کیچ: پاکستانی پوج ءِ دست ءَ دو ورناہ آوار جنگ ءَ پد بیگواہ

چہ تربت ءَ سر بیتگیں اھوالانی رد ءَ پاکستانی پوج ءَ گوستگیں شپ یَ آپسر ءِ ھند بیڑ برتگ ءُ دو ورنا آوار جنگ ءَ پد ناشناسیں جاھاں برتگ اَنت-

بیگوا کنگ بیتگیں مردمانی پجار سالم ء عبدالستار ءُ اکرم ء نئیم شاہ ءِ ناماں زانگ بیتگ اَنت-

دمگی مردمانی گوشگ اِنت اے ورنا گوستگیں شپ ءَ پاکستانی پوج ءَ بے وھد ءَ بیڑ برتگ ءُ آوار جتگ اَنت چریشی ءَ پد ھردوکیں ورنایانی درگت ءَ ھچ اھوال دیم ءَ نیتکگ اَنت –

بیگواہ بیتگیں ورنا اکرم سیٹھ اکرم میتگ ءِ نندوک ءُ سالم کھدہ یوسپ میتگ ءِ نندوک اِنت-