2023 ءِ بنداتی ششماھی ءِ وھد ءَ بلوچ سلاہ بندیں گلانی نیمگ ءَ 285 وئیلانی زمہ واری اش من اتگ انت – اے وئیلانی تہ ءُ بیرانی، زدگ ءُ ساز ءُ سامانی تاوان دیگ ءَ بازیں سانمندی کپتگ اَنت-
بلوچستان لبریشن فرنٹ ( بی ایل ایف) جنگولانی تاوانانی ھواری ءَ ابکہ کنوکیں رنگے ءَ 146 اُرش اش کتگ – اے اُرشانی آسر ءَ جتا جتائیں مھکمھاں بندوکیں پاکستانی پوج ءِ 137 کارندہ کُشگ بیتگ اَنت – چد ءُ گیشتر بی ایل ایف ءِ اُرشاں 57 ءَ گیش مردم زدگ بیتگ اَنت ءُ ایشانی ھواری ءَ ساز ءُ ساماناں ھم تاوانباری بیتگ اَنت – بی ایل ایف ءَ 10 جتاجتائیں دمگاں 50 ھنداں اُرش سرجم کتگ اَنت چریشانی توک ءَ کیچ، پنجگور ءُ آواران گیشتر دیم ءَ بیتگ اَنت – بی ایل ایف اے وھد ءَ ھما یکیں گل بیتگ کہ آئی ءَ گوادر ءِ دمگ ءَ ھم اُرشانی زمہ واری من اتگ اَنت کہ اے چین پاکستان ءِ بند ءُ ساچی دگ سی پیک ءِ گچینتریں بنجل اِنت-
بلوچ لبریشن آرمی ( بی ایل اے) ءَ سال ءِ بنداتی ششماھی ءِ وھد ءَ 118 اُرشانی زمہ واری من اتگ اَنت – اے اُرشانی آسر ءَ 98 ءُ گیشتر مردمانی بیرانی بیتگ اَنت – ایشانی توک ءَ پاکستانی پوج ءُ دگہ سلاہ بندیں ادارہ ھم ھوار اَنت – ھمے داب ءَ 116 ءَ گیش کارندہ زدگ بیتگ اَنت 80 ءَ گیش اُرشاں ساز ءُ ساماناں تاوانباریانی اھوال رس اتگ اَنت – گچینتریں گپ ایش اِنت کہ بی ایل اے ءِ شھری اُرش دگہ گلانی دیم ءَ گیشتر اَنت ھمے داب ءَ بی ایل اے 17 دمگاں سرجم بیتگ ءُ 54 ھنداں اُرش اش کتگ – ایشانی توک ءَ ’پدائی ‘ اُرش ءَ بہ گر مزنیں شھدگانی بندگ ھوار اَنت – بس تھنا جون ءَ بی ایل اے ءَ دوبر بنجاھی شھدگ بستگ ءُ بازیں ٹرکاناں آس داتگ ءُ اشکرانی کھناں کار کنوکانی دل ءُ لاپاں بیم ءُ ترس تالان کتگ اَنت – بی ایل اے ءَ بولان ءُ شال ءِ ھنداں بازیں بیڑانی زمہ واری من اتگ اَنت اے وھدانی میان ءَ چار جنگولانی تاوان ءِ دیمپانی یے کنگ کپتگ، ایشانی توک ءَ مجید بریگیڈ ءِ یک زالبولے ھم ھوار اِنت کہ آئی ءَ ’پدائی ‘ اُرش کتگ-
آد دگہ سلاہ بندیں ٹولی، چوشکہ بلوچ نیشنلسٹ آرمی، یونائیٹڈ بلوچ آرمی ءُ بلوچ ریپبلکن کارڈز ءَ سرجمی ءَ 21 جتا جتائیں اُرشانی ٹاہ داتگ – اے وئیلانی سبب ءَ 19 ءَ گیش بیرانی ءُ 6 ءَ گیش ساز ءُ ساماناں تاوانباری بیتگ – اے گل 8 دمگ 10 ھنداں پرکار بیتگ اَنت – ایشانی اُرشانی ترندی کم بیتگ – گچینتریں گپ ایش اِنت کہ اے گلاں ھچ جانی تاوانانی دیمپانی کنگ نہ کپتگ- کساسی رنگ ءَ اے ٹولیاں 2023 ءِ بنداتی ششماھی ءِ وھد ءَ سرجمی ءَ کساس 8 درسد بھر زرتگ –
بلوچ سلاہ بندیں گلانی پرکاریاں بلوچستان ءَ پھزدارانی سر ءَ جھلانک دابیں اسرکپتگ اَنت – زمہ واری، بیرانی ءُ ساز ءُ سامانی تاونباری ءَ مزنیں دمگے ءَ پاکستانی لشکر ءَ یکشلیں مزنیں چیلینجانی نشانی ءَ کنت اِنت – اے سلاہ بندیں گلانی نیمگ ءَ کارمرد کرتگیں جتا جتائیں رپک، چریشانی توک ءَ روایتی اُرشاں بہ گر گڑ ءُ منجی ودی کنگ ھوار اَنت جاورھال گیشتر جھلانکی ءَ بر اَنت کہ اے گلانی تہ ءَ جنگولانی تاوان ھم جیڑگانی ترندیں جاوراں پدر کنت اِنت-
ھمک روچ اے سلاہ بندین ٹولی چست بیتگیں گامگیج ءُ پرکاریانی سر ءَ ھرتچاری کنگ المی اِنت دانکہ جاورھالاں گیشتر سرپد بیت بہ کن ات-