گوستگیں شپ ءَ سریاب دگ ءَ بلوچستان یونیورسٹی ءِ نزیک ءَ ریل ءں پٹری ءِ سر ءَ تراکے بوتگ کہ ریل ءِ پٹری ءِ یک بھرے تباہ بوتگ۔
بلوچستان ءِ مزن شھر شال ءَ سریاب دگ ءُ منیر احمد دگ ءِ سر ءَ یونیورسٹی بلوچستان ءِ نزیک ءَ ریل ءِ پٹری ءِ سر ءَ شوروداریں تراکے بوتگ کہ ایشی ءِ آسر ءَ ریل ءِ پٹری ءِ یک بھرے سرجم ءَ تباہ بوتگ۔
بنداتی ھالانی رد ءَ تراک آئی ای ڈی بوتگ ۔ تراک ءَ بیرانی نہ بوتگ بلے ریل ءِ ٹریک ءِ یک بھرے سرجم ءَ تباہ بوتگ۔ پولیس ءُ سیکورٹی کارندہ وئیل جاہ ءَ سر بوتگ انت ۔
ایشی ءَ چہ پیسر ریل انتزامیہ ءَ سیکورٹی ءِ ترس ءِ سبب ءَ گوستگیں روچ ءَ جار جتگ جعفر ایکسپریس ءِ روگ مھتل کتگ ات۔
زانگ بہ بیت گوستگیں روچ ءَ شال ءِ قمبرانی دگ ءَ بمب تراکے ءَ پولیس ءِ گاڑی نشانگ جوڑ کنگ بوتگ ءُ زامران ءَ تراک ءَ پیادگیں لورسز ءِ کارندہ ھم نشانگ جوڑ کنگ بوتگ اَنت کہ ایشی ءِ تہ ءَ دو کارندہ مرتگ بوتگ اَنت۔
مرچی بلوچ لبریشن آرمی ءِ بنکی سروک جنرل اسلم بلوچ ءُ آئی ءِ ھمراھانی بیرانی ءِ سالروچ ءِ درگت ءَ سرجمیں بلوچستان ءَ سیکورٹی ھائی الرٹ کنگ بیتگ ، وھدے کہ نوشکی ءَ ھوار بازیں دمگاں موبائل نیٹ ورک بند کنگ بیتگ انت ۔