بلوچستان ءُ پنجاب ءَ زانشتی ادارھاں بلوچ نودربرانی زوانسری آوار جنی ءِ تہ ءَ گیشی ترسناک اِنت- ڈاکٹر ماہ رنگ بلوچ

بلوچ یکجھتی کمیٹی ءِ سروکی ءَ ڈاکٹر ماہ رنگ بلوچ ءَ گْوشتگ کہ بلوچستان ءِ جتاجتائیں دمگاں ءُ پنجاب ءِ زانشتی ادارھاں بلوچ نودربرانی زورانسری آوار جنی ءِ تہ ءَ گیشی ترسناک اِنت-

آئی ءَ گْوشتگ کہ گوستگیں روچ ءَ حامد بلوچ ء خان محمد جھمنند بلیدہ کیچ ءُ یونیورسٹی آف سرگودھا ءِ سوشیالوجی ءِ ھپتمی سمسٹر ءِ نودربر ریاستی چیریں ادارھاں چہ ابراھیم ھسپتال سرگودھا پنجاب دیم ءَ بھادر شاہ ظفر دگ ءَ آوار جتگ ءُ بیگواہ کتگ – تاں انگت آ ناں آمیدگس یا تھانہ ءَ پیش کتگ ءُ نانکہ آئی ءِ لوگ مردم ءَ اے جاہ درگت ءَ گوشتگ-

ڈاکٹر ماہ رنگ ءَ گْوشتگ کہ پنجاب زانشتی ادارھاں بلوچ نودربرانی ھلاپ ءَ تاکت کارمرز کنگ ءُ لَٹ کٹانی تہ ءَ ھم گیشی اتکگ- گوستگیں روچ ءَ جماعت اسلامی ءِ نودربر بُنز ءَ پنجاب یونیورسٹی ءَ بلوچ نودربرانی سر ءَ اُرش کتگ- یونیورسٹی انتظامیہ ءُ پولیس ءَ پھاز ءُ انساپ دیگ جاہ ءَ بلوچ نودربر تُرسینتگ ءُ چریشی ءِ آسر ءَ دہ ءَ نزیک ءَ نودربر دزگیر کتگ ءُ پولیس ءِ تھانہ اَنت-

آئی ءَ گْوشتگ کہ بلوچ نودربرانی زورانسری آوار جنی ءُ آیانی ھلاپ ءَ تاکت کارمرزی ءَ زوت بند بہ کن اَنت-