سیمسر سر ءَ ایران ءُ پاکستان ءِ یکجاھی لشکر کشی برجاہ ءَ اِنت توپ جناں چہ گولہ گواری ءَ ھوار ھیلی کاپٹرانی بُرز بالی برجاہ ءَ اِنت-
بلوچستان ءِ روکپتی ءُ رودرتکی بھراں گستا کنوکیں سیمسر سر ءَ عبدوئی ءِ کش گوراں ایران ءُ پاکستان ءِ پوج لشکر کشی ءَ دلگوش اِنت-
یک دمگی اِھوالکارے ءَ ٹی بی پی ءَ گوں پدر کنان ءَ گوشتگ کہ لشکر کشی ءِ نشانگ دوئیں نیمگی دمگ اَنت بلے عبدوئی ءِ دمگ ءَ گیشتر سُر پُر ءَ گندگ آیگ ءَ اِنت-
آئی ءَ گوشتگ کہ یکشل ءَ توپ جن ءَ چہ گولہ گواری برجاہ ءَ اِنت وھدے کہ پوجی ھیلی کاپٹر بُرز بال برجاہ ءَ اِنت-
ھمے وڑ ءَ تربت ءَ ھم شپ وھد ءَ ھیلی کاپٹرانی بُرز بال گندگ اَتکگ اَنت-
دوئیں ڈیھانی واکداراں اے درگت ءَ ھچ وڑیں درشان شنگ نہ کتگ-