بلوچ نیشنل موومنٹ ءِ تک انسانی ھکانی ادارہ ءِ پانک ءَ رسانکدر ءِ پلیٹ فارم ایکس یک شنگ کتگیں درشانے ءِ تہ ءَ گْوشتگ کہ بلوچستان ءِ دمگ بالیچہ ءَ پاکستانی پوج ءِ چیردستی ءَ برجاھیں ڈیتھ اسکواڈ ءِ نیمگ ءَ چہ جنگیان بلوچ لوگانی سر ءَ کنگ بیتگیں زوراکی اُرش ءَ تُرندی ءَ گوں ایر جن ایں-
آئی ءَ گْوشتگ یک لس شھری یے لوگ سر ءَ راکٹ لانچر کارمرزی گامگیج میان استمانی انسانی ھکانی ءُ مردمگری ءِ کانود ءِ ھلاپ ورزی اِنت- اے ناشریں اُرش ءِ آسر ءَ سے مردم کہ آیانی تہ ءَ دو زالبول ھم ھوار اِنت، سک ٹپی بیتگ اَنت- اے وئیل بلوچ آبادی ءِ ھلاپ ءَ مُچی سزا ءۃ ریاستی چیردستی ءَ برجاہ زوراکی ءِ دْرچ ءِ یک بِژنی منانک اِنت-
پانک ءَ گْوشتگ کہ ما میان استمانی مردماں چہ دزبندی کن ایں کہ آ اے سنگین ءِ وئیل ءَ زوت گامگیج بزور اِیت ءُ زمہ واریں مردماں آمیدگس بہ اوشتارین اَنت- اے وڑیں جرمکارانی ھلاس کنگ الّمی اِنت-