بلوچ لبریشن آرمی ءِ جارکش جیئند بلوچ ءَ رسانکدر ءَ شنگ بوتگیں درشان ءِ تھ ءَ گوشتگ، گلّ ءِ سرمچاراں کیچ ءِ دمگ تجابان ءَ زورگریں پاکستانی لشکر ءِ کاروان ءِ سَر ءَ اُرش کُرتگ ءُ دژمن جانی ءُ مالی تاوان داتگ۔
آئی ءَ گوشتگ پشمبے ءِ روچ ءَ بلوچ سرمچاراں تجابان ءِ دمگ کرکی ءَ سی پیک دگ ءَ زورگریں پاکستانی لشکر ءِ کاروان ءِ سَر ءَ گوں مزن ءُ وتکاریں سلاھاں گوں اُرش کُرتگ ،دژمنیں لشکر ءِ یک گاڑی ءِ اُرش ءِ زد ءَ کپتگ ءُ آئی ءَ سوار ءِ یک لشکری کارندہ ءِ بیران ءُ چار ٹپیگ بیتگ اَنت۔
گُڈی ءَ جارکش جیئند بلوچ ءَ اُرش ءِ زمہ واری ءَ من اِتگ ءُ گوشتگ دا سرڈگار ءِ آجوئی ءَ دژمنیں لشکر ءَ نشانگ کنگ ءِ کول ءَ کن ایں-