گوگل ءَ نوکیں اے آئی فیچرز ءِ ھواری ءَ پکسل 8 سیریز ءُ اسمارٹ واچ دیم ءَ آورتگ اَنت

ایپل ءَ پد نی گول ءَ آرٹیفیشل انٹیلی جینس ءِ نوکیں فیچرزانی ھواری ءَ پکسل 8 ءُ اسمارٹ واچ ءِ سیریز دیم ءَ آورتگ اَنت-

گوگل ءِ نیمگ ءَ چار شمبے ءِ روچ ءَ پکسل ءِ نوکیں لائن اپ ءَ پکسل 8 ءُ پکسل 8پرو ھوار اَنت- نوکیں پون ءِ سیریز ءَ نوکیں پروسیسر ٹینسر جی تھری پِر کنگ بیتگ اَنت ءُ ایشی ءَ لگ اتگیں چپ ھم آرٹیفیشل انٹیلی جینس ءُ مشین لرننگ ءِ زور ءَ دار ایت اِنت-

ایونٹ ءَ کمپنی ءِ ایگزیکٹوز ءِ گوشگ اِنت پکسل 8 ءِ نوکیں اے آئی فچرز فوٹوگرافی ءُ اسپہم کالز ءَ بلاک کنگ ءَ ھم کمک کن اِنت-

پکسل 8 نھاد 699 امریکہ ءِ ڈالر اِنت ءُ ھمے وڑ پکسل 8 پرو ءِ نھاد 999 امریکہ ءِ ڈالر اِنت ءُ اے دوازدہ اکتوبر ءَ داں بھائی نھاد جاہ ءَ سر بنت اِنت-

زانگ بہ بیت گوستگیں ماہ ءَ ایپل ءَ ھم آئی پون پانزدہ دیم ءَ آورتگ ات کہ آئی ءِ نھاد گیش کتگ ات-

گوگل ءَ گوگل واچ دو ھم لانچ کتگ چریشی ءَ آرٹیفیشل انٹیلی جینس ءُ ایڈوانس ھیلتھ ٹریکنگ فیچر ھست اِنت ءُ واچ ٹو ءِ نھاد سَے سد ءُ چِل ءُ نُھ ڈالر ءَ بندات اِنت-

نامی ئیں ٹیک میڈیا، ڈیٹا ءَ مارکیٹنگ کمپنی انٹرنیشنل ڈیٹا کارپوریشن (آئی ڈی سی) ءِ رد ءَ گوگل ءِ فونز درستاں مستریں نھاد امریکہ ءَ اِنت کہ پکسل سرجمیں دنیا ءَ شنگ ءُ شانگی سِی ءُ نُھ درسد اِنت ایشی ءَ پد جاپان ءَ بیست ءُ نُھ درسد اِنت ءُ برتانیہ ءَ نُھ درسد اِنت –

سال دوھزار ءُ بیست ءُ سَے ءَ سرجمیں دنیا ءَ گیش بھا بوھوکیں اسمارٹ پون برانڈز، سام سنگ 21.3 درسد،ایپل 18.6 درسد،شیاؤمی 11.9 درسد،اوپو 9.9درسد، ویوو 7.9 درسد،گوگل 0.9درسد ءُ دگہ برانڈ 29.7 درسد بھا بنت اِنت-