفیق مینگل ءِ سر ءَ 30 دسمبر 2011 ءَ بی ایل اے ءِ فدائی یونٹ مجید بریگیڈ ءِ نیمگ ءَ یک فدائی اُرشے کتگ – چریشی ءَ مجید بریگیڈ ءِ بھادریں فدائی درویش بلوچ ءَ شال ءَ ارباب کرم خان دگ ءَ آئی ءِ لوگ ءَ ڈن وتی جان کربان کتگ ءُ دشمن ءِ سر ءَ یک ترندیں وارے کتگ- شفیق مینگل اے اُرش ءَ رک اتگ بلے آئی ءِ درزنانج ھمراہ مرتگ انت ءُ آئی ءِ ناشریں نیٹورک ءَ ترندیں تاوانے رس اتگ-
جارکش ءَ گوشتگ بلوچ لبریشن آرمی تچک کنت مئے جد ءُ جھد لشکری گامانی پژدر نہ انت بلکیں یک دراج، مھکم ءُ جھلانکیں سیاسی لیکھے ءَ بندوکیں گھگیری یے- چریشی ءَ راجی وتواجھی، گوستانکی زوراکی ءُ جھلانکیں سیاسی سنچ ءَ گوں بندوک انت- ما کجام ھم دشمن ءَ آئی ءِ پجار ، سیادی یا پوشاک ءَ نہ چاریں بلکیں آئی ءِ امل ءُ کردار ءُ زرمبشت ءِ ھلاپ ءَ پرکاریانی پیسلہ داری سرپد بیت انت- عطاالرھمان مینگل ءُ آئی ءِ برات شفیق مینگل ءَ ھما آدینک ءَ چاریں کہ اے مردمانی ھمک گام بلوچ دشمن زورگریں ریاست ءِ لوٹانی پھریزگ ءُ بلوچ مُچیانی ھلاپ ءَ چیست بیت انت-
جیئند بلوچ ءَ گوشتگ بی ایل اے یک رندے پد ءَ جار جنت کہ ھمک نھاد ءَ اے ڈولیں مردماں پھل نہ کن ایں کہ آ بلوچ راجی آجوئی ءُ پجار ءِ ھلاپ ءَ ریاستی منسوبھانی مانزمان بوتگ انت- ما عطاالرھمان نشانگ کتگ ءُ تچک کتگ کہ بلوچ نسل کشی ءَ کجام ھم مردم راجدپتر ءِ پردگ ءِ پشت ءَ چیر بیگ ءِ اجازت دیگ نہ بیت انت- شفیق مینگل ءُ اے دابیں کمکاراں نی زانگ لوٹ ایت کہ بلوچ گھگیر نا بے بیال بہ انت ءُ ناکہ پشت ءَ کنز ایت ما دشمن ءِ زوراکیانی ھساب ءَ آئی ءِ زبان بلے وتی بساد ءُ رھبند ءُ زانشت ءِ ھواری ءَ گر ایں-