اسلام آباد پولیس ءَ ایمان مزاری دزگیر کنگ ءَ پد بیگواہ کتگ

گوستگیں وفاقی وزیر شیریں مزاری ءِ جنک ءُ انسانی ھکانی باسک ایمان مزاری اسلام آباد پولیس ءَ چہ جند ءِ لوگ ءَ دزگیر کتگ ءُ برتگ-

اسلام آباد پولیس ءَ ٹوئٹر ایکس ءَ شنگ کتگیں درشان ءَ دزگیری ءِ ھال راست کتگ ءُ گوشتگ کہ کیپیٹل پولیس ءَ علی وزیر زرباری وزیرستان ءِ راجی پتر ءِ باسک ءُ پشتون تھپز مومنٹ ءِ رھشون ءُ ایمان مزاری دزگیر کتگ اَنت-

درشان ءَ گیش گوشگ بوتگ کہ ھردوکیں جرمکار اسلام آباد پولیس ءَ پٹ ءُ پولی ءَ چیر بیتگ اَنت ءُ اے درستیں پٹ ءُ پول کانون ءِ میان ءَ بنت اِنت –

درشان ءَ گوشگ بیتگ کپ اسلام آباد کیپیٹل پولیس ءِ جارکش ءَ شنگ کتگیں درشان ءَ راست کنگ بیت اِنت ابید دگہ اسٹیشناں درشان دیگ نہ بیت اِنت-

ایشی ءَ پیس پاکستان تھریک انساپ ءِ گوستگیں باسک شیریں مزاری ءَ یکشمبے ءِ سھب ءِ ساھت چار ءَ ٹویٹ کتگ ءُ گوشتگ زالبول پولیس کارمند ءُ لس پوشاکی کارندھاں کمو پیسر منی جنک برتگ-

آئی ءَ گوشتگ کہ سیکورٹی کارندھاں لوگ ءِ دروازگ پروشتگ ءُ تہ ءَ پترتگ انت ءُ سیکورٹی کیمرہ، لیپ ٹاپ ءُ موبائل ھم برتگ انت ئے-

شیریں مزاری ءَ گوشتگ من جست کتگ انت شما پرچا اتکگے ءُ ایمان ءَ گران کنگ ءُ برگ ءَ ات آ سرجمیں لوگ ءَ تر اتگ انت ءُ منی جنک گوں شپ ءِ گُداں بیتگ ءُ آئی ءَ گشتگ من ءَ گدانی مٹ کنگ ءَ بل ات بلے آیاں نیشتگ ءُ برتگ-

شیریں مزاری ءَ بھتام جتگ ءُ گوشتگ منی جنک آوار جنگ بیتگ ءُ ابید وارنٹ ءَ یا کانونی دروشم ءَ پولیس ءَ ایمان نہ برتگ-

کساس شش ادار ءَ پد ایمان مزاری ءَ وتی ٹوئٹر ایکس ءَ گوشتگ کہ ناشناسیں مردم منی لوگ ءِ کیمرھاں پروشگ ءَ اَنت ءُ گیٹ ءَ جنگ ءُ لوگ ءَ دور کنگ ءَ انت-