تربت : آوار جنگ بیتگیں ورنا ءِ لاش نادُراھجاہ ءَ سر کنگ بیتگ

بلوچستان ءِ دمگ تربت ءَ گوستگیں شپ ءَ ٹپی ئیں ورنایے پوج ءَ بندیگجاہ ءَ کُشتگ-

گیشیں ھالانی رِد ءَ گوستگیں شپ ءَ تربت ءَ پاکستانی پوج ءَ تیرگواری کتگ اسرار نامیں ورنایے ٹپی کتگ کہ آ ٹپی ئیں جاوراں پوج ءَ نادُراھجاہ برتگ-

نادُراھجاہ ءِ گوشگ ءِ رِد ءَ وھدے ورنا نادُراھجاہ آرگ بیتگ کہ اے وھد ءَ ھترہ ءَ چہ ڈن بیتگ پوج ءَ پد ءَ وتی ھمراھی ءَ برتگ-

تنی وھدی پوج ءَ لاش کھول ءِ دست ءَ نداتگ وھدے کہ آیانی سر ءَ زور دیگ ءَ اِنت کہ یک فارمے ءِ سر ءَ دستھت بہ کن اِت-

سیاسی پارٹیانی رِد ءَ ورنا پوج ءَ بندیگجاہ ءَ کشتگ نو اے تُرس پدر کنگ بیگ ءَ اِنت کہ پوج ءَ کھول زور دیگ ءَ اِنت اے منّگی اِنت کہ آ بہ منّ اَنت ورنا میڑ ءَ جنگ بیتگ-