روکپتی بلوچستان ءِ دمگ سرباز ءِ ھند سرکور ءَ ایرانی لشکر ءِ بالگرد ءُ ڈرونانی بال برجاہ انت-
بالگرد سرباز ءِ جتا جتائیں جاھاں بال ءَ گندگ بیتگ اَنت ءُ دگہ وئیلانی بارو ءَ اھوال نیتکگ اَنت-
زانگ بہ بیت دوشی سرباز ءِ دمگ سرکور ءَ برجاھیں ایرانی لشکر ءِ بنجل ءِ سرا سلاہ بندیں مردماں اُرش کُرتگ اَت کہ آئی ءِ زمہ واری ایران ءِ سر ءَ اُرش کنوکیں گل جیش العدل ءَ منّ اِتگ اَت ۔
اے اُرش ءِ گیشیں ھال شنگ نبیتگ ءُ دوئیں نیمگاں بیران،ٹپیگ یا دزگیری ءِ بابت ءِ ھچ وڑیں ھال نہ بیتگ اَنت نانکہ سرکاری تکاں چوشین اھوالانی دیم ءَ آیگ بیتگ اَنت-
ھمے ڈول ءَ زاھدان ءِ جتا جتائیں جاھاں ایرانی لشکر ءِ جھلی ءُ برزی لشکر کشی ءِ ھال انت
مروچی زاھدان ءِ دمگ ، کورین۔سرجنگل۔اھمد چات۔(چاہ احمد) ءَ ایرانی لشکر ءِ جھلی ءُ برزی لشکر کشیانی ھال بیتگ انت-
دمگی اھوالانی رد ءَ کورین ، سرجنگل ءُ اھمد چات ءَ لشکری چیریں ادارھانی سلاہ بندین کارمند گوں زاتی گاڑی ءُ پوشکاں تر ءُ گرد ءَ گندگ بیتگ انت-
گیشیں میڑ ءُ آوار جنی ءِ ھال نیست