پروم : پولیس تھانہ، نادرا کارگس ءُ لیویز ءَ ھوار کیمرھانی سر ءَ بیتگیں اُرشانی زمہ واریاں منّ ایں، بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ چاردہ فروری ءِ بیگاہ ءِ پنچ ءَ پنجگور ءِ دمگ پروم ءَ پولیس اسٹیشن ءُ نادرا کارگس سر ءَ اُرش کتگ، پٹ ءُ پول میان ءَ ھچ وڑیں سلاھاں شورو دزنہ کپتگ، بلے سرمچاراں تھانہ ڈیبل ءُ کُرسی پروشتگ اَنت، نادرا کارگس ءِ لیپ ٹاپ ءُ کیمرہ دستیگ کتگ ءُ کارگس مانداشتگ-

جارکش ءَ گْوشتگ کہ پروم ءَ دگہ ھندے ءَ گشت میان ءَ سرمچاراں یک لیویز کارمندے ءَ چہ Ak-47 ءِ دستیگ کتگ، بلے لیویز کارمند بلوچ بیگ ءَ سبب ءَ ھچ وڑیں تاوان نداتگ-

جارکش ءَ گْوشتگ کہ کلہ کور پروم ءَ ایف سی چوکی سر ءَ پٹ کتگیں پاکستانی پوج ءِ سرویلنس ءِ کیمرہ، نادُراھجاہ ءِ دیم ءَ پِٹ کتگیں پوج ءِ کارمرزی سرویلنس ءِ کیمرہ ءُ کھدہ ھکیم بازار ءَ پاکستانی پوج ءِ پِٹ کُتگیں سرویلنس ءِ کیمرہ نشانگ کتگ ءُ تباہ کتگ-

جارکش ءَ بلوچستان لبریشن فرنٹ اے سرجمیں کاروائیانی زمہ واری ءَ منّ اِیت، ءُ بلوچستان ءِ وتواجھی ءَ تاں پاکستانی پوج ءُ پوجی شوربندیانی سر ءَ مئے اُرش برجاہ بنت-