کیچ ءِ بنجاھی شھر تربت ءِ ھند آپسر آسکانی بازار ءَ گوستگیں شپ ءَ بیگواہ کنگ بیتگیں ھردوکیں زالبول یل بیتگ ءُ وتی لوگ ءَ سر بیتگ اَنت-
دمگی مردمانی رد ءَ تربت آپسر آسکانی بازار ءَ گوستگیں شپ ءِ ساھت یک ءَ پوج ءَ یک لوگے ءَ بیڑ برتگ ءُ دو زالبول کہ ھردوک مات ءأ چک بیتگ اَنت پوج ءَ اوار جتگ ءُ بیگواہ کتگ اَنت ءُ مروچی پد ءَ یل کتگ اَنت-
زانگ بہ بیت گوستگیں شپ ءَ آپسر ءَ گوھرام نامیں مردمے ءِ لوگ ءِ سر ءَ بیڑ برگ بیتگ ءُ اود ءَ گوھرام ءِ جنک ھلیمہ ءُ آئی ءِ لوگبانک نور ھاتون آوات جنگ بیتگ ات اَنت-