تمپ ءَ پاکستانی پوج ءِ سر ءَ اُرش

سربوتگیں ھالانی رِد ءَ ناشناسیں سلاہ بندیں مردماں تمپ ءَ پاکستانی پوج ءِ سر ءَ اُرش کتگ –

گیشیں ھالانی رِد ءَ ناشناسیں سلاہ بندیں مردماں مروچی ھشت ءُ نیم ءَ تمپ ءِ دمگ دازن ءَ گومازی ءِ دوراھی ءَ برجاھیں پاکستانی پوج ءِ پانگسے ءِ سر ءَ اُرش کتگ – دمگی اھوالکارانی رِد ءَ اُرش داں دیر ءَ برجاہ بوتگ اُرش ءِ آسر ءَ پاکستانی پوج ءِ جانی تاوان ءِ گمان اِنت –

زانگ بہ بیت بلوچستان ءِ جتا جتائیں ھند ءُ دمگاں پاکستانی پوج ءِ سر ءَ بوتگیں اُرشانی زمہ واریاں گیشتر بلوچ آجوئی لوٹوکیں سلاہ بندیں گل منّ انت بلے اے اُرش ءِ زمہ واری ھچ گل ءَ نہ منّ اِتگ ءُ ناکہ سرکار ءِ نیمگ ءَ اے درگت ءَ درشان ءِ دیگ بوتگ –