بلوچستان لبریشن فرنٹ ءَ شنگ کتگیں درشان ءِ تہ ءَ بارکھان ، کھچی، گریشہ، آواران، کولواہ ءُ جھاؤ ءَ پاکستانی پوج ءُ ڈیتھ اسکواڈ کارندھانی سر ءَ اُرش، ناکہ بندی، لیویز چیک پوسٹانی دستگ ءُ سلاھانی برگ زمہ واری منّ اِتگ اَنت-
بلوچستان لبریشن پرنٹ ءِ جارکش میجر گْوھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 12 مئی ءَ بی ایل ایف ءِ سرمچاراں شپ ءِ ھپت داں یازده ءِ میان ءَ بارکھان ءِ ھند راڑشم ءَ پنجان ءَ روکیں شھدگ بستگ، ھمے میان ءَ بازیں کچے ءَ پنجابی پجارگ بیتگ اَنت بلے آ لشکر ءُ چیریں ادراھانی کارندہ نہ بیتگ اَنت یل کنگ بیتگ اَنت، ما اے گپ ءَ تچک کنگ لوٹ ایں کہ مئے دژمن لس پنجابی نہ اَنت بلکیں ھما پنجابی اَنت کہ پاکستانی پوج، چیریں اداره ءُ پالیسی سازیں ادارھاں ھوار گوں ریاستی توان ءِ چیردستی ءَ بلوچستان ءِ تہ ءَ زورگری، بلوچ ءِ چکچینی پالسیانی جوڑ کنگ ءٌ مڈیانی لوٹ ءُ پل ءِ زمہ وار ءُ در انسانی کاراں ھوار اَنت۔
جارکش ءَ گوشتگ کہ 12 مئی ءِ شپ ءِ ادار شش ءِ نزیک ءَ کچی ءِ ھند کناڈو ءَ بی ایل ایف ءِ سرمچاراں لیویز ءِ چوکی انگر کتگ ءُ چوکی ءِ درسیں سرکاری سلاه گپتگ اَنت ءُ لیویز کارمند یل کتگ اَنت.
جارکش ءَ گوشتگ کہ 12 مئی ءَ دگہ یک کاروائی یے ءَ بی ایل ایف ءِ سرمچاراں آواران ، کولواه، گشانک ءَ نیمروچ ءِ دو ءَ زورگریں پاکستانی پوج ءِ چیردستی ءَ کارکنوکیں ڈیتھ اسکواڈ ءِ سلاه بندیں کارندھانی سر ءَ مزنیں اُرشے کرتگ، سرمچارانی ءُ ڈیتھ اسکواڈ ءِ میان ءَ اُرش داں دیر ءَ برجاه بیتگ ءُ ھمے میان ءَ زورگریں پاکستانی پوج ءِ کاروانے ھم پہ ڈیتھ اسکواڈ کمک ءَ سر بیتگ، سرمچارانی اُرش ءَ ڈیتھ اسکواڈ ءِ پنچ کارندہ مرتگ کہ آیانی تہ ءَ نادر ء کاسم جھمنند پروار مشکے ھم ھوار اِنت، چہ سوبمندیں اُرش ءَ پد سرمچار پہ سلامتی وتی مھریں اوتاکاں سر بیتگ اَنت۔
جارکش ءَ گوشتگ کہ بی ایل ایف یکبرے پد ءَ چہ رسانکدر ءَ چہ ءَ آواران ءِ مھلوک ءَ ھال دیگ لوٹ اِیت کہ آ وت ءَ چہ ڈیتھ اسکواڈ ءِ سروک اورنگزیب بزنجو ءَ چہ دور بہ دار اَنت ءُ وتی ورنائیں چُکاں ھم گوں آئی ءَ نزیکی کنگ ءَ دور بہ دار اَنت پرچاکہ آ زورگریں پوج ءِ دلّار اِنت ءُ گوں کسان کسانیں لب ءُ کار ءُ بار ءِ لالچ ءَ ورنایاں بلوچ چکچینی ءِ مراگشاں ھوار کنت۔
جارکش ءَ گوشتگ کہ دوازدہ مئی دوھزار بیست پنچ ءِ شپ ءَ بلوچستان ءِ ھند گریشگ گونی ءَ بی ایل ایف ءِ سرمچاراں تر ءُ گرد کتگ ، ھمے میان ءَ گوں لیویز کارندھاں دچار کپتگ اَنت، سرمچاراں لیویز کارمند دزگیر کرتگ اَنت آیانی سلاه گپتگ اَنت ءُ آ یل داتگ اَنت.
میجر گھرام بلوچ ءَ وتی دگہ یک شنگ کرتگیں درشانے ءِ تہ ءَ گوشتگ کہ دوازدہ مئی دوھزار بیست پنچ ءِ بیگاہ ءِ ادار چار ءِ نزیک ءَ بی ایل ایف ءِ سرمچاراں کولواہ، شاھو باتل ءَ برجاھیں زورگریں پاکستانی پوج ءِ چوکی ءِ سر ءَ چہ دو نیمگاں اُرش کرتگ۔ چریشی آسر ءَ زورگریں پاکستانی پوج ءَ جانی ءُ مالی تاوان رس اِتگ۔
جارکش ءَ گوشتگ کہ سیزدہ مئی دوھزار بیسر پنچ ءِ سھب ءِ ادار ھپت ءِ نزیک ءَ جھاو ءِ ھند گزی سوادان ءَ بندساچی شرکت ءِ پھازداری کنوکیں پاکستانی پوج ءِ کارندہ ھما وھد ءَ گوں چیر کرتگیں شورھاں نشانگ کرتگ اَنت کہ آ وتی سنگر ءِ نیمگ ءَ روگ ءَ بیتگ اَنت کہ اود ءَ بی ایل ایف ءِ سرمچاراں پیسر ءَ تراکناکیں شورہ کل کرتگ انچش کہ آ وتی سنگر ءَ سر بیتگ اَنت تراکناکیں شورو ترکّ اِتگ اَنت ۔ چریشی ءِ آسر ءَ دو کارندہ جاہ پہ جاھی مرتگ اَنت ءُ دو سک ٹپی بیتگ اَنت۔
جارکش ءَ گْوشتگ بی ایل ایف اے سرجمیں اُرشانی زمہ واری ءَ منّ اِیت ءُ داں بلوچستان ءِ آجوئی، وتواجھی ءُ پاکستانی پوج ءِ سرجمی ءَ درآھگ ءَ میڑ ءِ برجاہ دارگ ءِ کول ءَ کن ایں۔