روکپتی بلوچستان ءِ بنجاھی شھر زاھدان ءُ سیمسری ھند تپتان ءَ ایرانی لشکر ءَ پنچ مردم آوار جتگ ءُ بیگواہ کرتگ اَنت-
گیشیں اھوالانی رد ءَ زاھدان ءَ یک گِسے ءَ بیڑ برتگ ءُ اود ءَ دو مردم آوار جتگ ءُ برتگ اَنت-
آوار جنگ بیتگیں مردمانی پجار عبداللہ ء شاہ مھمد ءُ عرفان ء قادر ءِ ناماں زانگ بیتگ اَنت کہ ھردوک زاھدان ءِ جھمنند گوشگ بوگ ءَ اَنت-
ھمے ڈول ءَ تپتان ءِ ھند گوھرکوہ ءَ ایرانی لشکر ءَ بیڑ برتگ ءُ اود ءَ سَے مردم آوار جتگ ءُ برتگ اَنت-
آوار جنگ بیتگیں مردمانی پجار علی ء نبی، احمد ء عبدالحمید ءُ شیر محمد ء حاجی نور ءِ ناماں زانگ بیتگ اَنت-
اھوالانی رد ءَ تپتان ءَ دَہ کسانی آوار جنی ءِ ھال اِنت بلے تنی وھدی دگہ مردمانی پجار زانگ نہ بیتگ اَنت-