بلوچستان ءِ دمگ چہ ھاران ءَ یک مردمے بیگواہ وھدے کہ کیچ ءِ تھسیل چہ بلیدہ ءَ کماشے آجو بیتگ-
ھالانی رِد ءَ چہ ھاران ءَ جنکانی شپانگ بازار ءَ پاکستانی پوج ءَ یک ورنایے آوار جتگ ءُ بیگواہ کتگ-
بیگواہ کنگ بیتگیں ورنا ئے پجّار مبارک سیاپاد کہ راسکو لوس جھمنند اِنت ءُ یک درزی دکانے ءَ کار بیتگ-
اِھوالکار ءَ گیشیں سرپدی داتگ گْوشتگ کہ چیریں ادارھاں ھاران گرلز بازار ءَ اتکگ ءُ مبارک سیاپاد ھما وھد ءَ آوار جتگ وھدے آ وتی دکان ءَ نندوک بیتگ، پاکستانی چیریں ادارھانی کارمند سے گاڑیاں چہ اتکگ ءُ سادھیں پوشاکانی تہ ءَ بیتگ اَنت-
ھمے وڑ بلیدہ میناز ءِ جھمنندیں ششت پنچ سالی کماش شپانک عبدالکریم چاردہ روچ ءَ پد پاکستانی پوج ءِ دست ءَ بیگواھی ءَ پد مروچی آجو بیتگ لوگ ءَ سر بیتگ-