بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں نوشکی ءَ یک اُرشے ءَ زورگریں پاکستانی پوج ءِ سے کارمند کشتگ انت-
جارکش ءَ گوشتگ بی ایل اے ءِ سرمچاراں مروچی سُھب یازدہ ءِ وھد ءَ نوشکی ءِ شھر ءَ بس اڈے نزیک ءَ بُنجل ءِ دپ ءَ اوشتوکیں کارمند یک اُرشے ءَ نشانگ کتگ اَنت، اُرش ءِ آسر ءَ سے دُژمنیں کارمند جاہ پہ جاھی مرتگ اَنت یک کارمندے سک ٹپی بیتگ-
اُرش ءَ پد بی ایل اے ءِ سرمچار پہ سلامتی وتی مُھریں اوتاکاں سر بیتگ اَنت، جارکش ءَ گوشتگ کہ بی ایل اے اُرش زمہ واری ءَ منّ اِیت-