تمپ : سھیل عبداللہ پہ سلامتی یل کنائینگ بہ بیت- گْھار

تھسیل تمپ ءِ دمگ دازن ءِ جھمنندیں زورانسری بیگواہ سھیل عبداللہ ءِ گْھار ءَ لوٹ کتگ کہ آئی ءِ برات ءَ پہ سلامتی یل بہ کن اِت کھول ءَ انساپ بدے اِت-

آئی ءَ گْوشتگ کہ سھیل عبداللہ ھپت ماہ ءَ ساری اکتوبر دوھزار بیست چار ءَ پاکستانی پوج ءَ یکرندے پد ءَ آوار جتگ ءُ بیگواہ کتگ کہ مارا آئی زند ءِ درگت ءَ سک تُرس اِنت-

کھول رِد ءَ آئی ءَ تربت پولیس ءَ آئی ءِ بیگواھی ءِ کیس نکش کنائینتگ ءُ ھپتگے ءَ ساری آ شال ءَ لوٹ کنگ بیتگ ءُ آ بیگواھیں مردمانی درگت ءَ کمیشن، ھوم ڈیمپارمنٹ ءَ آئی ءِ دیم ءَ پیش بیتگ آں ءُ آئی ءِ زورانسری آوار جنی ءِ رپورٹ ھم نکش کنگ بیتگ بلے تنی وھدے ھچ وڑیں گامگیج زیرگ نہ بیتگ-

زانگ بہ بیت کہ آ پیسری رند ءَ دوھزار بیست دو ءَ چہ تمپ دازن ءَ بیگواہ کنگ بیتگ، اے میان آ سک جسمانی ءُ سسّائی ازیت دیمپانی کنگ کپتگ-

سھیل ءِ پت ءَ وتی چُک ءِ بیگواھی ءِ سبب ءَ سک سسّائی نادُراھی نشانگ بیتگ ءُ لھتے ماہ ءَ ساری وپات بیتگ-