کراچی ءَ رینجرز ءِ کارمندے کوش ءِ زمہ واری بی ایل ایف ءَ منّ اِتگ

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجرگواھرام بلوچ ءَ رسانکدراں وتی شنگ کرتگیں درشان ءِ تہ ءَ ماں کراچی ءَ پاکستانی پوج رینجرز ءِ کارمند لانس نائیک دلشاد ءِ کوش ءِ زمہ واری منّ اِتگ –

جارکش ءَ وتی درشان ءِ تہ ءَ گوشتگ کہ بی ایل ایف ءِ سرمچاراں گوستگیں شپ ءَ ادار ھشت ءُ نیم ءَ سندھ ءِ بنجاھی شھر کراچی لیاری ءَ الفلاح دگ انٹلی جنس بیسڈ آپریشن ءِ کتگ ءُ سندھ ءِ رینجرز کارمند لانس نائیک دلشاد تیرباران کتگ ءُ کشتگ –

میجر ءَ گوشتگ کہ رینجرز سندھ بازیں ھند ءُ دمگاں ھوار لیاری ءَ بلوچ ورنایانی زورانسری آوار جنی، دروگیں میڑاں دزمانجیں ءُ اشی ءَ ھوار شپ ءِ نھنگام ءَ بلوچانی گس ءَ دؤر کنت ءُ توپک ءِ زور ءَ زھگ ءُ زالبولانی کم شرپی ءَ کنت – پاکستان ءِ رینجر گینگ وار ءِ نام ءَ دست گوشیں بلوچ ورنایاں دزگیر کنگ ءُ دروگیں میڑ ءِ نام ءَ نمیران کنگ ءَ انت –

جارکش ءَ گڈسر ءَ وتی درشان ءِ تہ ءَ گوشتگ کہ بی ایل ایف اے اُرش ءِ زمہ واری ءَ منیت ءُ بلوچ راج ءِ چکچینی ءُ آیانی کم شرپ کنوکیں ناشرکاریں ریاستی کارمنداں ھچ وڈا نہ بکش ایت – ماتیں سرڈگار ءِ آجوئی ءَ تاں اے دابیں اُرش برجاہ مان انت –