ایرانی چیرین ادارھاں یک ورنایے آوار جتگ ءُ دگہ بندیگیں نیکراھی رھشونے ڈیھ ءَ گلینگ بیتگ

ایرانشھر ءَ چیرین ادارھاں یک ورنایے آوار جتگ ءُ گون وت بیتگ کہ چریشی ءَ پد آئی ءِ درگت ءَ دگہ اھوال دیم ءَ نیتکگ اَنت-

اھوالانی رد ءَ روکپتی بلوچستان ءِ دمگ ایرانشھر ءَ چیریں ادارھاں کارمنداں یحیٰ ریکی ء عبدالکریم آوار جتگ ءُ گون وت برتگ-

اھوالانی رد ءَ یحیٰ ریگی وتی ٹک ءِ تہ ءَ وت ماں وتی جیڑھانی گیش ءُ گیوار ءَ دومی کھول ءِ گور ءَ شتگ بیتگ کہ اود ءَ آ راہ ءِ نیم ءَ چیریں ادارھاں دزگیر کتگ ءُ گون وت برتگ-

چریشی ءَ پد آئی ءِ درگت ءَ دگہ اھوال دیم ءَ نیتکگ اَنت-

دو ھپتگ ءَ پیش دزگیر کنگ بیتگیں نیکراھی رھشون چہ ڈیھ ءَ کشگ بیتگ –

دوھپتگ ءَ پیش ماں زاھدان ءَ ایرانی لشکر ءِ دست ءَ دزگیر بیتگیں مولوہ عبدالمالک رخشانی امام رمشک ءِ گوستگین پیش چہ ڈیھ ءَ کشگ بیتگ-

اھوالانی رد ءَ آئی ءِ ڈیھ ءِ کشگ ءِ سبب آئی ءَ را شناس نامہ نہ بیتگ ءُ چریشی ءَ چہ آ اوگانستان ءِ سیمسر ءَ گوازینگ ءُ اوگانستان ءَ دیم دیگ بیتگ-

زانگ بہ بیت چِد ءُ پیش ھم ایران ءِ نیمگ ءَ زاھدان ءَ نیکراھی رھشون چہ ڈیھ ءَ کشگ ءُ اوگانستان ءَ دیم دیگ بیتگ اَنت-