تربت : سرکاری پلامرزی ٹولی ءِ دست ءَ کُشگ بیتگیں ورنا ئے کھول ءَ لاش ھمراھی ءَ نندانک داتگ

کیچ ءِ بُنجاھی شھر تربت ءَ کریم داد منظور ءِ میت ءِ ھمراھی ءَ M8 شھدگ جدگال ڈن ( ڈی بلوچ پوائنٹ ) سر ءَ نندانک برجاہ-

زانگ بہ بیت کہ تمپ ءِ دمگ کوھاڈ ءَ پشمبے ءَ سرکاری پلامرزی ٹولی ءِ دست ءَ کُشگ بیتگیں کسانی سالی ئیں ورنا کریم داد ء منظور ءِ میت ءِ ھمراھی ءَ آئی ءِ کھول ءَ ایم ایٹ شھدگ جدگال ڈن ( ڈی بلوچ پوائنٹ ) سر ءَ نندانک داتگ ءُ بند کتگ-

کھول ءَ گْوشتگ کہ آ تمپ ءَ چہ انساپ ھاتر ءَ تربت ءَ اَتکگ ایں پرچاکہ ناشناسیں مردماں اے دو ورنا ایں چُک شھید کتگ اَنت بلے اشانی کُشکار دزگیری کنگ ھاتر ءَ ھچ وڑیں گامگیج زیرگ نہ بیتگ-

آیاں گوشتگ کہ تربت ءِ مھلوک ءَ چہ نندانک ءَ ھوار بیگ ءُ آیاں انساپ دیگ ءَ تاں پلامرزی ءِ دزبندی کتگ- کھول گوشگ اِنت کہ ورنایانی نشانگ کنگ ھلاپ ءَ راج ءَ ڈن ءَ دراھگ ءُ زھرشانی کنگ لوٹ اِیت دانکہ اے دْرچ اد ءَ ھلاس بہ بیت-