بلوچستان ءِ دمگ کلات ءَ زورانسری بیگواہ کنگ بیتگیں زورانسری آوار جنی ءِ ھلاپ ءَ برجاھیں نندانک انتزامیہ نیمگ ءَ چہ دلجمی دیگ ءَ پد ھلاس کتگ-
کھول ءَ پدر کنان ءَ دی بلوچستان پوسٹ اِھوالکار ءَ گوشتگ کہ انتزامیہ نیمگ ءَ چہ زورانسری بیگواہ کنگ بیتگیں سئیں براتاں گوں فون سر ءَ گپ کنائینتگ ءُ گوشگ بیتگ سئیں براتاں باندا شپ یل کن ایں-
زانگ بہ بیت کہ ھشت ءُ نُھ دسمبر ءِ میان ءَ شپ پاکستانی پوج ءَ کلی زکریازئی منگچر ءَ ماسٹر محمد اسماعیل ءِ لوگ سر ءَ بیڑبرتگ سے چک محبوب علی، ارشاد احمد ءُ مرید احمد زورانسری بیگواہ کتگ اَنت-
زورانسری آوار جنی ءِ ھلاپ ءَ کھول ءَ اشی ءَ ساری نُھ دسمبر ءَ شال کراچی شھدگ منگچر ھند سر ءَ زھرشانی کنان ءَ بند کتگ- انتزامیہ گوم ءَ گپ دیوان ءُ دلجمی دیگ ءَ پد زھرشانی مھتل داشتگ-
اسسٹنٹ کمشنر ءُ ڈپٹی کمشنر کلات ءَ دع دوچ وھد لوٹ اِتگ کہ آیانی مردماں یل کن ایں دو روچ ءَ گوزگ ءَ اَبید آ یل کنگ نہ بیتگ اَنت ءُ مروچی یکرندے پد ءَ آیاں زھرشانی کراچی شال بُنجاھی شھدگ یکرندے پد ءَ بند کتگ-