مجید بریگیڈ ءِ فدائینان 40 ءَ گیش دشمن ءِ کارندہ کشتگ انت ءُ شش اداراں داں بیلہ بنجل دستیگی ءَ انت- بی ایل اے

بلوچ لبریشن آرمی ءِ جارکش جیئند بلوچ ءَ گوشتگ فدائی آپریشن “ھیروپ” ءِ لڑ ءَ بی ایل اے ءں فدائی یونٹ مجید بریگیڈ ءَ زورگرین پوج ءِ بیلہ بنجل ءَ اُرش کتگ ءُ داں انگت ءَ چِل ءُ دو کارندہ کشتگ اَنت ءُ شش اداراں داں بنجلے یک بھرے وتی دستیگی ءَ کتگ ءُ دشمن ءِ گون ءَ جنگ کنگ ءُ دیم ءَ جنزان اِنت-

بی ایل اے ءِ جارکش ءَ گوشتگ بی ایل اے ءِ مجید بریگیڈ ءَ شورواں پریں دو گاڑیاں بنجل ءِ دروازگ ءُ نزیک ءِ پھریزی چوکیاں ٹکر جتگ ءُ تباہ کتگ اَنت چریشی ءَ پد مجید بریگیڈ ءِ ھیروپ فدائین یونٹ بنجل ءِ توک ءَ پترتگ ءَ چِل ءَ گیش پوجی کارمند کشتگ اَنت بنجلے یک بھرے وتی دستیگی ءَ کتگ دراھین فدائین انگت ءَ سلامت اَنت-

جارکش ءَ گوشتگ ھمے وھد ءَ بنجل ءَ جاڑیگیں پوجیانی کمک ءَ آیوکیں پوجی کاروان ءِ سر ءَ فدائیناں اُرش کتگ ءُ پشت ءَ کنزیتگ –

جیئند بلوچ ءَ گوشتگ سرجمیں بلوچستان ءِ دگ بی ایل اے ءِ فتح اسکواڈ ءُ ایس ٹو او ایس ءِ ناکہ بندی کرتگ ءُ وتی دستیگی ءَ کتگ اَنت- ناکہ بندی ءُ پوج ءِ گون ءَ جنگ ءُ چوپ ءَ داں انگت ءَ 62 کارندہ کشتگ اَنت ءُ کشگ بیتگیں پوجیانی کساں 102 ءَ سر بیتگ اَنت 22 ءَ گیش پوجی، پولیس ءُ لیویز کارندہ بی ایل اے ءِ گور ءَ بندیگ اَنت-