کار، مرگ ءُ نادراھی
نبشتہ کار: لیو ٹالسٹائی
رجانک: شاھد اھمد
دی بلوچستان پوسٹ
گُش اَنت کہ، ھدا ءَ، اولی رند ءَ مردم انچوش جوڑ کُتگ اَنت کہ آیاں کار کنگ ءِ ھچ زلورت نہ بوتگ: آیاں نہ لوگ ءُ نہ پوشاک ءُ نہ ورگ ءِ زلورت بوتگ ءُ آ درست سد سال ءِ اُمر ءَ زندگ بوتگ اَنت ءُ نہ زانتگ کہ نادراھی چی یے۔
وھدے کہ لھتیں وھد ءَ پد ھُدا ءَ چار اِت کہ مردم چونیں زند گوازینگ ءَ اَنت گڑا آئی ءَ دیست کہ آ وتی زند ءَ وش ءُ وشھال بوگ ءِ بدل ءَ یکے دومی ءَ گوں جھد ءُ کوشست کُتگ اَنت ءُ ھر یکے ءَ وتی ھیالداری ءَ گوں کاراں انچیں پاسے ءَ سر کُتگ کہ زندگی ءَ چہ وش بوگ ءَ ، آیاں لانت دات۔
پد ءَ ھُدا ءَ گوں وت ءَ گْوشت: اے چہ آیانی زند ءَ جتا جتا، ھر یکے پہ وت ءَ کیت۔ ءُ پہ اے جاور ءِ بدل کنگ ءَ ھُدا ءَ کار انچو بندوبست کُت اَنت کہ مردمانی زند بے کار کنگ ءَ نا (ممکن) بوت۔ سردی ءِ آماچ بوگ ءِ ھاتر ءَ آ نوں پابند اِت اَنت کہ آ جاگہ جوڑ بہ کن انت ءُ زمین ءَ بہ کش انت ءُ نیبگ ءُ داناں بہ کش اَنت ءُ جم بہ کن اَنت۔
کار ایشاں یکجاہ کنت، ‘ھدا ءَ جیڑ اِت۔ ‘آ وتی اوزاراں جوڑ نہ کن اَنت، وتی چوباں تیار ءُ ٹرانسپورٹ کنگ ءَ نہ اَنت، وتی لوگاں جوڑ کنگ ءَ نہ اَنت، وتی بُرّگ ءُ جم کنگ ءَ نہ اَنت، رُمبگ ءَ نہ اَنت ءُ وتی پوشاکاں جوڑ کنگ ءَ نہ اَنت، ھر یکے وت ءَ ایوک ءَ۔’
‘اے آیاں سرپد کنت کہ ھرچ وڑ ءَ کہ آ دل ءِ جھلانکی ءَ یکجاہ بہ بنت، آھانی گور ءَ گیشتر ھست ءُ آ شرتریں زند گوازین اَنت؛ ءُ اے گپ آیاں یکجاہ کنت۔‘‘
وھد گوست ءُ پد ءَ ھُدا اتک کہ بچار اِیت کہ مردین چون زند گوازینگ ءَ اَنت ءُ نوں آ وش اَنت یا نہ۔
بلے آئی ءَ آ پیسر ءَ چہ بدتریں زند گوازینگ ءَ دیست اَنت۔ آھاں یکجاہ کار کتگ اَت (کہ آھاں کنگ ءَ کمک نہ کتگ اَت)، بلے درستاں یکجاہ نہ کتگ اَت، کسانیں گلانی تہ ءَ پروش بوتگ اَت۔ ءُ ھر یک گلے ءَ دگہ گلاں چہ کار ءِ زُورگ ءِ جھد کُت ءُ آھاں یکے دومی ءِ راہ بند کت ءُ وتی جھد ءُ کوشستاں وھد ءُ تاوان ءِ زوال کت ءُ ایشانی درستاں گوں کار نادراہ بوت۔
دیست کہ اے ھم شر نہ اِنت، ھُدا ءَ اے سوڑگ کُت کہ چیزانی بندوبست بہ کنت کہ انسان وتی مرگ ءِ وھد ءَ مہ زانت، بلکیں ھر ساھت ءَ بہ مر اِیت؛ ءُ اے گپ ءَ آھاں جار جَت۔
اے زانگ ءَ کہ آھانی تہ ءَ ھر یکے ھر ساھت ءَ بیران بیت کنت، ‘ھدا ءَ جیڑ اِت، ‘آ چہ ھما سوبمندی ءَ کہ بوت کنت کہ اَنچو کمیں وھد ءَ برجاہ بہ بنت، زندگی ءِ ھما ساھتاں کہ آھاں داتگ اَنت ھراب نہ کن اَنت۔’
بلے اے گپ دگہ رنگے ءَ دراتک۔ وھدے کہ ھُدا پد ءَ واتر بوت کہ مردم چونیں زند گوازینگ ءَ اَنت گڑا آئی ءَ دیست کہ آیانی زند چو پیسر ءَ ھراب اِنت۔
ھما کہ زبردست تر بوتگ اَنت، اے گپ ءَ چہ سوبمند بوتگ اَنت کہ مردین ھر وھد ءَ مر اَنت، ھما کہ نزور تر بوتگ اَنت، وتی رند ءَ جتگ اَنت، لھتے کش اِتگ اَنت ءُ لھتیناں مرگ ءِ بیھار داتگ اَنت۔ ءُ اے گپ بوت کہ زبردست تریں ءُ آھانی نسل ءَ ھچ کار نہ کت ءُ بے کاریں تھنائی ءِ آماچ بوت اَنت ءُ ھما کہ نزور تر اِت اَنت آیاں چہ وتی زور ءَ گیش کار کنگی بوت ءُ آرام ءِ کمی ءِ آماچ بوت اَنت۔ مردانی ھر سیٹ ءَ دومی ءَ چہ ترس ءُ کینگ اَت ءُ انسان ءِ زند انگت گیشتر نا وش بوت۔
اے درستاں گندگ ءَ پد ، ھُدا ءَ پہ کارانی ھلاس کنگ ءَ سوڑگ کت کہ یک گُڈّی وسیلھے ءَ کارمرز بہ کنت ؛ آئی ءَ مردمانی تہ ءَ ھر وڑیں نادراھی دیم دات۔ ھدا ءَ جیڑ اِت کہ وھدے کہ درستیں مردین نادراھی ءِ آماچ بنت گڑا آ سرپد بنت کہ ھما کہ وش اَنت آ نادراھانی سر ءَ ترس ءُ بیم بہ کن اَنت ءُ آھانی کمک ءَ بہ کن اَنت کہ وھدے آ وت نادراہ بہ بنت گڑا ھما کہ وش اَنت آھانی بدل ءَ آھانی کمک ءَ بہ کن اَنت۔
ءُ پد ءَ ھُدا شت۔ بلے وھدے کہ آ پد ءَ اتک کہ چار اِیت کہ مردین چوں زند گوازینگ ءَ اَنت کہ نوں آ نادراھیانی آماچ اَنت، آئی ءَ دیست کہ آیانی زند پیسر ءَ چہ ھم بدتر اِنت۔ ھما نادراھی کہ ھدا ءِ ارادہ ءِ تہ ءَ مردیناں یکجاہ کنگی اَت، آھاں پیسر ءَ چہ گیش بھر ءُ بانگ کتگ اَت۔ آ مرد کہ دگراں کار کنگ ءِ واست ءَ ھما وڑ ءَ زبردست اِت اَنت، آیاں ھم مجبور کت کہ نادراھی ءِ وھد ءَ آھانی ودار ءَ بہ کن اَنت؛ بلے آیاں وتی باریگ ءَ دگہ ھما مردمانی چار ءُ گزار نہ کت کہ آ نادراہ اِت اَنت۔ ءُ آ کہ پہ دگراں کار کنگ ءُ نادراہ بوگ ءِ وھد ءَ آھانی چار ءُ گزار کنگ ءَ مجبور بوتگ اَنت، آ چہ کار ءَ انچو زھر بوتگ اَنت کہ آھاں وتی نادراھانی چار ءُ گزار کنگ ءِ وھد نیست اَت، بلے آھاں بے نیمونی ءَ یلہ داتگ اَت۔ کہ نادراھیں مردمانی گندگ ءَ چہ زردارانی وشیاں پریشان مہ کنت، لوگ جوڑ کنگ بوتگ اَنت کہ آھانی تہ ءَ اے گریب ءُ تنگدستیں مردماں ھزمت کش اِتگ ءُ بیران بوتگ اَنت، دور چہ ھما مردماں کہ آھانی ھمدردی ءَ آھاں وش کتگ اَت، ءُ کرایہ داریں مردمانی بُنڈانی تہ ءَ کہ آھاں بے رھمی ءَ نرس کتگ اَت، یا گوں زِد ءُ کینگ ءَ ھم چہ ایشی ءَ ابید مردماں بازیں نادراھی یے وائرس لیک اِتگ ءُ چہ نادراھیانی گرگ ءِ ترس ءَ نہ ایوک ءَ نادراھاں چہ رکّ اِتگ اَنت بلکیں چہ نادراھانی ھوار بوگ ءَ ھم وت ءَ جتا کتگ۔
پد ءَ ھُدا ءَ گوں وت گْوشت: اگاں اے وسیلہ ھم مردماں اے سرپد نہ کنت کہ آیانی وشّی کجا اِنت، گڑا آیاں رنج ءُ گم ءِ وسیلہ ءَ وانینگ بہ بیت۔ ءُ ھُدا ءَ مردین پہ وت ءَ یلہ دات اَنت۔
ءُ، وت ءَ یلہ داتگ اَت ، مردیناں باز پیسر زندگ بوتگ اَت کہ آھاں اے سرپدی بوتگ اَت کہ آھاں درستاں وش بوگی اِنت ، ءُ بوت کنت کہ آ وشھال بہ بنت ۔ تھنا نوکیں زمانگ ءَ چہ آھانی تہ ءَ لھتے اے گپ ءَ سرپد بوگ بندات کتگ کہ کار لھتے ھاتر ءَ ھچ وڑیں ھبرے مہ بیت ءُ لھتے ھاتر ءَ گیلی ءِ گلامی ءِ وڑ ءَ مہ بیت بلکیں یکمُشت ءُ وشیں کارے بہ بیت کہ آ درستیں مردیناں یکجاہ بہ کنت۔ آھاں اے گپ ءِ سرپد بوگ بندات کتگ اَت کہ مرگ ءِ مدام مئے ھر یکے ءَ را بیھار دیگ ءَ اَنت، ھر مرد ءِ یکیں بے سھرا کاروبار ایش اِنت کہ آ سال، ماہ، کلاک ءُ منٹاں گوازینت کنت، کہ آئی ءَ را مھکم کنگ بوتگ اَنت- یکجاھی ءُ مھر ءِ تہ ءَ آیاں اے گپ ءِ سرپد بوگ بندات کت کہ نادراھی چہ مردینانی بھر ءُ بانگ ءَ دور ، ایشی ءِ چپ یکے دومی ءِ گوں مھروانیں یکجاھی ءِ موہ ءَ بہ دنت ۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی ءِ اِنت-