پسنی ءِ ھند ببر شور ءَ ناکو ءَ تیرگواری کتگ ءُ جنکیں برات زتک کشتگ-
گیشیں اھوالانی رد ءَ پسنی ءِ دمگ ببر شور ءَ صابر ء سلیمان نامیں مردمے ءَ وتی جنکیں برات زتک مسمات ( م) ء گَندو جھمنند ببر شور تیرگواری کتگ ءُ کشتگ-
دمگی مردمانی رد ءَ کشگ بیتگیں جنک ءِ کھول ءَ گوشتگ مسمات ( م) واب بیتگ کہ صابر سلیمان اتکگ 9 ایم ایم پسٹل ءَ گوں پنچ دانگ تیر جتگ ءُ چریشی ءَ چہ آ ھما جاہ ءَ بیران بیتگ-
پولیس ءَ اژدری چار ءُ ٹپاس ءَ پد لاش کھول ءِ ھوالگ ءَ داتگ، کوش ءِ سبب داں انگت ءَ زانگ نہ بیتگ ءُ پولیس پٹ ءُ پول کنگ ءَ اِنت-