گوادر ءَ پاکستانی پوج ءِ تُرند رؤکیں گاڑی ءَ یک مردمے لپاشتگ

بلوچستان ءِ تیاب دپی شھر چہ گوادر ءَ ھال اِنت کہ مگرب ءِ وھد ءَ پاکستانی پوج ءِ تُرند رؤکیں گاڑی ءَ۔یک دمگی مردمے ٹکر جتگ ءُ چریشی ءَ آ سک ٹپی بیتگ-

اے مرد ءِ پجّار اکبر جھمنند گزروان وارڈ، گوادر ءِ نام ءَ چہ بیتگ – دمگی مردماں ٹپی ئیں مرد نزیکیں نادُراھجاہ ءَ برتگ، گیشیں ھون ریچگ ءَ اے مرد دارگ بیتگ-

دمگی مردماں شکایت کتگ کہ پاکستان پوج ءِ کاروان تنکیں دگاں چہ آبادیاں تُرند گوز اَنت چریشی ءِ سبب ءَ اے وڑیں گیشتر بنت وھدے کہ وئیل ءَ پد پوج کارمنداں ٹپی ئیں مرد ھمے جاوراں گوں یل داتگ-