تربت : پاکستانی پوج سر ءَ بمب تراکے

کیچ ءِ دمگ شاپک ءَ ناشناسیں سلاہ بندیں مردماں پاکستانی پوج بمب اُرش نشانگ کتگ-

وسیلگ رِد ءَ اے اُرش پوج ءَ تاوان دیمپان کنگ کپتگ وھدے کہ واکدار اے اُرش ءَ یک کارمندے ٹپی پدر کتگ-

اُرش زمہ واری انگت ھچ گل ءَ نہ زرتگ-

زانگ بہ بیت ھمے ماہ ءَ بلوچستان ءَ پاکستانی پوج سر ءَ بیتگیں اُرشانی تہ ءَ گیشی گندگ اَتکگ-

گوستگیں ھپتگ ءَ شال ءَ یک وتکش اُرش ءَ اَبید پاکستانی پوج سر ءَ مزنیں اُرش بیتگ، آیانی تہ ءَ پاکستانی پوج ءِ مزنیں کچے ءَ جانی تاوان چست کنگ کپتگ-

کلات ءُ ھرنائی ءَ دو جتاجتائیں اُرشاں یک میجرے ءَ ھوار کم چہ کم یک درزنے کارمند ءُ بیست ٹپی بیتگ اَنت-

ھرنائی اُرش ءِ زمہ واری بلوچ آجوئی لوٹوکیں سلاہ بندیں یکجاھی گل براس ءَ زرتگ، وھدے کہ کلات اُرش زمہ واری بلوچ لبریشن آرمی ءَ زرتگ-