دکی : کھنجانی کوش ھلاپ ءَ مزنیں کچے ءَ زھرشانی

وئیل ھلاپ ءَ شھری ءُ وانگجاہ ءِ نودربر دگانی سر ءَ اَتکگ اَنت، انساپ لوٹ کنگ ءَ اَنت-

گوستگیں شپ ءَ دکی ءَ ناشناسیں مردمانی نیمگ ءَ چہ اشکر کھنانی سر ءَ اُرش بیست نزیک ءَ کھنجنانی کوش ءِ ھلاپ ءَ شھری زھرشانی اَنت، زھرشانی کنوکاں لاش ءِ ھمراھی ءَ دکی ایف سی کینٹ دیم ءَ نندانک ءِ داتگ-

پوریاگرانی کوش ءِ وئیل ءَ شھر پرسیگ اِنت مروچی سھب ءَ جتاجتائیں وانگجاہ ءِ چکاں شھر ءَ روانک کش اِتگ ءُ وئیل ھلاپ ءَ زھرشانی کتگ-

زانگ بہ بیت کہ شپ وھد ءَ ناشناسیں سلاہ بندیں مردماں جتاجتائیں اشکر کھنانی سر ءَ اُرشانی نشانگ کتگ کہ تاں انو بیست یک کھنجن بیران ءُ بازینے ٹپی بیگ ھال اِنت وھدے کہ ٹپیانی تہ ءَ بازینے ءِ جاور نگیگ اَنت-

وئیل ءَ کُشگ بیتگین کھنجن گیشتر دمگی اَنت وھدے کہ لھتے ءِ سیادی ھمساھگیں ڈیھ اوگانستان ءَ اِنت-

وئیل ھلاپ ءَ دمگ مردماں لاشانی ھمراھی ءَ ایف سی کینٹ دیم ءَ لاش ایر کتگ ءُ نندانک داتگ اِنت وھدے کہ ھمے میان ءَ زھرشانی کنوکاں ھکومت ءُ سیکورٹی ادارھانی ھلاپ ءَ سک ناراہ جتگ-

زھرشانی کنوکانی لوٹ اِنت کہ سیکورٹی نام سر ءَ ایف سی نیمگ ءَ چہ کروڑانی کلدار اشکر کھناں چہ گپت شپ وھد ءَ سلاہ بندیں مردماں پوریاگراں کُشگ ءَ اَنت وھدے کہ یک کلو میٹرے ءَ دیر گستائی ءَ ساڑی سیکورٹی واکدار ءَ ھچ وڑیں گامگیج نہ زرتگ-

دکی دمگ مردماں جار جتگ کہ دانکہ ھکومت ءُ ایف سی واکدار ھوار نہ بنت دلجمی ندے اَنت آ ایف سی کینٹ دیم ءَ لاشاں ایر کن اَنت وتی زھرشانی ءَ برجاہ دار اَنت-