مند ءَ پاکستانی پوج ءِ سر ءَ اُرش کتگ ءُ چار کارندہ کشتگ ءُ دو ٹپی کتگ انت- بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ گْوشتگ کہ سیزدہ دسمبر ءَ آدینگ ءِ ساھت چار ءُ چل ملٹ ءَ مند ءِ دمگ چکاپ ءَ سنگر گپتگ ءُ دُژمنیں پوج ءِ دو ویگو گاڑی نوکیں ءُ مزنیں سلاھاں گوں نشانگ کتگ اَنت چریشی ءِ آسر ءَ پوج ءِ چار کارمند مرتگ ءُ دو ٹپی بیتگ اَنت-

جارکش ءَ گوشتگ کہ سرمچاراں یک ھاسیں رپکے ءِ رِد ءَ پیسر ءَ اسنائپر ٹیکٹکل ٹولی ءَ چہ ویگو گاڑی ءِ ڈرائیور نشانگ کتگ ءُ پد ءَ اسپیشل آپریشن اسکواڈ ءَ نوکیں ءُ مزنیں سلاھاں گوں بیست ملٹ ءَ تاں آ دگہ کارمند نشانگ کتگ اَنت، چریشی ءَ گاڑی نشانگ کتگ ءُ آئی ءَ شش کارمند سوار بیتگ اَنت چریشی ءَ چار کارمند مرتگ ءُ دو سک ٹپی بیتگ اَنت گاڑی ءَ ھم سک تاوان رس اِتگ وھدے کہ یک گاڑی یے تچگ ءَ سوبمند بیتگ بلے اے گاڑی ھم سرمچاراں اُرش نشانگ کتگ-

جارکش ءَ گوشتگ کہ اُرش ءَ دُژمن ءَ گیگ گور موہ نہ رس اِتگ چریشی ءِ سبب ءَ چہ دُژمنیں پوج ءَ تیرجنگ موہ نہ رس اِتگ-

جارکش ءَ گوشتگ کہ نوکیں چیرجنگی رپکاں دُژمن ھمینچو تُرس آماچ کتگ کہ آ وتی بُنجل ءُ چوکیاں تان مھدود اِنت ءُ ڈن ءِ دراھگ ءَ چہ آئی ءَ تُرندیں اُرشانی نشانگ کنگ بیت چریشی ءِ سبب ءَ چہ آ سک سسّائی نپسیاتی نادُراھی ءِ آماچ اِنت-

جارکش ءَ گْوشتگ کہ بی ایل ایف اے اُرش ءِ زمہ واری ءَ منّ اِیت ءُ آجو بلوچستان ءِ وتواجھی ءَ تاں دُژمن ءِ کارمندانی نشانگ کنگ ءِ اِھد کن ایں-