زرباری وزیرستان : پاکستان پوج پوسٹ سر ءَ اُرش ءَ شانزدہ کارمند بیران

پاکستان ءِ چہ اوگانستان ھمگرنچ ٹکی دمگ زرباری وزیرستان ءَ پاکستان پوج ءِ پوسٹ سر ءَ اُرش ءَ کم چہ کم شانزدہ کارمند بیران ءُ ھشت ٹپی بیتگ اَنت-

پاکستان پوج ءِ ھمگرنچیں ادارہ آئی ایس پی آر ءَ تنی وھدے اے وئیل سر ءَ ھچ وڑیں درشان شنگ نہ کتگ- دمگی انتزامیہ، پولیس ءُ دگہ ادارھاں زرباری وزیرستان ءَ ساڑی ئیں واکداراں وئیل راست کتگ-

انتزامیہ ءِ واکدارانی گْوشگ اِنت کہ سلاہ بنداں پوج ءِ سیمسری پوسٹ لتا سر ءَ آدینگ ءُ شمبے ءِ میانی شپ ءَ اُرش کتگ وھدے کہ اُرش ءَ نوکیں سلاہ کارمرز کنگ بیتگ-

پوسٹ سر ءَ اُرش کُشگ بیتگینانی لاش ءُ ٹپی نزیکیں نادُراھجاہ ءَ برگ بیتگ اَنت-