روکپتی بلوچستان ءِ دمگ راسک ءَ ایرانی لشکر ءَ یک عالم دینے دزگیر کتگ ءُ گون وت برتگ-
سر بیتگیں ھالانی رد ءَ روکپتی بلوچستان ءِ دمگ راسک ءَ ایرانی لشکر ءُ چیریں ادارھاں یک عالم دینے دزگیر کتگ ءُ گون وت برتگ-
گرگ بیتگیں عالم دین ءِ پجار راسک ءِ امام جمعہ ءِ پیش امام مولانا فتح مھمد نقشبندی ءِ نام ءَ زانگ بیتگ-
اے وئیل ءِ ھال راسک مولانا عبدالغفار نقشبندی ءَ راست کتگ ءُ گوشتگ کہ ایرانی لشکر ءَ مولانا فتح مھمد دزگیر کتگ ءُ گون وت برتگ-
اھوالانی رد ءَ مولانا فتح مھمد گوستگیں آدینگ ءِ روچ ءَ ایرانی چیریں ادارھاں پیش بوگ ءِ ھکم داتگ بیتگ کہ آ نہ شتگ ءُ آ مروچی دزگیر کنگ بیتگ-
زانگ بہ بیت روکپتی بلوچستان ءَ گیشتر عالم دینانی دزگیری ڈیھ ءِ بگیری ءَ گپ کنگ ءِ پژدر ءَ گرگ ءُ آیانی لوٹانی نہ منگ ءِ سر ءَ بوگ ءَ اَنت-
زانگ بہ بیت چد ءُ پیسر ھم روکپتی بلوچستان ءَ بازیں عالم دین چہ روکپتی بلوچستان ءَ درکپگ ءَ لاچار کتگ انت ءُ لھتیں ھم دزگیر کتگ ءُ برتگ اَنت-