بلوچستان ءِ دو جتا جتائیں جاھاں چار مردم پاکستانی پوج ءَ آوار جتگ اَنت-
گیشیں اھوالانی رد ءَ پنجگور ءَ پاکستانی پوج ءَ یک کسان سالیں ورنایے ءَ ھوار دو مردم آوار جتگ اَنت-
آوار جنگ بیتگیں مردمانی پجار شھسوار ء ھسین ءُ مرتضی ء علی جھمنند کلیری ءِ ناماں زانگ بیتگ اَنت-
ھردوک پوج ءَ روکپتی ءُ رودراتکی بلوچستان ءَ جتا کنوکیں لکیر جیرک بارڈر ءَ مروچی دزگیر کتگ ءُ برتگ اَنت-
دومی نیمگ ءَ تمپ کونشکلات ءَ پوج ءَ گوستگیں شپ ءَ بیڑ برتگ ءُ دو مردم آوار جتگ ءُ بیگواہ کتگ اَنت-
آوار جنگ بیتگیں مردمانی پجار دادوست ء ماسٹر ھاسل خان ءُ نسرت ء ھسین ءِ ناماں زانگ بیتگ اَنت-
زانگ بہ بیت گوستگیں دو روچانی توک ءَ بلوچستان ءَ یک رندے پد ءَ مردمانی بیگواہ کنگ ءِ درچانی توک ءَ گیشی گندگ آیگ ءَ انت-