کیچ ءِ بنجاھی شھر تربت ءَ زھرشانی کنوکیں مردمانی سر ءَ تیرگواری ءَ چہ دو کسان سالیں بچک ٹپیگ بیتگ اَنت۔
تیر گواری ءِ وئیل تربت ءِ دمگ ملک آباد ءَ بوتگ۔
اھوالانی ءِ رد ءَ تربت ءِ دمگ ملک آباد ءَ زھرشانی ءِ وھد ءَ دو کسانیں بچک ٹپیگ بوتگ اَنت۔ چم دیستگیں مردمانی رد ءَ اے وئیل زھرشانی ءِ وھد ءَ تیرگواری ءِ آسر ءَ بوتگ کہ ایشی ءَ چہ دمگ ءَ ترس ءُ بیم تالان بوتگ۔
دمگی مردمانی گشگ اِنت کہ زھرشانی کنوک زوراکی ءَ بیگواہ کنگ ءُ زوراکیانی ھلاپ ءَ زھرشانی کنگ ءَ بیتگ انت کہ اناگت ءَ تیر گواری بندات بوتگ۔
ٹپیگ نادراھجاہ ءَ سر کنگ بیتگ اَنت ۔