کیچ ءُ ھاران اُرشانی زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ کیچ ءُ ھاران ءَ پوجی بند ساچی شرکت ( ایف ڈبلیو او) سر ءَ دو جتاجتائیں ھند سر ءَ اُرش ءِ نشانگ کتگ جانی ءُ مالی تاوان داتگ-

جارکش ءَ گْوشتگ سے فروری ءِ روچ ءِ یک ءَ سرمچاراں ھوشاپ پرکوٹگ ءَ سی پیک دگ سر ءَ کارکنوکیں پوجی بند ساچی شرکت ( ایف ڈبلیو او ) ءِ چار کارمند اُرش ءِ نشانگ کتگ اَنت ، چریشی ءَ چہ یک کارمندے یے مرتگ سے ٹپی بیتگ اَنت-

جارکش ءَ گوشتگ دگہ یک اُرشے سرمچاراں سے فروری دوشمبے بیگاہ ءِ ھپت ءَ ھاران ءِ دمگ سرگُردان نزیک ءَ سی پیک لنک دگ ءِ بند ساچی شرکت ءِ سائٹ سر ءَ اُرش کتگ بلے سرجمیں مشینریری مانداشتگ ءُ ناکارہ کتگ اَنت-

جارکش میجر گْوھرام ءَ گوشتگ بی ایل ایف اے دوئیں اُرشانی زمہ واری ءَ منّ اِیت ءُ سرڈگار ءِ وتواجھی ءَ تاں زورگریں دُژمن ءُ آئی ءِ سرجمیں پُلپانچیں شوربندیاں نشانگ کنت-