چہ ھزدار ءَ بیگواہ بوتگیں ممتاز بلوچ ءِ مات بیران بوتگ۔
ھالانی رِد ءَ دو سال پیسر چہ ھزدار ءَ بیگواہ کنگ بوتگیں ممتاز بلوچ ءِ مات ماہ جان بلوچ وتی چُک ءِ ودار ءَ بیران بوتگ۔
ماہ جان بلوچ گْوستگیں روچ ءَ ھزدار ءَ بیران بوتگ ءُ وتی ھند سوراب ءَ کل ءُ کسارات کنگ بیتگ-
ممتاز بلوچ 6 ستمبر 2022 ءَ چہ ھزدار ءَ دزگیر کنگ ءُ زوراکی ءَ بیگواہ کنگ بوتگ اے سیمی رند اِنت کہ ممتاز زورانسری بیگواھی ءِ آماچ کنگ بیتگ-
پہ ممتاز بلوچ ءِ سلامتی ءَ یل کنگ ءِ آئی ءِ مات ءُ براتزتک ءِ نیمگ ءَ باز رند ءَ چہ سرکار ءُ انسانی ھکانی ادارگاں پہ ممتاز ءِ یل کنگ ءِ دزبندی کتگ ، ھمے ڈول زھرشانی ءُ سوشل میڈیا ھم کمپین برجم دارگ بیتگ انت بلے ممتاز بلوچ انگت ءَ یل نہ بیتگ-