یک ورنایے پاکستانی لشکر ءَ دزگیر کنگ ءَ پد بیگواہ کنگ بیتگ-
بلوچستان ءِ دمگ چہ کیچ ءَ رسوکیں ھالانی رد ءَ پاکستانی لشکر ءَ چہ کیچ ءِ دمگ نگور ءَ چراگ دوست ء دوست مھمد نامیں مردمے دزگیر کنگ ءَ پد ناشناسیں جاھے ءَ برتگ۔
پاکستانی لشکر ءِ دزگیر کنگ ءَ پد تنی وھدی ایشی ءِ بارو ءَ دگہ سرپدی نیتکگ انت-
کیچ ءَ چہ بیگواہ کنگ ءِ درچ یکشل ءَ برجاہ انت اے ماہ ءِ اکتوبر ءَ بلوچ زورانسری بیگواہ کنگ ءِ کچ چہ ھپتاد ءَ گیش بوتگ کہ ایشانی تہ ءَ 64 پجار کنگ بوتگ، کہ آ چہ بلوچستان ءِ جتاجتائیں دمگاں ھوار کراچی ءَ ھم بیگواہ کنگ بوتگ اَنت۔
اے ماہ ءَ بلوچستان ءِ دمگ ڈیرہ بگٹی ءَ چہ 25 ءَ گیش مردم زوراکیں بیگواہ کنگ ءِ ھال رس اِتگ کہ ایشانی تہ ءَ تاں انوگ ءَ 16 مردم پجارگ بوتگ اَنت ءُ اے ماہ ءَ چہ نوشکی ءَ 9 بلوچ ورنا ءُ چہ کراچی ءَ 12 ورنا زوراکی ءَ بیگواہ کنگ بوتگ اَنت-
اکتوبر ءِ ماہ ءَ چہ کیچ ءَ 10، چہگوادر ءَ 6، چہ حب چوکی ءَ 5، چہ خضدار ءَ 4 ءُ کلات آواران ءَ چہ یک یک زورانسری بیگواہ کنگ ءِ کیس دیم ءَ اتکگ۔