مستونگ ءَ اُرش ءَ دشمن ءِ سَے کارندہ کشتگ اَنت – بی ایل اے

بلوچ لبریشن آرمی ءِ جارکش جیئند بلوچ ءَ شنگ کرتگیں بیان ءَ گوشتگ سرمچاراں مستونگ ءَ یک اُرشے ءَ زورگریں پاکستانی پوج ءِ سَے کارندہ کشتگ انت ءُ پنچ زدگ کتگ اَنت-

جارکش ءَ گوشتگ سرمچاراں اسپلنجی ءَ پاکستانی پوج ءِ گاڑیانی کاروان ءِ سر ءَ ریموٹ کنٹرولڈ آئی ای ڈی اُرشے کتگ چریشی ءَ پد دشمن ءِ سر ءَ راکٹ ءُ دگہ سلاھاں گوں اُرش کتگ اَنت-

آئی ءَ گوشتگ اُرش ءَ دشمنیں پوج ءِ بکتربند ءَ ھوار سَے گاڑی زد ءَ اتکگ اَنت چریشی ءِ آسر ءَ کم چہ کم سَے کارندہ مرتگ ءُ پنچ زدگ بیتگ اَنت-

جارکش ءَ گوشتگ بلوچ لبریشن آرمی اے اُرش ءِ زمہ واری ءَ من ایت-