کلات: سلاہ بندیں مردمانی دست ءَ آوار جنگ بوتگیں مردمے جون دست کپتگ

سربوتگیں ھالانی رِد ءَ گوستگیں روچاں ناشناسیں سلاہ بندیں مردمانی دست ءَ آوار جنگ بوتگیں مردمے جون دست کپتگ –

گیشیں ھالانی رِد ءَ کلات ءِ دمگ گور، گزک ءَ یک مردمے ءِ جون دست کپتگ کہ تیر جنگ ءُ کُشگ بوتگ –

کشگ بوتگیں مردمے پجار حاجی حسن نچاری ءِ انت –

دمگی اھوالکارانی رِد ءَ اے مرد لھتے روچ ساری سلاہ بندیں مردماں گوں ھمراھے چُک ءَ گوں وت برتگ، کہ گوستگیں روچ ءَ آئی ءِ جون دست کپتگ ءُ چُک یلا کنگ بوتگ –

تنی وھدی وئیل ءِ درگت ءَ ھچ وڈیں سرپدی نہ رستگ کہ کجام سوب ءَ اے مرد کُشگ بوتگ –